Introduzione del Comune di Giba - Halley Sardegna S.a.s.

PANADA
No traballosu meda
Duas oras
SU CHI SERBIT: Po s’imprenu: 400 gr de petza de porcu
mòllia, 300 gr de canciofa, 2 culleras de bagna de tomata, 2
tomatas sicadas, una tìtula de allu, 2 follas de perdusèmini,
2 culleras de ollu ermanu, sali a ogu.
Po su pillu: 500 gr. de farra, 250 gr. de ollu de porcu, 1 tassa
de àcua, sali a ogu.
CUMENTI SI FAIT: Po su pillu: In unu cicaroni ponei sa
farra, sa tassa de àcua, s’ollu de porcu scallau e su sali.
Cumassai totu e fadei-ndi una bocia e lassai-dda pasiai.
Partzei custu impastu pighendi-ndi unu 80/90 gr. de pasta e
fadei duus discus, unu piticu e unu prus matucheddu, de
una mannesa de 22 cm de diametru.
Po s’imprenu: limpiai sa canciofa imperendi sceti sa conca e
segai a arrogheddus piticus. Cun sa forma de pillu prus
manna aforrai una turtera tunda e funduda e ponei-nci su
imprenu fatu cun sa petza mòllia de porcu, sa canciofa e a
ùrtimu unu pillu de tomata sicada, sa bagna, s’ollu ermanu
e su sali. Tupai cun s’àteru pillu prus piticu e apicigai s’oru
de s’unu cun s’àteru spitzuendi-ddus e furriendi-ddus a sa
parti de aintru, fadendi cumenti unu cordoni.
48