Communicaziun a las medias (pdf) - Radiotelevisiun Svizra ...

Communicaziun a las medias
www.rtr.ch Via da Masans 2
katrin.bearth@rtr.ch CH-7002 Cuira
Tel. +41 (0)81 255 75 75
Fax +41 (0)81 255 75 00
Omagi al cumponist Gion Duno Simeon - concert commemorativ e
preschentaziun dal disc cumpact ”Clera notg”
Cuira, ils 28-03-2011 - Cun il disc cumpact TOP CHORS vol. 3 “Clera notg” e cun in
concert commemorativ sa regorda RTR Radiotelevisiun Svizra Rumantscha ed
il Chor viril Lantsch dal cumponist Gion Duno Simeon (1906-2000). Il concert
cun la preschentaziun dal disc ha lieu sonda saira, ils 2 d’avrigl 2011 a
Lantsch.
2010 èsi stà 10 onns dapi la mort dal chantadur, dirigent, organist e cumponist
Gion Duno Simeon, naschi ils 30 d’avust 1906 a Casti en Val d’Alvra, mort ils
26 da november 2000 a Churwalden.
La musica, la pedagogia e la lingua rumantscha han giugà ina rolla centrala en la
vita da l’anteriur magister ed inspectur da scola. Gion Duno Simeon ha dirigì il Chor
rumantsch da la Scola chantunala Cuira ed ils chors virils da Lantsch, Casti, Alvra e
Surses. A partir dal 1933 ha el cumenzà a cumponer chanzuns per la scola e per
“ses” chors. Sia ovra cumpiglia passa 120 chanzuns, scrittas per la gronda part per
chor viril, mo era per chor maschadà e da dunnas. Ultra da quai ha el era cumponì
ovras per solist vocal e clavazin/orgla.
Las chanzuns da Gion Duno Simeon mussan ch’el n'ha maina snegà sias profundas
ragischs en la tonalitad da la romantica tardiva. “L’esprit” da sia musica e sper la
lingia melodica clara-filigrana surtut la chantabilitad. L’ovra musicala da Gion Duno
Simeon ha influenzà sensiblamain il repertori musical da nus Rumantschs.
Concert commemorativ a Lantsch
Il concert commemorativ cun la cooperaziun dal Chor viril Alvra (dir. Heinz
Girschweiler), Chor viril Casti (dir. Christian Schnöller), Chor viril Lantsch (dir. Peter
Simeon), Chor viril Vaz (dir. Alexander Koschel), Chor da donnas Vaz (dir. Lukas
Moos), Chor masdo Alvra (dir. Paulina Sol), Christian Cantieni (tenor) ed Urs
Simeon (clavazin) è deditgà cumplettamain a la chanzun da Gion Duno Simeon.
Il concert ha lieu sonda saira, ils 2 d’avrigl 2011 en sala polivalenta a Lantsch e
cumenza a las 20:00. L’occurrenza vegn organisada dad RTR en collavuraziun cun
il Chor viril da Lantsch ch’è responsabels per il manaschi d’ustaria. L’entrada e
gratuita.

Il Disc cumpact “Clera notg”
Il disc cumpact “Clera notg” è in tagl represchentativ tras l’ovra cumpositorica da
Gion Duno Simeon. 17 chors rumantschs interpreteschan 24 chanzuns. Las
chanzuns vegnan interpretadas dals chors da vallada (Surses, Alvra, Lumnezia,
cantus firmus surselva), dals chors d’amaturs (Chor da concert grischun, Chor da
giuvenils grischun, Chor Davos Fallung Savognin, Chor dils Larischs, Las Vouschs
dalla Gelgia, Chors viril rumantschs en la Bassa), dals chors da vitgs (Lantsch,
Riom-Parsonz-Cunter, Salouf, Savognin, Vaz), dal Chor da donnas Vaz e dal chor
d’uffants Savognin. Trais chanzuns da solo vegnan interpretadas da Christian
Cantieni (tenor) e Clau Scherrer (clavazin). È sa tracta da registraziuns fatgas dad
RTR tranter 1973 e 2010. Sco producent segna Giusep Giuanin Decurtins che ha
fatg la selecziun da las chanzuns ensemen cun Urs Simeon, il fegl da Gion Duno
Simeon. RTR preschenta quest disc “Clera notg” en la retscha TOP CHORS.
Il disc cumpact TOP CHORS vol. 3 “Gion Duno Simeon – Clera notg” pon ins empustar
directamain tar Radiotelevisiun Svizra Rumantscha, Via da Masans 2, 7002 Cuira,
www.rtr.ch, Tel. 081 255 75 75. Pretsch: CHF 25.- + spediziun.
Dapli infurmaziuns:
Giusep Giuanin Decurtins
Tel. 081 255 75 75
E-Mail: giusepgiuanin.decurtins@rtr.ch

