Introduzione del Comune di Giba - Halley Sardegna S.a.s.

FAÀ CUNDIA CUN PETZA DE PORCU
No traballosu meda
Tres oras
SU CHI SERBIT: 500 gr de faà sicada, 350 gr de petza de
porcu (croxolu, conca, origas, peis); 1 arramaletu de eda; 2
concas de gureu aresti; 1 conca de allu; 3 cibuddas interas;
500 gr de pelaus; 2 tomatas sicadas; 1 arramaletu de
perdusèmini; 1 arramaletu de afàbica; sali, ollu ermanu e
pibireddu cantu bastat.
CUMENTI SI FAIT: ponei a amoddiai sa faà in s’àcua
tebida po 12 oras; fadei buddì po una ora e mesu in àcua
chena de sali. In unu tianu fadei arrubiai sa petza cun sa
cibudda, su pedusèmini, s’afàbica e sa tomata sicada segaus
a grussu; aciungei una farrancada de sali grussu e
pibireddu e lassai coi; aciungei puru is pelaus. A mesu
coimentu ghettai puru s’eda e su guranu limpiaus e segaus a
grussu, is cibuddas interas e is tìtulas de s’allu cun su cròxiu
puru; aciungei àcua e sighei a fai coi; a ùrtimu fadei colai sa
faà e aciungei-dda a totu s’àteru. Papai callenti impari cun
pani.
Binu nieddu a tipu carignano de su Sulcis
Si torrat gràtzias po s’agiudu
a sa sennora Maria Martis de Masainas
87