Introduzione del Comune di Giba - Halley Sardegna S.a.s.

PUDDA IMPRENA
No traballosu meda
Duas oras
SU CHI SERBIT: Una pudda beccia. Po s’imprenu: 3 ous,
perdusèmini, figaus de pudda, 1 etto de parimigianu tratau,
1 etto de pani tratau, 1 tìtula de allu, 1 tassa de lati, is ous
chi mancai eis a agatai in sa pudda, 2 culleras de ollu de
olia, pìbiri cantu serbit.
CUMENTI SI FAIT: Po s’imprenu: fadei su concivimentu
cun perdusèmini segau a finu, s’allu e su figau de sa pudda.
In una dìscua segai is ous, 1 cullera de ollu de olia, su pani
tratau, su parmigianu, sa tassa de lati po amoddiai
s’imprenu e a ùrtimu aciungei unu spitzu de sali e de pìbiri.
Traballai s’imprenu fintzas a candu no si fait moddi e paris.
Cun una cullera, chi si torrat de agiudu, ponei-nci
s’imprenu me in sa brenti de sa pudda. Cun s’agu cosei sa
puddu a mànera chi s’imprenu no ndi bessat. Agoa ponei sa
pudda in una pingiada cun s’àcua buddendi e lassai coi po 1
ora e mesu. Candu sa pudda at a essi buddita, bogai de
s’àcua e lassai colai. A ùrtimu ponei in su forru a 180°
fintzas a dda fai dorai, bogai de su forru e potai-nci-dda a sa
mesa.
Binu nieddu a tipu carignano de su Sulcis
Si torrat gràtzias po s’agiudu
a sa sennora Zaira Cambula de Giba
105