Introduzione del Comune di Giba - Halley Sardegna S.a.s.

CURRIXIONIS
No traballosu meda
Duas oras e mesu
SU CHI SERBIT: Po su pillu: 200 g de sìmbula fini, 100 g
de farra, 2 ous interus, mesu litru de àcua, una cullera de
sali grussu.
Po s’imprenu: ½ Kg de arrescotu, 4 follas de eda, 2 ollanus,
unu limoni tratau, una cullera de farra, sali.
Sa bagna: 5 tomatas friscas e santzeras, ½ cibudda, unu
arramaletu de perdusèmini, 2 follas de afàbica.
CUMENTI SI FAIT: Fadei scallai una cullera de sali grussu
in ½ litru de àcua tebi-tebi. Cumassai sa sìmbula, sa farra e
is ous aciungendi abellu s’acua e sali. Traballai fintzas a ndi
fai bessì unu cumassu amesturau beni, fadei una bocixedda
e lassai-dda pasiai, imbussada cun unu tzapu po una
mes’oredda. Pigai s’eda e fadei-dda buddì po una dexina de
minutus. Agutiai-dda e streccai-dda beni cun sa frochita. In
una dìscua ponei s’arrescotu aciungei is ollanus, una cullera
de farra, su limoni, s’eda e unu spitzu se sali. Amesturai
beni totu, e aparai de bocixeddas no mannas meda. Pigai
torra sa pasta e segai-ndi unu arrogu e atendiai-ddu fintzas
a ndi bogai unu pillu longu e fini innui ponni is bocixeddas
aparadas innantis atesu una cun s’atra asumancu de 5-4 cm.
Pinnigai su pillu apitzus de issu ‘e totu po imbussai
s’imprenu. Cracai beni cun is didus aintru de una
bocixedda e s’àtera e segai su pillu cun sa sarreta.
20