Is Pregadorias antigas: su signo de sa devozioni - Provincia del ...

100
ma mirat, grandu portentu,
un’àngiulu bit atentu
chi ti salvat vitoriosa. Rit.
7) Ammirada bit sa genti
custa gràtzia soberana
e di èssiri cristiana
declarat pubblicamenti,
triunfas, Vida innocenti,
in manera portentosa! Rit.
8) Ma s’est ostinada s’ànima
de cussu guvernadori
e cumandat cun furori
chi bengas degolliada;
bolas, vírgini sagrada,
a su celu luminosa! Rit.
9) O Vida amorosa e pia,
chi in mesu a milli portentus
de luxi, trasferimentus
a custu logu benia,
siast consolu e sa ghia
a sa Sardigna, amorosa! Rit.
Santu Brai 134
Grandu Màrtiri Protetori
In sa glória prodigiosa,
Brai, santu e gloriosu,
Siast nostru intercessori!
1) Po glória de eternidadi
Capadócia sa fortunosa,
Sebbaste illustri e maestosa
coronada de dignidadi,
chi a Biàgiu natividadi
at donau cun grandu onori. Rit.
2) In famíglia de nobbilesa
nàsciu est po lietu sorrisu,
dignu àngelu de paradisu
ammirau po grandesa,
castidadi, zelu e puresa,
raru lillu de prus candori. Rit.
IS PREGADORIAS ANTIGAS - SU SIGNU DE SA DEVOTZIONI
3) De Sebbaste ses Prelau
e màrtiri miraculosu,
Santu tanti poderosu,
su mundu as illustrau,
in dogna mali abbogau
t’invocat su pecadori. Rit.
4) Agricolau presidenti
ti ponit in cadena
e po ti donai prus pena
ti turmentat barbaramenti
cun pètinis crudelmenti,
su corpus cun furori. Rit.
5) As libberau de una spina
in su gúturu firmada
un’ànima tribbuliada
cun sa manu tua divina,
chi t’invocat peregrina
cun firma fidi e fervori. Rit.
6) Giai chi cun Deus mantenis
in celu cunfiantza tanta
cuncedi cun manu santa
chi po Furtei coru tenis
totus is gràtzias e is bènis
chi domandant cun amori. Rit.
Furtei mira cun amori
Difensori miraculosu,
Brai santu e gloriosu
siast nostru intercessori.
Santu Danieli 135
De is franciscanus onori
e màrtiri valorosu,
Danieli prodigiosu
De sa fidi difensori.
1) Belvedere sa grandesa
sa Calàbbria tot’intera
in te mirat sa vera
cristiana fortalesa,