Introduzione del Comune di Giba - Halley Sardegna S.a.s.

Cincu oras
PANI CIVRAXIU
Traballosu
SU CHI SERBIT: 2 kg di sìmbula de trigu; giai 1,5 L de
acua; 1 farrancada de sali grussu; 1 farmentu de birra o 1
farmentu de domandai a chini fai su pani.
CUMENTI SI FAIT: Fadei callentai unu litru de àcua cun
una farrancada de sali, scallai su framentu, bessai totu in
una civedda prus matuca e aciungei sa sìmbula, cumassai
fintzas a ndi tenni unu cumassu paris; ponei s’impastu in sa
mesa e sighei a ciuexei asumancu po duas oras.
Agou torrai a ddu ponni in sa civedda e incumintzai a
spongiai aciungendi àcua. Candu eis a ai otènniu una pasta
lisa, moddi e làstica imbussai cun una manta e lassai axedai
po duas oras.
Candu s’impastu est axedau segai-ndi unu arrogu piticu,
fadei una bocixedda e ponei-dda imbussada de farra in una
civededda: cussu at a essi su framentu de imperai sa borta
afatanti chi eis a fai su pani.
Arribaus innoi si depit acabai de pesai su pani. Pigai
arrogus de pasta no mannus meda, imbruscinai-ddus in sa
farra e cuncordai-ddus in unu canisteddu pone-ndi unu
pagu de farra aintra de s’unu s’àteru po no ddus fai apicigai
impari.
60