Is Pregadorias antigas: su signo de sa devozioni - Provincia del ...

Comune di Furtei
Innòi non dh’agatais:
Resurrexit, non prangiais,
Non prus pena e agonia. Rit.
9) In Galilea est andau
Gesugristu Nazarenu
De gràtzias totu prenu
Est oi resuscitau,
Naredhu a Perdu amau
Chi non dhu sciriat. Rit.
10) Maddalena fortunada
Dh’at bistu in su mangianu,
Dhu creiat s’ortulanu,
Cun amore dhu tzerriada
Lassendidha consolada,
Confusa in allirghia. Rit.
11) Tra is festas prus brillantis
Ses o Pasca istituida
Poita tui ses cumplida
Su misteru prus amanti
Ses passàgiu triunfanti
De sa morti a sa gloria. Rit.
12) Cudhu Deus chi cun sa morti
Sa morti at postu in rovina,
Po nosu prega, o Regina,
Donainosí felici sorti,
A s’inferru pena forti
E afannus e tribbulia. Rit.
13) Cessa oi de lagrimai,
Sagrada Virgo Maria,
Lassa sa trista agonia,
Oi est dí de ti allirgai,
Dh’anti bistu risuscitai
Veramenti su Messia. Rit.
14) Custa Pasca nos at donau
Vida eterna eternu risu,
Cust’esíliu in Paradisu
Deus amanti at cambiau,
Risuscitendi a nos at nau
A dhi fai cumpangia. Rit.
Su mércuris de cinixu 142
De su coru tuu disterra
Dogna modu de pecai,
Arregorda ca ses terra
E a terra as a torrai.
1) Totu est terra e tristura
Is bènis de custu mundu:
Oi allirgu e giocundu
E cras in sa sepultura;
Timi e tremi de paura
Candu pensas de pecai. Rit.
2) Ti divertis iscialendu,
E in mesu de s’ispassu
Ti benit sa morti a passu,
E medas bortas currendi,
E po àturu bolendi
Chi prus non ti potzu nai. Rit.
3) E non bis chi funt ingannus
Chi ti portant a su profundu?
O ti pensas ca in su mundu
Nci as a bivi cent’annus?
Mischinus siaus o mannus,
Nosi portant a interrai. Rit.
4) De luegu chi nasceus,
Siaus cun bona o mala sorti,
Seus cundennaus a morti.
Alabadu siat Deus,
Giai chi totus moreus
E nisciunu s’at a iscapai. Rit.
5) Babbus, Mamas, Fradis, Sorris,
Bècius, tzeracus, pipius,
Po prus chi siaus bius,
Totus teneus de morri;
O mi pensu chi ndi torri
Dopu chi m’ant a interrai! Rit.
6) A su Mundu fais gherra
Ma una ndi at a benni,
Chi su corpus at a mantenni
107