Is Pregadorias antigas: su signo de sa devozioni - Provincia del ...

122
Cun manos e pes inclavados?
Sos giudeos impegnados
In s’inventare rigores?
No mi giamedas Maria
Si no Mamma de dolores.
O Providentza sagrada,
O Onnipotente Deu,
Libberade a Fizu meu
E morza eo inclavada!
O prendha mia istimada,
Béndida a prétziu minore!
No mi giamedas Maria
Si no Mamma de dolores.
O giudàicu consizu
De sa vengativa fama,
Crucifissade sa Mamma
E perdonade su fizu;
Cara de biancu lizu
Castigadu cun rigore!
No mi giamedas Maria
Si no Mamma de dolores.
Cale manu at ispozadu
Custu celeste giardinu?
De custu Fizu Divinu
Sa rica pompa at turbadu?
Dae manu mi at leadu
Su mezus de sos fiores.
No mi giamedas Maria
Si no Mamma de dolores.
No mi giamedas Maria,
Ne de gràtzia piena,
Si no de dolores e pena,
De turmentos e agonia,
Ca bido sa vida mia
Intregadas a traitores.
No mi giamedas Maria
Si no Mamma de dolores.
No naredas chi beneita
Intr’e sas fémminas seo,
IS PREGADORIAS ANTIGAS - SU SIGNU DE SA DEVOTZIONI
Però so, a su chi creo,
Sa piús dolente e aflita;
A chie apo dadu tita
Bio in mortales errores.
No mi giamedas Maria
Si no Mamma de dolores.
Sospendhe, Giudas armadu, [est repara]
No tengas presse ne vendha,
Pro chi cussa no est prendha
De dare a su fuliadu:
Repara, chi as cuntratadu
Cun malos comporadores.
No mi giamedas Maria
Si no Mamma de dolores.
Si trateras cussu tesoro [est intregas]
Dimandha prétzios de fama
E cuntrata cun sa Mamma
Chi t’at a dare su coro,
Pro chi cussa prata e oro
No sunt bastantes valores.
No mi giamedas Maria
Si no Mamma de dolores
PRO SA CUARTA DIE
Pro fizu meu ispiradu
A manos de su rigore
Sete ispadas de dolore
Su coro m’ant trapassadu.
Truncadu porto su coro,
Su petus porto freciadu,
Debustis chi m’ant leadu
Su ricu meu tesoro;
Cun tanta pena ignoro
Comente mi est faltadu.
Sete ispadas de dolore
Su coro m’ant trapassadu.
O vida mia acabbada
In sa menzus pitzinnia!
Oh cun tegus eo cheria