You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
danbolin<br />
<strong>Zestoa</strong><br />
udatiarren<br />
begietan<br />
2012ko uztaila<br />
130zk.
urtean<br />
25€<br />
izena/bi deitura<br />
helbidea<br />
herria<br />
tel.<br />
kontu zenbakia (20 digito)<br />
danbolin indartzen lagundu nahi?<br />
egin zaitez bazkide!<br />
moztu fitxa eta utzi Potxolo liburudendan<br />
posta kodea<br />
nortasun agiria
P O S T A L A M E N D I A R T E T I K<br />
Kaixo Famili,<br />
Banne, Frantzia, 2012.07.20<br />
Urrutitik idaztea egokitu zait eta, Fernando Arzallusek erregalatutako erreportajeak -ba<br />
ote erretratu horiek baino postal ederragorik?- aitzakia ematen didalakoan, postalez bidaltzen<br />
dizuet atarikoa.<br />
Udara mendietatik postalak bidaltzeko garaia izan da guretzat. Seguru asko oso modu<br />
desberdinean bizi dugu mendizaletasuna Mario Serranok eta biok. Baina egingo nuke<br />
hitzez jartzen zailak diren antzeko sentipenak bizitakoak garela mendian. Mario bezala<br />
azpeitiarra zen jaiotzez Joxe Takolo. Orain urte batzuk bere biografia atera zuten Uztarriakoek.<br />
Han leituta dakit egundoko inpresioa egin ziola Takolori Pirinioak ezagutzeak.<br />
Uda atarian joan ziren Hiru Erregeen Mahaira<br />
eta elur dezente topatu zuten, eta<br />
txundituta geratu zen: "Orain elurra bazeok,<br />
ze izango ote dek hau neguan?" pentsatuaz<br />
bere kolkorako. Nik ez daukat<br />
ahazteko aurrenekoz Alpetan izan ginenekoa.<br />
Ecrins-etara joan eta furgonetatik irten<br />
ahala serakak (izotz masa handiak)<br />
<strong>ikus</strong>i genituen mendietan zintzilik. Hura<br />
beste mundu bat zen ordura arte ezagututakoaren<br />
ondoan. Ahoa ezin itxita egon<br />
ginen puskatean anaia eta biok gora begira.<br />
Eta Ramon Saku, espediziokide beteranoa,<br />
barrez: "Jo,jo,jo!, banitxakin bi anayak<br />
holaxe geauko zinatela".<br />
"Goian beude" dio Fernandok gure artetik ezabatutako eraikinez. Aspertuta nago ni <strong>Zestoa</strong><br />
zein polita zen aditzeaz, zein polita behar zukeen imajinatzeaz. Udako beste oporraldi<br />
batean Karlovy Varyn izan ginen, lehengo Cralsbad-en. <strong>Zestoa</strong>ko garai bateko eitearen<br />
usain bat hartzeko balio izan zidan. Bazegoen hotel bat Arocenaren traza izugarria zuena.<br />
Postal mordo bat erosi nituen. Baina gero furgonetatik motxila lapurtu zidaten eta<br />
han eraman zituzten Carlsbadeko postalak.<br />
Bizikleta hartuta nabil ni egunotan mendirik mendi, Pirinioak pasa eta Alpetarako bidean<br />
Ceveneetan. Frantzian herri gehienek dauzkate 'postalekoak' diruditen <strong>ikus</strong>pegiak. Horretan<br />
egundoko bentaja ateratzen digute. Egia da gero herri askok benetako postalak diruditela,<br />
ezer-inor ez delako mugitzen enkuadrean; kalean apenas dabilelako jenderik...<br />
Bo nahikoa luzatu naiz, aprobetxatu barkazio egunak denbora faltaren aitzakian bestela<br />
