Is Pregadorias antigas: su signo de sa devozioni - Provincia del ...

Comune di Genuri
6 AUSTU: trasfiguratzioni
de su Signori Nostu Gesugristu 144
Gòcius de Santu Dóminu in Genuri
O mistériu sublimadu
Caparra d’eterna glória
Tengamos sempre in memória
A Gesús trasfiguradu.
1) Perdu e Giuanne assumesit
Gesús ancoras e Giacu
E de su mistériu tant’altu,
partécipes los fatesit,
de lughe celeste apesit
vestidu s’apostoladu.
2) In su Tabor monte terrestre
in disparte los giamesit,
inie si trasfiguresit
de lughe totu celeste
che nie bianca sa veste,
che sole sa cara at rajadu.
3) Inie mentras pregada
a sa preséntzia de tres
cun Elia e cun Moisès
de sa morte sua resonada
ch’in Gerusalèm disdiciada
t’eret in breve tocadu.
4) Candu Moisès e Elias
si partesit Perdu esclamendhe,
inoghe est bonu fatendhe
tres tendhas, sa prima a tie;
in tale alta genia
Perdu consolu at dadu.
GENURI
5) Sa segundha a Moisès
sa tertza si edifichet
e inoghe si meditet
sa glória de tot’is tres
personas da fama e rees
chi su mundu at illustradu.
6) Mentras Perdu resonada
lughente nue adumbresit
Giuanne e Giacu chi miresit
Candho Cristos adoperada
De ue una boghe altzada
“Custu est fizu meu istimadu!”
7) Cun afetu piús compiaghente
esclamat “Diletu Fizu,
candho bos dat su consizu
Ascurtàdelu atentamente
Chi est Deus Onnipotente,
Uguale a su Babbu increadu!”
8) Sos apòstolos cun timore,
ruesint totus in terra,
los cumbinchet sentza gherra
los confortat in amore
candu s’amadu Signore
a pees est acostadu.
9) Paternamente esclamesit
Coràgiu, pesade in altu,
non timedas chi non faltu
che bos dare consolu” nesit
e tando lis rivelesit
cudhu mistériu ocultadu.
10) Altzant sos ojos a chelu,
e àteru non bient piús
si non solu a Gesús
109