Is Pregadorias antigas: su signo de sa devozioni - Provincia del ...

104
Po sucurri cun caridadi
In sa pesti contagiosa
A sa genti lastimosa
Chi morit de pestiléntzia. Rit.
7) Giai as lograu sa vitória
De su mundu e de sa morti,
In sa Celesti Corti
Gosas sa prus alta glória,
Lassas perpétua memória
De virtudis, d’ecelléntzia. Rit.
8) Cun ispeciali favori
De su celu miras a totus,
Is súplicas de is devotus
Presentas a su Segnori
Mostrendidí protetori
In dogna nostra ocurréntzia. Rit.
Santu Perdu 139
Su Redentori at donau
De su celu is crais a bosu,
Pregai a Deus po nosu,
Pedru apóstolu sagrau!
1) De pòburu piscadori
esaltau seis tanti,
de sa crésia militanti
fatu seis capu e pastori,
po gerarca e difensori
de Gesús seis destinau. Rit
2) Bosu pischendi bieis
a Gesús in su camminu
e prenu de amori divinu
a Issu súbbitu sigheis
candu de óminis seis
piscadori nominau! Rit.
3) Sa perda fundamentali
de Gerusalemme costruida
de su Messias in vida
IS PREGADORIAS ANTIGAS - SU SIGNU DE SA DEVOTZIONI
de su regnu celestiali
bosu seis su portali
de Issu fortificau! Rit.
4) Teneis sa podestadi
de isciòlliri e de ligai
chi bos at bófiu donai
s’umana divinidadi,
chi s’augusta Trinidadi
a bosu at incumandau! Rit.
5) Festis apóstolu santu,
de is óminis s’esemplu,
de Ispíridu Santu templu
e de is dimónius ispantu,
po cussu adornais tantu
s’apostólicu senau! Rit.
6) Po cussu summu onori
teneis su privilégiu
de èssiri de su collégiu
su príncipi e diretori
e custu su Redentori
medas bortas at cunfirmau! Rit.
7) De càtedra fundadori
in Roma e Antiochia
ma regis sa gerarchia
su romanu sucessori
ca inní po su Sennori
vida e corpus eis donau! Rit.
8) Pustis chi gràtzia arriceis
de s’Ispíritu consoladori
curregeis cun amori,
is débbilis cumpadesseis
predichendi cunverteis
de zelu e fidi animau! Rit.
9) Bosu vàrias natzionis
ardendu de divinu fogu
passendu de logu in logu
cunverteis cun is sermonis
miràculus e oratzionis,
destruendu su pecau! Rit.