egiten ez dituzuenak egiteko. Eta, batik bat, maite dituzuenak zaintzeko. Hartu tarte bat<br />
horretaz pentsatzeko.Tristea da norbait, edo zerbait, zenbat estimatzen dugun konturatzeko<br />
hura galdu beharra. Abuztuan ez da danbolinik izango, irailean itzuliko da. Esku<br />
artean duzun honek ere behar du zaintza, bazkidetza moduan garbi esanda. Batik bat<br />
agintariak oinarrizkoenetatik (hezkuntzan, osasungintzan eta kulturan -...bo kultura beti<br />
izan da aurreneko zigortua-) kentzen ari zaizkigunean.<br />
egin zaitez<br />
bazkide!<br />
Pa handi bana, eta <strong>ikus</strong>i arte,<br />
P.S.: Postala bidali eta nire bidaiaz ez dizuet ezertxo ere kontatu. Dena dela<br />
nire ibileren berri nahi duenak bilatu dezala interneten: 'Bakarbistan'.<br />
d a n b o l i n EK EZ DU BERE G AIN HARTZEN ALDIZKARIAN ADIERAZITAKO ESANEN ETA IRITZIEN ERANTZUKIZUNA<br />
argitaratzailea: Danbolin Zulo elkartea. Kultur Etxea. Axun Arrazola plaza 1, 20740 <strong>Zestoa</strong> (Gipuzkoa)<br />
tel.: 943 147 123 h.el.: danbolin@topagunea.com<br />
danbolin: Jone Bergara, Amaiur Aristi, Urko Canseco, Aimar Etxeberria, Maialen Kortadi,<br />
Oier Arregi, Janire Diaz, Naiara Exposito, Joxeba Larrañaga eta Nerea Odriozola<br />
kolaboratzaile/zuzentzaile taldea:<br />
Lierni Arrieta, Jon Artano, Fernando Arzallus, Onintza Irureta, Mireia Orbegozo eta Nora Palmitano<br />
diseinua eta maketazioa: Eneko Aristi<br />
inprimategia: Gertu (Oñati). lege gordailua: SS-1108/2000 ISSN: 1576-9429<br />
j on<br />
34 6 10 12 16 19<br />
I N K E S T A E N B I D O A K<br />
'B A U L A R E N '<br />
BAZTER BATEAN, ZESTOA<br />
diruz lagundutakoa<br />
DANBOLIN ZULO<br />
JARDUNIAN<br />
MARIO SERRANO<br />
AUZOETATIK<br />
A G E N D A
enbidoa I.<br />
HELDU DA UDARA… PUFF!!<br />
asko pozez betetzen duen urtaroa dela esan genezake. Baina bada<br />
hain pozik hartzen ez duenik ere. Bi talde desberdinduko nituzke udara-<br />
Jende<br />
ren etorrera nola hartzen dutenaren arabera. Lehenengo taldea, gustura<br />
hartzen dutenena; eta, bigarrena, hain gustura hartzen ez dutenena.<br />
Nik esango nuke udak gauza gehienak onak dituela eta beste batzuk hobeak.<br />
Hasteko, OPORRAK. Batzuk oporraldi luzea izaten dute: hilabete bat, bi (askok<br />
ez)…; beste batzuk hogei egun, hamar… Eta gero lehen aipatu dizueten bigarren<br />
taldekoak egongo lirateke, oporrik ez daukatenak, alegia.<br />
EGURALDIA. Nire ustetan gehienok<br />
dugu gustuko eguraldi ona, eguzkiak<br />
ondo jotzen duenean, hondartzara<br />
edo mendira joateko edo/eta beste<br />
edozer egiteko aukera dago. Ah, eguraldi<br />
onarekin ez nuen esan nahi beste<br />
bero nazkagarri hori e! Eguraldi sanoa.<br />
Bigarrengo taldekoak ederki dakite<br />
zer den bero hori pasatzea, puff!<br />
FESTAK. San Joanak, San Ferminak,<br />
Karmenak, Santa Anak, San, San,<br />
San.. Gero datoz, Marijaia, Ama Zuriaren<br />
