AAS 80 - La Santa Sede

690 Acta Apostolicae Sedis - Commentarium Officiale
piamus, ut Ecclesiis per orbem vacantibus diligenter prospiciamus
et cognoscamus eas de quibus iam rite est hoc temporis
spatio provisum, ut vota de nonnullis canonizationibus pridem
propositis libere exprimamus: nominatim hisce de Beatis caeli
tibus — Rocho Gonzales, Alfonso Rodríguez et Ioanne del
Castillo sacerdotibus Societatis Iesu et martyribus, tum super
Simone de Roxas presbytero Ordinis Sanctissimae Trinitatis
ac fundatore Congregationis Christifidelium vulgo dictae « Ave
Maria », de Magdalena Marchionissa de Canossa fundatrice
Filiarum ac Filiorum a Caritate, super Maria Rosa Molas et
Vallvé fundatrice Sororum a Consolatione necnon Philippina
Duchesne virgine e Societate Sororum a Sacro Corde Iesu.
His in causis omnibusque in nostris operibus et inceptis
utinam caelitus nobis praesenti subsidio adsistat Beatissimus
ille faber et opifex, Iosephus, quem heri amanter in sacra liturgia
commemoravimus cuiusque exempla humilitatis et sedulitatis,
simplicitatis et paupertatis studere sempre debemus quam
plenissime sectari ac nostro in opere complere.
II - NOVUS CARDINALIS COLLEGII CAMERARIUS
Summus Pontifex assensum dedit successioni, de more peractae,
rev.mi Ioannis Willebrands, tit. S. Sebastiani ad Catacumbas, in munus
Camerarii Collegii Patrum Cardinalium Sanctae Romanae Ecclesiae,
quod Iosephus Paupini, presbyter Omnium Sanctorum, per menses
quattuordecim sustinuit.
III - NUNTIUS ECCLESIARUM QUAE IAM CONCREDITAE SUNT
Postea Summus Pontifex certiores fecit S. R. E. Cardinales post
proxime celebratum sacrum Consistorium centum sexaginta Ecclesia­
rum sacros Pastores a se per Apostolicas sub plumbo Litteras nomina­
tos fuisse, videlicet:
Patriarchalis unum :
Hierosolymitanum Latinorum, Michaelem Sabbah.
Metropolitanarum quindecim, quos inter :
Sancti Salvatoris in Brasilia, Lucam Moreira Neves;
Philadelphiensem Latinorum, Antonium Bevilacqua.