Introduzione del Comune di Giba - Halley Sardegna S.a.s.

TZAPUEDDUS
Traballosu
Duas oras po su pillu, una ora po sa bagna
SU CHI SERBIT: Po su pillu: 800 gr de sìmbula de trigu; 2
farrancadas de sali grussu; 1 litru de àcua.
Po sa bagna: 100 gr de petza mòllia o petza de boi fata a
arrogheddus; ½ cibudda segada a finu; 1 titula de allu; 3 kg
de tomatas friscas e santzeras; ollu e sali cantu ndi serbit;
100 gr. de casu de berbei o parmigianu po incasai.
CUMENTI SI FAIT: Sa bagna: scroxai e passai is tomatas e
ponei-ddas in unu civededda. Segai a finu s’allu e sa
cibudda e fadei unu concivimentu cun s’ollu ermanu;
aciungei sa petza, su sali e fadei arrubiai, ghettai-nci-ddi is
tomatas, su sali e ingaungiai totu cun afàbica e pèrsiga;
fadei coi a fogu basciu po un’orixedda.
Su pillu: ponei sali e àcua in una dìscua pitichedda; aparai
intantis una civededda innui bessai sa mitadi de s’àcua e sali
chi s’agatàt in sa dìscua chena de fai arrui sa perdixedda de
su sali aintru; aciungei sa sìmbula e inghitziai a cumassai
cun s’àcua abarrada. Sa pasta depit arresultai moddi meda
e lisa; chi serbit aciungei àtera àcua puru. Po tenni unu
impasto bellu firmu lassai-ddu pasiai una noti in su
frigoriferu imbodiau in unu paperi, e traballai-ddu torra sa
diì infatu aciungendi unu pagu de àcua.
30