jaiak, Aste Nagusia… Festaz josia<br />
dago udara baina, hala ere, dudarik<br />
gabe onenak irailean ditugu: ZESTU-<br />
KO FESTAK! Iruditzen zait horretan<br />
denok ados gaudela, bai lehenengo<br />
taldekoak eta baita bigarren taldekoak<br />
ere. <strong>Zestoa</strong>n herritarron artean sortzen<br />
den giro hori ez dut uste beste<br />
inon ere sortzen denik: zaharrak gazteekin,<br />
gazteak zaharrekin, guraso,<br />
ume, aitona-amona, denak batera eta<br />
gustura.<br />
Batek “UATXUBERI BAYBE” oihukatu,<br />
besteak “AKATEMORENAU, ES-<br />
PEKTAKULO, LA LEY DEL REVOL-<br />
VER, PERREA PERREA”… Horrelakoak<br />
mila.<br />
Beno, eta bukatzeko esan nahi dut onenak garela, eta ez ahazteko hori! ONDO<br />
PASA UDARA, EDO SAIATU BEHINTZAT ETA, NOLA EZ, GURE HERRIKO<br />
FESTAK!<br />
Eta hurrengo enbidoa irailean denez, nik asko maite dudan Iñaki Izeta Koioteri<br />
bidaltzen diot. Berak edukiko du eta zer edo zer kontatzeko. Ezta hala?<br />
Pello Gerenabarrena<br />
Zer duzu nahiago<br />
eguzkia edo itzala?<br />
Eguzkia<br />
nahiago, orain<br />
eguzkia dagoela<br />
aprobetxatu egin<br />
beharko dugu<br />
kolore piska bat<br />
hartzeko. Erretzen<br />
ez garen bitartean<br />
ondo.<br />
Sara Matsutani<br />
19 urte<br />
Batzutan<br />
itzalean hobeto<br />
egoten gara, bestetan<br />
eguzkia<br />
nahiago izaten<br />
dugu, momentuaren<br />
arabera.<br />
Orain adibidez,<br />
polikiroldegi kanpoko<br />
aterpe honetan<br />
ederki nabil.<br />
Hala ere, beroa<br />
nahiago dut<br />
hotza baino.<br />
Baleriano Landa<br />
89 urte
Eguzkiaren<br />
gauzarik onena<br />
itzala dela iruditzen<br />
zait. Niri<br />
freskura gustatzen<br />
zait, eguzkia<br />
nahi duenak bilatuko<br />
du, baina ni<br />
itzalekoa naiz.<br />
Teresa Muñoz<br />
41 urte<br />
Ni eguzki zalea<br />
naiz, eta<br />
eguzkia dagoen<br />
lekuan ibiltzen<br />
naiz gustora.<br />
Hondartza oso<br />
gustuko dut,<br />
eguzkiak gorputza<br />
gozatzen<br />
duelako.<br />
Daniel Mayo<br />
36 urte<br />
Nik nahiago<br />
eguzkia, eguzkitan<br />
egotea asko<br />
gustatzen zait.<br />
Orain kolorea<br />
hartzea tokatzen<br />
zaigu, garaian<br />
garaikoa.<br />
Mirian Manzisidor<br />
24 urte<br />
Bientzako<br />
momentuak<br />
daude. Goizean<br />
adibidez paletan<br />
edo jokatzeko<br />
itzala askoz<br />
hobea da. Hondartzara<br />
joateko<br />
berriz eguzkiarekin<br />
alde ederra,<br />
bainu presko<br />
bat hartzeko.<br />
Jon Alonso<br />
20 urte<br />
ADIRA DAGOENEKO<br />
hiru urte eta erdi <strong>Zestoa</strong>n hasi nintzela lanean, eta oraindik etorri berriaren irudia daukadala uste<br />
dut, udaletxeko nire gelatxotik oso gutxitan ateratzen bainaiz; beraz, hobe lerro hauen bitartez<br />
nondik natorren eta zertan nabilen azaltzea.<br />
Eibartxarra naiz eta bertakooi dagokigun zama edo fama gustura daramat: herri zatarra izatearena,<br />
