Introduzione del Comune di Giba - Halley Sardegna S.a.s.

FRÈGULA CUN CÒCIULA
Fàcili
Duas oras
SU CHI SERBIT: 1kg de còciula, 400 gr. de frègula sarda, 1
cibudda, 1 tìtula de allu, 1 arramaletu de perdusèmini, 2
follas de afàbica, 1 tassa de binu biancu, 1 kg de tomatas
piticas, ollu ermanu.
CUMENTI SI FAIT: Ponei sa còciula in una dìscua cun
àcua fadei-dda spurgai po duas oras. In una satàina
cuncordai sa còciula e fadei-ddas oberri; lassai a parti
s’àcua chi at bogau sa còciula. In unu àteru tianu fadei unu
concivimentu cun ollu ermanu, allu, cibudda e is tomatas a
arrogheddus. Aciungei a su codivingiu su binu biancu e
lassai spamporai; coi a fogu non forti meda po unu cuartu
de ora. Lassai a parti 3 turras de sa bagna otennia aici. In su
mentras aciungei a sa bagna sa frègula, su perdusèmini,
s’afàbica e s’àcua de sa còciula lassau a parti innantis e
fadei coi po una dexina de minutus. Si sa frègula benit a essi
sciuga meda aciungei is tres turras de bagna lassada a parti
innantis. Aciungei sa còciula e fadei coi totu po unu dexi
minutus. A s’acabu de su coimentu fadei fridai e portai-nciddu
in sa mesa tebi-tebi.
Binu biancu a tipu vermentino
Si torrat gràtzias po s’agiudu
a sa sennora Isabella Pilloni de Giba
63