Is Pregadorias antigas: su signo de sa devozioni - Provincia del ...

Comune di Furtei
10) S’amat dogna criatura,
placais is fortis bentus,
cumandais a is elementus,
tratais cun donu e dolciura
seis reposu, seis ternura
de morti a vida torrau! Rit.
11) Virtudi manna teneis
contr’a dogna infirmidadi
e donais sa sanidadi
totus bosu sucurreis
e ancoras medas eis
de morti a vida torrau! Rit.
12) Po su bèni chi oberais
e miràculus evidentis
de is tirannus potentis
a bosu s’ódiu tirais
e po custu bos agatais
in presoni incadenau! Rit.
13) Bosi bolit libberai
su Sennori onnipotenti
e un’àngelu prontamenti
mandat po si ndi bogai
e bandais a predicai
su Gesús crucificau! Rit.
14) De su crueli Neroni,
bàrbaru e de coru duru,
seis postu in d-unu oscuru
suterràniu presoni
e cumandat sentz’arrexoni
chi siais incravau! Rit.
15) Po sa gràtzia e fortalesa
de s’ispíritu ‘e sa luxi
moreis postu in sa gruxi
conca in bàsciu po difesa
de s’intemerada puresa
de sa fidi ch’eis ispirau! Rit.
16) Apóstulu soberanu,
giai chi seis incumandau
e difesa eis pigau
de su pópulu cristianu,
defendei s’Urbe romana
in su celu collocau! Rit.
Santu Sebbastianu Màrtiri 140
O Celesti tzitadinu
Po totu intertzedei,
De pesti nos difendei,
Gloriosu Sebbastianu!
1) Oriundu de Milanu,
Nàsciu festis in Narbona
Candu s’Impériu e Corona
Regiat Diocletzianu
De Roma cun crudeli lei
contr’a su cultu cristianu. Rit.
2) Po prus chi a s’Imperadori
Serbistis fedelmenti
Però prus costantementi
Amastis su Redentori:
De custu amori prenei
Dogna coru cristianu. Rit.
3) De Apóstulu professioni
Pighestis in predicai
E is Cristianus esortai
A sa vera Religioni,
Cun Deus intercedei
Po totu su géneru umanu. Rit.
4) De Fabbianu presidenti
Luegu festis acusau
S’Imperadori infuriau
Bos reprendit aspramenti,
De abbratzai sa falsa lei
Pretendit Diocletzianu. Rit.
5) Ma Bosu a Deus costanti
Coment’e is pipius Caldeus
“Su veru e non su falsu Deus
Adoru”, dhi naras ananti,
105