erdalduna... Parean tokatzen zaidanari hitzez eta ekintzez aurre egiten saiatzen naiz, herriak<br />
bere izaera propioa duela esanaz, baina <strong>Zestoa</strong>n daramadan urte hauetan nabaritu ahal izan dut<br />
zeuok ere badaramazuela zuen z/fama: xelebrez beteriko herria izatearena... Hortaz zerbait antzekoa<br />
badaukagu.<br />
Izatez psikologoa banaiz ere, <strong>Zestoa</strong>ko Udaleko gizarte zerbitzuetan bukatu dut lanean, Izaskun<br />
Serna gizarte langilea eta Marian Larrea administrariarekin batera. Arlo horren lan karga zela-eta<br />
errefortzuko langile gisa hasi nintzen bertan.<br />
Hasiera batean, herritarrak laneratzean eta gizarteratzean orientatu eta laguntzea zen nire betebehar<br />
nagusia. Alde batetik, langabezian zeudenei edo beraien lan egoera hobetu nahi zutenei lan<br />
merkatuan sartzen laguntzea zen nire helburua; bide horretan formazio hutsuneak identifikatu eta<br />
horiei irtenbideak ematen saiatzen nintzen, hezkuntza sistemak eskaintzen dizkigun aukera guztiak<br />
aztertuz eta laguntza bila datorrena orientatuz. Eta, bestetik, gizarte bazterketa arriskuan zeuden<br />
pertsonekin gizarteratze hitzarmenak sinatu eta horien jarraipena egitea zen nire betebeharra.<br />
Denbora pasa ahala, nire lana dibertsifikatzen joan da udalean. Izan ere, azken urteotan gizarte<br />
zerbitzuek zeregin ugari hartu behar izan dituzte bere gain, eta ditugun baliabideekin aurre egin<br />
behar izan diogu guzti horri. Era horretan, betidanik eskaini diren zerbitzuez gain, beste atal batzuetan<br />
orientazioa eta laguntza ematen diogu jendeari: etxebizitza lortzeko arazoak dituztenei,<br />
etorkinei, familian arazoak dituztenei, gaixo daudenei...<br />
Egia esan, garai zailetan tokatu zaigu lan hau egitea. Etorkizuna gero eta beltzago margotzen digute-eta,<br />
bai lan merkatuari dagokionean eta baita gizarte zerbitzuen murrizketei dagokienean<br />
ere. Baina egoera honetan ere esfortzuak eta lanak bere fruituak ematen ditu, eta norberaren<br />
gain dago bere etorkizuna eraikitzea. Eta zentzu horretan, gure betebeharra da jendeari bide horretan<br />
laguntzea.<br />
Etorkizunean ere zestoarrei beren eguneroko bizitzan laguntzea da nire helburua eta, beraz,<br />
udaleko nire txokoan espero zaituztet.<br />
5<br />
UDALEKO TXOKOTIK KALERA BEGIRA<br />
B<br />
E nbido 2.<br />
Leire Abanzabalegi
‘Baulare<br />
bazter batean<br />
<strong>Zestoa</strong><br />
orain dela 86 urte<br />
Iazko urte amaiera aldera, En un rincón del baúl izeneko<br />
Madrilgo denda batek <strong>Zestoa</strong> eta inguruko herrietako ehun<br />
argazki negatibo jarri zituen salgai interneten. “Aguilera familia<br />
madrildarrak uda sasoian Gipuzkoako hainbat lekutan ateratako<br />
negatiboak”, zioen dendariak. Garaia, 1925a, gutxi gorabehera.<br />
Orduko <strong>Zestoa</strong> ez da hain ezezaguna guretzat, lehendik ere<br />
