Is Pregadorias antigas: su signo de sa devozioni - Provincia del ...

118
De su furori iscampendi
A s’Egitu andat a abbitai.
Is crudelis doloris mius
Unu pagu cuntemplai.
De penas ingiriada
Po tres dis circu e non biu
A s’amau fillu miu
Ch’in su templu disputada,
Biendumí abbandonada
Non mi potzu consolai.
Is crudelis doloris mius
Unu pagu cuntemplai.
Seu casi dismajendi
Ca sa pena est tropu forti
Cundennau a infami morti
Unu fillu cuntemplendi,
Sa gruxi a pala portendi
Apena podit andai.
Is crudelis doloris mius
Unu pagu cuntemplai.
Mi mancat giai su respiru,
Candu sa penosa gruxi
De custu mundu sa luxi
Eclissada dèu dha miru;
M’est alléviu su suspiru,
Consolu su lagrimai.
Is crudelis doloris mius
Unu pagu cuntemplai.
Una crudeli lantzada
Chi su petus at abertu
De unu Fillu ancora fertu
A mei mamma tribbuliada,
Po is penas seu riservada,
Bivu po agonizai.
Is crudelis doloris mius
Unu pagu cuntemplai.
Sola restu in amalgura,
De totus abbandonada,
Ca de mei s’est apartada
S’allirghia e sa dolciura;
IS PREGADORIAS ANTIGAS - SU SIGNU DE SA DEVOTZIONI
Una trista sepoltura
at pótziu tantu lograi.
Is crudelis doloris mius
Unu pagu cuntemplai.
Mammas chi fillus teneis
E de coru dhus istimais,
Si afligida mi mirais,
Su motivu giai iscieis,
est giustu chi cunfesseis
Chi mi potzu lamentai.
Is crudelis doloris mius
Unu pagu cuntemplai.
In sa soledadi trista
Restu immoi e isconsolada,
De angustias acumpangiada,
De aflitzionis provista;
Aundi fúrriu sa vista
Penas solu depu incontrai.
Is crudelis doloris mius
Unu pagu cuntemplai.
Cudhu gosu chi tenia,
Cudhu cuntentu in Betlemme,
S’ingrata Gerusalemme
Dh’at cunvértiu in agonia:
In custa tanta allirghia
Iat a benni a parai.
Is crudelis doloris mius
Unu pagu cuntemplai.
Immoi sunti cessaus
Cudhus angélicus cantus,
Is donus e ossécujus tantus
De tres reis umiliaus,
Totus sunti cambiaus
In penas po turmentai.
Is crudelis doloris mius
Unu pagu cuntemplai.
Dógnia cuntentu tenia
Cun mirai solamenti
Fillu tantu ubbidienti,
Fillu càusa de allerghia,