Introduzione del Comune di Giba - Halley Sardegna S.a.s.

SITZIGORRUS CUN TOMATA FRISCA
Fàcili
Un’ora e mesu
SU CHI SERBIT: 1 kg de sitzigorrus, 5 tomatas santzeras, 2
tomatas sicadas, ollu ermanu, sali a ogu, 2 tìtula de allu, ½
cibudda, perdusèmini, 1 spitzu de pibireddu, 2 follas de
afàbica, 1 tassa de binu biancu.
CUMENTI SI FAIT: sciacuai beni is sitzigorrus cun àcua e
axedu, ponei-ddas in una pingiada cun àcua e sali e una
tìtula de allu e fadei buddì po una mes’oredda. Bogai is
sitzigorrus de s’àcua e colai-ddas. In unu tianu cuncordai su
concivimentu cun allu, ollu ermanu, e cibudda segada a finu
a finu; cumenti su concivimentu si fait dorau aciungei is
tapadas e fadei arrubiai pagu-pagu, agoa aciungei una tassa
de binu biancu e fadei svaporai. Aciungei is tomatas fatas a
arrogheddus. A mesu coimentu ponei sali a is sitzigorrus e
aciungei perdusèmini, afàbica e unu spitzu de pibireddu.
A ùrtimu bogai de su fogu e portai a mesa tebi-tebi.
Binu nieddu a tipu carignano de su Sulcis
Si torrat gràtzias po s’agiudu
a sa sennora Ilenia Diana de Giba
109