makina bat irudi baditu-eta: ehunka postal, 1928an bainuetxeak<br />
egindako publizitate-filma, aldizkarietako argazkiak… Baina<br />
arrazoi ugari genituen, hala ere, negatibo horiek erosteko:<br />
zoragarriak iruditu zitzaizkigun (hori izan zen lehenengo<br />
arrazoia), guk ezagutzen ez genituen bistak zeuden tartean, eta<br />
maila ertain/altuko udatiar batek zeri erreparatzen zion<br />
aztertzeko material bikaina zen.<br />
Saiatu gara Aguilera horien berri jakiten, argazkion ibilbidea edo nondik norakoak zehazten, baina<br />
ez dugu ezer garbirik atera oraingoz. Nolanahi ere, jateko onekin gertatzen den bezala, goarnizio<br />
gutxi behar dute gure argazki hauek ere. Eta hala aurkezten ditugu, bere-berean.<br />
Orduak eta orduak pasa daitezke argazkioi begira, eta bakoitzak gauza ezberdinei erreparatuko<br />
die. <strong>Zestoa</strong>ri ateratako dozenaka argazki horietatik, guk batzuk aukeratu ditugu eta guri atentzioa<br />
eman diguten xehetasun batzuk nabarmendu. Orain, irakurle/<strong>ikus</strong>leok duzue plazererako tartea.<br />
On egin dagizuela!
,<br />
n’<br />
<strong>Zestoa</strong>ko Amabirjinak.<br />
Den-dena da lilura eta informazioa argazki<br />
honetan. Banda, kontzertua eskaintzen.<br />
Gu, berriz, jendearen jatorria<br />
eta maila soziala asmatzen, txapelei<br />
erreparatuz: kanotierrak, fedorak, euskal<br />
txapelak… Entzuleak, orain bezala:<br />
aurrekoak adi-adi, atzekoak tertulia<br />
ederrean. Eraikuntza xehetasun ugari:<br />
torilen behealdea antzinako eran, Koioteneko<br />
etxea altxatu gabe, barrerak…<br />
Soziopolitika: ia emakumerik ez plazan<br />
bertan, ikurrina nabarmen…<br />
7 Arretxeko<br />
atea.<br />
Argiak sortzen<br />
duen atmosfera bereziaz gain, kalearen estutasunak<br />
ematen du atentzioa. Gaur egun,<br />
ez du harresi sentsaziorik eragiten ate horrek<br />
baina garai haietan bai: kale estu-estua,<br />
etxeek estutzen ari balute bezala, mugarri<br />
nabarmena da atea.<br />
“Garai haietan bai ederra, <strong>Zestoa</strong>!” aldarrikatzen<br />
dutenek errepara diezaiotela<br />
lurrari eta neguan izango zen lokatzari.<br />
Osinbeltz aldea. Barojarentzat paraje goibela zen Osinbeltz aldea.<br />
Argazkia <strong>ikus</strong>ita, ordea, bestelakoa ematen du lekuak: argitsua, barea,<br />
zoritxar gutxikoa… Kotxea eta zuhaitzak baino atzexeago egin zuten,<br />
geroago, 1953ko uholdean itotakoen oroitarria. Argazki hau <strong>ikus</strong>ita konturatzen<br />
zara zer erraz irten zitekeen ibaia bere onetik eta, ondorioz, zer<br />
arrisku ikaragarria zuen leku hark bere itxura lasaian.<br />
<strong>Zestoa</strong>ren bihotza. Azkeneko berrogeita hamar bat urtean<br />
egindako gehiegikeriak kenduz gero (azari gaineko hosto-sastarrak kendu<br />
ohi zaizkion bezala), horrela irudikatuko genuke, gutxi gorabehera, gure<br />
herria. Horixe da, beraz, <strong>Zestoa</strong>ren bihotza.<br />
