Introduzione del Comune di Giba - Halley Sardegna S.a.s.

CURRIXIONIS CUN CASU DE BERBEI E EDA
Fàcili
Duas oras
SU CHI SERBIT: Po su pillu: ½ kg de farra, àcua, 1ou, sali.
Po s’imprenu: 200gr. de farra, cuatru ous, 10 follas de eda,
unu spitzu de nuxi muscada, unu kg de casu friscu de
berbei, su cròxiu de unu limoni tratau.
CUMENTI SI FAIT: Cuncordai sa farra a cucureddu e
aciungei abellu s’àcua salida e s’ou po fai sa pasta prus
moddi. Traballai su cumassu fintzas a ddu fai paris. Ponei
sa pasta in una dìscua e imbussai totu cun unu frigadròxiu
infustu e lassai pasiai.
Po s’imprenu: buddì s’eda in àcua salida, colai-dda e
trotoxiai-dda de s’àcua e segai-dda a finu. In una dìscua
ponnei su casu e strecai-ddu cun una frochita, aciungei
s’eda, is ous, su cròxiu tratau de unu limoni, sa farra e unu
spitzu de nuxi muscada tratada. Amesturai beni po fai unu
cumpostu paris. Cun su tùturu atendiai su pillu chi depi essi
lisu e chena de brocas. Segai corrias de pillu, apitzus de
custas cuncordai cun s’agiudu de una cullera unu scantu de
bocixeddas fatas cun s’imprenu de eda e de casu, atesu
s’una de s’atra unus cincu cm. Pinnigai su pillu a manera
chi imbusti s’imprenu, serrendi beni s’oru e boghendi-ndi
su pillu chi no serbit. Agou fadei-ddus pasiai po duas oras in
una safata insimbuada cun farra. Fadei buddì s’àcua e sali e
24