Introduzione del Comune di Giba - Halley Sardegna S.a.s.

FRÈGULA CUN LÈPIRI
Duas oras
No traballosu meda
SU CHI SERBIT: 1,5 L de àcua; unu lèpiri piticu (1kg), cun
su sànguni e su figau; 250 gr. de frègula; 200 g de tomatas
scroxiadas; 150 ml de ollu ermanu; 5 tìtula de allu; pìbiri
nieddu; 1 farrancada de sali grussu.
CUMENTI SI FAIT: Segai su lèpiri a tacas piticheddas,
lassendi a una parti su figau e su sànguni callau. Ponei sa
petza in unu tianu cun s’ollu fridu, imbussai luegus e
incumintzai a fai coi a fogu no tanti forti. Segai a fini s’allu,
su figau e su sanguni callau e aciungei-ddus a su lepiri
candu su coimentu est giai incarrerau; ponei unu bellu tanti
de pìbiri. Candu sa petza s’at a essi asciutada, aciungei is
tomatas scroxiadas e fadei sighì a coi unu àteru pagu; ponei
su sali. Intzandus ghetai 1 litru de àcua e sighei su coimentu.
Candu su coimentu de sa petza at a essi acabau aciungei
s’àcua abarrada, tastai de sali e de pìbiri, fadei torra buddì.
Aciungei-nci sa frègula, fadei coi e serbei totu callenti.
Binu nieddu a tipu carignano de su Sulcis
Si torrat gràtzias po s’agiudu
a sa sennora Concetta Cui de Masainas
65