Goian beude gure artetik ezabatuak izan zirenak: Alameda, Villar, Kristina,<br />
Ipintza, Blasa, Arteaga…<br />
···
···<br />
Atristain. Autobusa Azpeititik<br />
<strong>Zestoa</strong>ra bidean. Maleta piloa gainean,<br />
atzerriko paraje exotiko horietan bezala.<br />
Atera kontuak zer abiadura makalean<br />
ibiliko zen autobusa, ondoko gizona,<br />
bizikletan, hari helduta joateko.<br />
Orain bezalako baso eta iluntasunik<br />
ez Atristain aldean.<br />
<strong>Zestoa</strong><br />
ezezaguna.<br />
Egunero begien aurrean daukagu etxe hori, eta zein den ezin asmatu!<br />
Ea ba, saia gaitezen: Ezkerretara herrigunea, zuhaitzaren<br />
azpialdean Julián Echeverría y Cíaren ehungailu mekanikoak, argazkiaren<br />
erdian XVIII. mendeko etxe ezaguna; horien gainean Agido aldea<br />
eta eskuinaldean Baltzola.<br />
Ezin dugula asmatu? Jakina, gaur egun inguruko etxeek tapatu egiten digute-eta<br />
bista hori! Horixe dute ederra antzinako argazkiek: gaur egun, inola<br />
ere <strong>ikus</strong>i ezin dezakegun bista bat erakusten digutela. Kasu honetan, Arteagagaraikoek<br />
(alegia, Ertxinondokoek) atari ingurutik, eta duela berrogeita<br />
hamarren bat urtera arte, <strong>ikus</strong>iko zuketen bista da argazkiko hau.<br />
Bostortza pasatzen Idiazpin. Garia jaso eta gero soroa prestatzen,<br />
arbia edo ereiteko. Lehendabizi bostortza pasako dute, gero area.<br />
Behi parea uztarrian, orduan idi parea ez zeukan edozeinek-eta. Mutil koskorrak<br />
lanean: atzekoak dozena bat urte baino asko gehiago ez; itulan dabilenak,<br />
berriz, gutxiago. Ertxiña, beti bezain harritsu. Harrobiaren arrastorik<br />
ere ez.
Ahateen zalaparta. Neska-mutilak<br />
jolasean, ahateak babes bila, gurdia<br />
arbaztaz betea, lasaitasuna. Argazki hau<br />
atera eta hogeitaka urtera, urak eraman<br />
zuen baserria. Hiru emakume hil ziren<br />
bertan. Baserria baino lehen, errota izan<br />
zen. Ederki asko antzematen da ezker aldeko<br />
atea eta leihoa errotarenak zirela<br />
eta, gero, hura handituz egin zutela baserria.<br />
F<br />
9 Baserria.<br />
Argazki honekin,<br />
beste ezeren laguntzarik<br />
gabe, garai bateko baserriko<br />
bizimoduaren azterketa bikaina<br />
egin daiteke. Artoa eta<br />
baba nagusi, gariak jasota dagoeneko,<br />
lur aldapatan belardiak<br />
eta sagastiak. Sail guztiak<br />
harresiz babestuak. Gainetan,<br />
baso kaskarrak, etxeko egur beharretarako<br />
(artean pinuaren<br />
arrastorik ere ez). Lau hitzetan<br />
esanda, etengabeko nekea eta<br />
lana.<br />
Nongo baserria ote? Garai haietan,<br />
oraintxe bezala, oso paraje<br />
estimatua zuten udatiarrek…<br />
Akoa.<br />
Zubizarra, Lauiturrieta,<br />
Artzubiagako presa… Ikuspegi<br />
ezaguna, beste hainbat argazkilarik ere<br />
begiz jotakoa. Gaur egungoarekin konparatuta<br />
antz gehiena gordetzen duen lekua.<br />
Erreparatu harri gainean zapiei: zein<br />
