Is Pregadorias antigas: su signo de sa devozioni - Provincia del ...

120
Azis su coro atristadu
Pro calchi bonu maridu
O calchi fizu nodidu
Est sa prenda chi s’est mancada?
Nade, comente est costadu
Su mortu chi lastimades!
Nade, Signora, pro chie
Su mantu niedhu portades?
Altzade, Signora mia,
Unu pagu cussu mantu,
E naràdesi intretantu
Pro chie est cussa agonia,
Chi tota sa cumpagnia
De penas alleviades.
Nade, Signora, pro chie
Su mantu niedhu portades?
Umilmente bos pedimos
Chi sa cara nos mostrezis
Ca no ischimos chie sezis:
Si sa cara bos bidimos
In su dolu conoschimos
sas bostras penalidades.
Nade, Signora, pro chie
Su mantu niedhu portades?
Acasu, Signora mia,
Sezis cudha lastimada,
Aflita, disconsolada,
Sa chi si narat Maria?
Coment’e mare de agonia
E de contrariedades?
Nade, Signora, pro chie
Su mantu niedhu portades?
Unu fizu celestiale
An mortu a issa tambene,
A totus faghiat bene
E a nemos faghiat male:
Cun cussu dolu mortale
Su coro nostru trapassades.
Nade, Signora, pro chie
Su mantu niedhu portades?
IS PREGADORIAS ANTIGAS - SU SIGNU DE SA DEVOTZIONI
Signora posta in fastizu,
Nàdemi cun trista boghe,
Si su mortu chi est inoghe,
Bos tocat de parentizu,
Si acasu est bostu fizu
Su mortu chi abbratzades.
Nade, Signora, pro chie
Su mantu niedhu portades?
PRO SA SEGUNDA DIE
Isculta, pópulu amadu,
Eo so posta in corrutu:
Pro fizu meu defuntu
Giuto su mantu atristadu.
Pópulu meu elegidu
Pópulu meu istimadu
Pro ite m’as crocifissadu
Su fizu meu nodidu?
Pro ite mi l’as iscupidu?
Pro ite mi l’as atzotadu?
Pro fizu meu defuntu
Giuto su mantu atristadu.
Mi preguntas pro su mantu
Proite lu porto atristadu;
Tue mi l’as causadu
Custu dolu e custu piantu;
Rispondhe, pópulu ingratu,
Tue sa morte as trassadu?
Pro fizu meu defuntu
Giuto su mantu atristadu.
Ite male ti apo fatu,
Ite aggràvios as connotu
Pro l’acabbare in totu
Fin’a lu bídere isfatu?
Rispondhe, pópulu ingratu,
Proite mi l’as inclavadu?
Pro fizu meu defuntu
Giuto su mantu atristadu.
Ispeta, pópulu meu,
No sias tantu ostinadu: