AAS 80 - La Santa Sede

110 Acta Apostolicae Sedis - Commentarium Officiale
siliis stabat prudentium sacerdotum, quibus moderationem concrederat
animae suae.
Dominus, erga humiles et mundos corde liberalior, largitus est ei
gratias et dona extraordinaria, fecitque ut ea diem mortis suae ante
tempus cognosceret. Die, quo mortua est, vesperi, in cellam secedens ut
quiesceret, omnbius Tertiariis valedixit, se esse longum iter facturam
dicens. Omnes putaverunt eam haec per lusum et iocum dixisse : sed
totam noctem eius cella est magno splendore diffusa et grato afflata
odore, qui in locum permanavit. Monasterii Antistita, porta cellae
aperta, ubi Serva Dei quiescebat, non solum fulgorem vidit, sed ani-
maddvertit ibi odorem vehementiorem esse et Narcissam mortuam. Dies
erat 8 mensis Decembris, anno 1869.
Eius corpus inexplicabiliter incorrumptum mansit et flexibile ; vul­
tus personae sanae colorem ducebat. Iis ipsis diebus nonnulli aegri
salutem recuperarunt Serva Dei intercedente. Haec statim auctorita­
tem et populum commoverunt contuleruntque multum ad augendam
et vulgandam famam sanctitatis, quam viva sibi comparaverat. Fre­
quens populus ad exsequias convenit, et inde sermo factus est de Causa
canonizationis ineunda. Haec autem ob extrarias rationes tardavit,
donec annis 1961-1962 instructus est Processus Ordinarius Informativus
apud Curiam Guayaquiliensem. Acta sunt rite missa ad Sacram id
temporis Rituum Congregationem, quae anno 1966 Sectioni Histo­
ricae eiusdem Dicasterii Positionem commisit apparandam. Neces­
sariis tabularii inquisitionibus expletis et Positione super Causae In­
troductione praeparata, cum exitu reapse felici Congressus Consul­
torum Historicorum die 8 mensis Maii anno 1974 est actus. Deinde edita
sunt Decreta super Introductione Causae (die 27 mensis Septembris,
anno 1975) et super non cultu (die 24 mensis Septembris, anno 1976).
Servae Dei virtutes inspectae sunt a Consultoribus Theologis, mode­
ratore Rev.mo D.no Antonio Petti, Fidei Promotore Generali, in duo­
bus Congressibus Peculiaribus, qui acti sunt die 24 mensis Iulii anno
1984 et die 20 mensis Decembris eodem anno.
Patres Cardinales et Episcopi, in Congregatione Ordinaria diei 16
Iunii a. 1987, Ponente Causae Em.mo Card. Aloisio Ciappi, agnove­
runt Servam Dei Narcissam a Iesu Martillo Morân heroum in modum
virtutes théologales, cardinales et adnexas exercuisse.
Facta demum de hisce omnibus Summo Pontifici Ioanni Paulo II
per subscriptum Cardinalem Praefectum relatione, Sanctitas Sua vota