Is Pregadorias antigas: su signo de sa devozioni - Provincia del ...

Comune di Gésturi
Su Deus onnipotente
cun tegus est istadu
Pro chi t’at preservadu
immaculada.
Pro chi t’at preservadu
immaculada.
Beneita e laudada
subr’a totu gloriosa,
Mama fiza e isposa
de su Segnore.
Mama fiza e isposa
de su Segnore.
Beneitu su fiore
e frutu de su sinu,
Gesús fiore divinu,
Segnore nostru.
Gesús fiore divinu
Segnore nostru.
Pregade a fizu bostru
pro nois pecadores,
chi totu sos errores
nos perdonet.
Chi totu sos errores
nos perdonet.
E sa gràtzia nos donet
in vida e in sa morte
E sa diciosa sorte
in paradisu.
E sa diciosa sorte
in paradisu.
Deus ti salvit, Reina 162
Deus ti salvit, Arreina,
Chi ses Mama de cleméntzia
Dulci in dógnia doléntzia
Isperantza nostra in vida.
Fillus de Eva afligida
In sa terra disterrada
A Tui sola lamada
Ca ses sa Mama de Deus.
Suspiraus e prangeus
In custu logu de piantu
A Tui finas e cantu
Ti demostras piedosa.
O duncas, Mama amorosa,
Potenti abbogada nostra
Is ogus chi a nosu ammostas
Totu pienos de amori.
E Gesús nostru Segnori
De is intragnas frutu amadu
Custu disterru acabbadu
A si biri eternamente.
Già chi tui ses presenti
Totu Amàbbili e Pia
De coru ti saludaus,
Dulci Vírgini Maria.
Dolorosos lamentos de Maria
sólitus cantaisí in sa dí de sa festa
de sa piedadi 163
Fillus, chi bolleis formai
De làgrimas duus arrius,
Is crudelis doloris mius
Unu pagu cuntemplai.
Custu coru trapassau
Bosi movat a cumpassioni,
Candu su profeta Simeoni
Mi dh’aiat profetizau
De biri unu fillu amau
In d-una gruxi inclavau.
Is crudelis doloris mius
Unu pagu cuntemplai.
Unu Erodi persighendi
A s’infanti miu Gesús,
Su dolori prus e prus
Bandat in mei aumentendi;
117