TOP CHORS vol. 3
Gion Duno Simeon – “Clera notg”
1. Clera notg 2:00
Helle Nacht
Chor da giuvenils grischun, dir. Martin Zimmermann, t: Peder Cadotsch
RTR Weinfelden, Evang. Kirche 13-06-2008 - concert
Patria
2. Imni a Surmeir 1:32
Hymne an Surmeir (Oberhalbstein)
Chor viril Surses, dir. Curò Mani, t: Gion Peder Thöni
RTR Savognin, scola 02-06-1987
3. Alvra - Gelgia 3:18
Albula - Julia
Chor viril Salouf, dir. Roland Capeder, t: Gion Not Spegnas
RTR Salouf, scola 16-05-2008
4. Misteil 2:59
Chor viril Surses, dir. Luzius Hassler, t: Gion Not Spegnas
Basel Peterskirche 30-06-2005 - concert
5. La tgaplotta 2:06
Die Kapelle
Christian Cantieni, tenor – Clau Scherrer, clavazin, t: Alexander Lozza
RTR Trun, aula 13-11-2010
6. Pumer rumantsch 3:33
Romanischer Obstbaum
Chor viril Alvra, dir. Alvin Muoth, t: Roc Poltera
RTR Savognin, Festa districtuala da chant 20-05-1990 – live
Temps
7. Mies cor stò oz cantar 2:00
Mein Herz muss heute singen
cantus firmus surselva (dunnas), dir. Clau Scherrer, t: Giatgen Uffer
RTR Rueun, baselgia 02-10-2010
8. Taimp da matg 3:21
Maizeit
Chor viril Vaz/Obervaz, dir. Peter Simeon, t: Peder Cadotsch
RTR Lain/Zorten, scola 13-06-1990

9. Vanteira da matg 1:07
Maiglück
Las Vouschs dalla Gelgia Savognin, dir. Rico Peterelli, t: Gion Peder Thöni
Savognin, baselgia 21-02-2001- concert
10. Maletgs dalla pizza 2:08
Bilder der Berge
Chor viril Surses, dir. Gion Giusep Derungs, t: Albert Camèn
LP SRL 39 Mond Alpin 18/19-05-1979
11. Tschiel steilia 2:27
Sternenhimmel
Chor viril Alvra, dir. Alvin Muoth, t: Giatgen Uffer
RTR Flem, Jugendstilsaal Parkhotel 12-06-1993 – concert
12. Seira 1:55
Abend
Chor viril baselgia Savognin, dir. Ruedi Netzer, t: Bonifaci Platz
RTR Savognin, baselgia 17-05-1989
13. Oura nocturna 1:42
Nachtstunde
Chor da donnas Vaz, dir. Augustin Bläsi, t: Gion Peder Thöni
RTR Riom, Festa districtuala da chant 05-06-1983 – live
Amur / Veta umana
14. Neglas 2:04
Nelken
Chor viril Lumnezia, dir. Marcus Zarn, t: Gion Deplazes
RTR Cuira, Titthof 05-05-1984
15. La tschitta alva 1:50
Der weisse Schmetterling
Chor viril Lantsch, dir. Peter Simeon, t: Bernard Nay
RTR Lantsch, scola 30-05-1997
16. Rosas 1:51
Rosen
Christian Cantieni, tenor – Clau Scherrer, clavazin, t: Gion Peder Thöni
RTR Trun, aula 13-11-2010
17. A la mamma 2:45
Für die Mutter
Chors virils rumantschs en la Bassa (Turitg, Zug, Berna e Lucerna)
dir. Aaron Tschalèr, t: Alexander Lozza
RTR Luzern, Pauluskirche 28-11-1999 - concert

18. Giaveischs d’unfants 1:32
Kinder Wünsche
Chor d’unfants Savognin, dir. Gion Giatgen Steier, t: Alexander Lozza
CPLP 30-380 Affons contan 1973
19. Veta umana 3:15
Menschliches Leben
Chor viril Alvra, dir. Pavel Chaloupka, t: Giatgen Uffer
RTR Sion, Festa svizra da chant 03-06-2000 – live
Supplicas
20. Supplicas 3:25
Fürbitten
Chor dils Larischs, dir. Marcus Zarn, t: Antoni Sonder
RTR Cuira, Titthof 05-05-1984
21. Cunsegl 1:44
Ratschlag
Chor da concert grischun, dir. Alvin Muoth, t: Gion Not Spegnas
RTR Domat, Tircal 07-10-1995
22. Igl pôss 2:04
Die Ruhe
Chor viril Riom-Parsonz-Cunter, dir. Reto Capeder, t: Andreia Steier
RTR Riom, scola 04-06-1992
23. Confiert 2:25
Trost
cantus firmus surselva (umens), dir. Clau Scherrer, t: Peder Sonder
RTR Trun, aula 13-11-2010
24. Igl lungatg dalla mamma 3:48
Die Muttersprache
Christian Cantieni, tenor – Clau Scherrer, clavazin, t: Andreia Steier
RTR Trun, aula 13-11-2010
25. Dumengia 2:07
Sonntag
Chor Davos Fallung Savognin, dir. Gionign Arpagaus, t: Peder Cadotsch
RTR Savognin, baselgia 11-03-2003
26. La tgaplotta 2:15
Die Kapelle
Chor viril Surses, dir. Luzius Hassler, t: Alexander Lozza
RTR Weinfelden, Festa svizra da chant 14-06-2008 – live

27. Clera notg 2:22
Helle Nacht
cantus firmus surselva, dir. Clau Scherrer, t: Peder Cadotsch
RTR Laax, baselgia 13-11-2009 – concert