Introduzione del Comune di Giba - Halley Sardegna S.a.s.

Duas oras
SUPA COTA
No traballosu meda
SU CHI SERBIT: 1 kg de petza de berbei, 2 tomatas
sicadas, 2 tomatas friscas, 1 arramaletu de perdusèmini, ½
cibudda, 1 pani cumenti su civraxiu no mannu meda, sali a
ogu, casu de berbei stasonau e tratau.
CUMENTI SI FAIT: In d-una pingiada ponei duus litrus de
àcua e fadei-ddus buddì. Ghettai-nci sa petza de berbei
aciungendi sa tomata sicada, cussa frisca, su perdusèmini e
una mesu cibudda. Bogai-nci sa spruma chi at a bessì a pillu
de s’àcua e aciungei su Sali. Lassai coi sa petza po 1 ora
asumancu, fintzas a si fai moddi. Segai su civraxiu a fitas e
ponei-ddu in una satàina lada. Cun una turra pinnigai su
brodu e sciundei totu paris is fitas de pani, aciungei su casu
tratau. Acovecai totu cun unu àteru pillu de pani, brodu e
casu de berbei.
Ponei sa satàina de pani in su fogu basciu e fadei coi po unu
cuartu de ora.
Ponei in sa mesa impari cun sa petza buddita.
Binu nieddu a tipu cannonau
Si torrat gràtzias po s’agiudu
a sa sennora Lidia Manca de Giba
39