Introduzione del Comune di Giba - Halley Sardegna S.a.s.

PUDDA IMPRENA
Cuatru oras
Traballosu
SU CHI SERBIT: 1 pudda bècia e no manna meda chena de
su matzàmini; 100 gr de figaus de pudda; 1 arramaletu de
perdusèmini; 4 ous; 100 gr de pani tratau; 1 spitzu de
maiorana (pèrsiga), pibireddu e nuxi muscada; agu e filu
biancu.
CUMENTI SI FAIT: Segai a finu is figaus e su perdusèmini
e fai unu concivimentu cun s’ollu ermanu, ponei totu in una
cobuduledda, aciungei su pani tratau, is ous, pèrsiga, nuxi
muscada, sali e pibireddu, amesturai fintzas a tenni unu
impastu cracu, si ddoi boit aciungei puru àteru pani tratau.
Prenei sa brenti de sa pudda, ponendi-nci su imprenu de sa
parti de su culàciu e cosei-ddu beni. Fadei coi sa pudda in
àcua meda e sali po 3 oras asumancu. Candu sa pudda est
cota colai-dda beni e ponei-dda a arrubiai pagu pagu in una
satàina, agoa segai-dda a mitadi, bogai-ndi-ddi su imprenu
cotu chi eis a fai a fitixeddas; cuncordai totu apitzus de sa
murta e serbei callenti.
Binu nieddu a tipu carignano de su Sulcis
Si torrat gràtzias po s’agiudu
a sa sennora Orsola Ollargiu de Masainas
103