Is Pregadorias antigas: su signo de sa devozioni - Provincia del ...

110
cale prima sentza velu
e cunfessant sentz’e rezelu
“Custu est su Verbu incarnadu”.
11) Cumandhat Jesus e Dómine
candho falesit de su monte
“Niunu su fatu racontet
ne lu tengat piús a nómine,
fin’a chi su Fizu ’e s’ómine
at a esser resuscitadu”.
12) Cun sa glória cuntemplendhe
transitemos custa vida,
pustis a sa dispedida
cun sa matessi gosendhe
e in su chelu triunfendhe
de su superbu infuriadu.
13) Mirade, Cristos Signore,
custu pópulu ispasimante
chi bos súplicat costante
cun ojos de veru amore,
pro chi tenindhe dolore
detestet ogni pecadu.
Avi, Maria 145
Ave, Maria, prena de gràtzia, su Signori
est cun tegus, benedita ses tui intre totus
is fémina, e beniditu est su frutu de is intragnas
tuas Gesús…
Babbu Nostu 146
Babbu nostu chi istas in is celus, santificau
su nòmini tuu, bengat a nosu su regnu
tuu, siat fata sa voluntadi tua cumenti
in su celu aici in sa terra. Su pani nostu
de dogna dí donanosidhu oi e perdonanosí
is pecaus nostrus cumenti nosàterus
perdonaus is depidoris nostrus, non si lessis
arrui in tentatzioni, libberasí de mali.
Amen Gesús.
IS PREGADORIAS ANTIGAS - SU SIGNU DE SA DEVOTZIONI
Deus ti salvit, Maria 147
Deus ti salvit, Maria, prena de gràtzia, su
Signori est cun tegus, benedita ses tui intre
totus is féminas, e beniditu est su frutu
de is intragnas tuas Gesús. Santa Maria,
mama de Deus, pregai po nosàterus
pecadoris immui e in s’ora de sa morti
nostra e Amen Gesús.
Dispedida de Gesús dae Maria 148
GESÚS - Già chi restat ordinadu
Cun divina Providéntzia,
O Mamma, dàdemi lesséntzia
Chi andho a mòrrere inclavadu.
MARIA - Già chi non poto iscusare,
Fizu, su chi mi domandhas,
Deo benzo, si tue andhas,
A mòrrere ambos impare.
GESÚS - Mamma sa piús afligida,
Arrivadu est su tempus meu,
A manos de su Giudeu
Devo rendher custa vida,
Ordinantza istituida
Pro cudhu primu pecadu.
CORO - O Mamma, dàdemi lesséntzia
Chi andho a mòrrere inclavadu.
MARIA - Fizu meu pretziosu,
Crudele est cussu decretu,
Pro chi dees restare in afetu
Subra sa rughe inclavadu;
Fizu e cantu ti est costadu
De Adamu su mandhigare!
CORO - Deo benzo, si tue andhas,
A mòrrere ambos impare.
GESÚS - Adamu pecat mandhigandhe
e deo lu pagu morindhe;