Is Pregadorias antigas: su signo de sa devozioni - Provincia del ...

Comune di Genuri
Adamu pecat divertindhe
E deo lu pago penandhe;
Adamu su frutu gosandhe
E deo in rughe inclavadu.
CORO - O Mamma, dàdemi lesséntzia
Chi andho a mòrrere inclavadu.
MARIA - Repara a morte, pastore,
In cussa edade fiorida,
E no intreghes sa vida
A su giudàicu furore:
Però creo chi s’amore
Non ti lasset riposare.
CORO - Deo benzo, si tue andhas,
A mòrrere ambos impare.
GESÚS - Tenet Adamu su sabore
De cudha fruta fedada,
Pro me est apariciada
Pena, amalgura e dolore
Ca de s’ómine s’amore
Su coro mi at furadu.
CORO - O Mamma, dàdemi lesséntzia
Chi andho a mòrrere inclavadu.
MARIA - Cale coro non deet sufrire
Bidendhe a tie in turmentu?
Chie det tènnere cuntentu
Bidendhe a tie patire?
Fintzas sas perdas sentire
Devent dolu singulare.
CORO - Deo benzo, si tue andhas,
A mòrrere ambos impare.
GESÚS - No tenet apellatzione
Cust’orríbbile senténtzia,
Fagher devo s’obbediéntzia
Sentza alcuna dilatzione
Pro dare redentzione
A su mundhu cativadu.
CORO - O Mamma, dàdemi lesséntzia
Chi andho a mòrrere inclavadu.
MARIA - Fizu, sa beneditzione
Chi dimandhas Tue a Mie
La dimandho deo a Tie
Cun vera sommissione,
Pro chi in sa Tua passione
Custu ti det consolare.
CORO - Deo benzo, si tue andhas,
A mòrrere ambos impare.
GESÚS - Beneitu siat cantu
Podet cudhu eternu Re,
Beneitu sias dae me
e dae s’Ispíridu Santu;
De cudhu celeste mantu
tengas consolu sobradu.
CORO - O Mamma, dàdemi lesséntzia
Chi andho a mòrrere inclavadu.
MARIA - Beneitu, o Fizu amadu,
Cun su Babbu chi T’imbiat,
Beneitu puru siat
Su late chi Ti apo dadu
E su samben chi amministradu
Apo po T’ingenerare.
CORO - Deo benzo, si tue andhas,
A mòrrere ambos impare.
GESÚS - Adiu, Mamma atristada,
Adiu, Mamma afligida,
De dolores consumida,
De turmentos inghiriada,
po amparu destinada
De su meu apostoladu.
CORO - O Mamma, dàdemi lesséntzia
Chi andho a mòrrere inclavadu.
111