irudi xaloa!<br />
ernando Arzallus
Ekainaren 30a<br />
Atleta beteranoen Espainiako txapelketan<br />
Arantxa Zigaran eta Luisa Perez.<br />
Uztailaren 1a<br />
Arroabeko Ezkaizto elkarteak antolatuta<br />
Urbasara irteera.<br />
U ztailaren 1a<br />
<strong>Zestoa</strong>ko Antzerki Taldearen lehenengo emanaldia.<br />
Uztailaren 4a<br />
Saharar haurrei ongi etorria udal agintariek.<br />
Uztailaren 6a<br />
Igelaren bandaren emanaldia Pio Baroja plazan.<br />
Uztailaren 6a<br />
Nesken Pala Txapelketako irabazleak: Monik<br />
Valor eta Oihane Larrañaga.<br />
“Bost geltoki historian” txartela aurkeztu da Ekainberrin<br />
Horrekin, Loiolako santutegia, Azpeitiako Burnibidearen Euskal Museoa,<br />
Zumaiako Algorri interpretazio zentroa eta Ekainberri erdi prezioan<br />
bisitatu ahal izango dira. Horrez gain, bosgarren geltokia osatzen<br />
duten tabernetan, pintxoa eta tragoa izango dituzte 1,5 eurotan.<br />
<strong>Zestoa</strong>n Fati taberna sartu da egitasmo horretan. Txartelak 8,5 euro<br />
balio du eta Ekainberriko turismo bulegoan eskura daiteke.<br />
danbolin<br />
zulo<br />
Jon Ugarte Pelotas herritarra, “Barrutik begiratzeko leihoak” filmeko<br />
bost protagonistetako bat da Irati Tobar, Gotzone Lopez de Luzuriaga,<br />
Jesus Mari Zalakain eta Mikel Albisu Antza euskal presoekin batera.<br />
Zinez ekoiztetxeak irailean estreinatuko du bost zuzendariren artean<br />
(Josu Martinez, Eneko Olasagasti, Mireia Gabilondo, Enara Goikoetxea<br />
eta Txaber Larreategi) egindako dokumentala. Bakoitzak preso bati buruzko<br />
istorioa kontatzen du. Espainiako Gobernuaren kanpaina bat tarteko,<br />
uko egin behar izan diote diru laguntza publikoei eta herritar soilek<br />
egindako laguntza ekonomikoarekin moldatu dira. Ekarpenak jasotzen<br />
jarraitzen dute, ordea, www.zinez.net helbidean. Zinemaldiko<br />
hautatze batzordeari aurkeztu diote dokumentala.
kale/bale<br />
BALE. ZURBANO<br />
KANTOIAN AUTO-<br />
AK EZ APARKATZEKO OZTOPOAK JARRI DIRA.<br />
BESTE KATEGORIA BAT HARTU DU KALEAK!<br />
BALE. AUZOLANEAN LAUITURRIE-<br />
TAKO GARBILEKUARI TEILATUA BERRITZEN ARI<br />
DIRA. BEJONDEIZUELA!!<br />
Lili burdinola<br />
Ekainberri ondoan dagoen XVII. eta XVIII. mendeen artean eraikitako Lili<br />
burdinola zaharraren hondakinak berreskuratzeko auzolandegian ari dira<br />
hogeiren bat gaztetxo. Elementu horiek berreskuratzea garrantzi handikoa<br />
da bailarako paisaiaren bilakaera historikoa irudikatzeko. Iaz egindako lanaren<br />
jarraipena izango da aurtengoa. Burdinolako tresnak mugiarazteko<br />
presatik bertaraino ura eramaten zuen ubidea garbituko dute, baita urtegia<br />
eta burdinola zaharraren horma ere.<br />
1 1<br />
Uztailaren 6a<br />
Txokoko Pilota Txapelketako irabazleak,<br />
Berdaitz Landa eta Iñigo Uria.<br />
Uztailaren 13a<br />
Brasildar festa eta caipirinha Fati tabernan.<br />
U ztailaren 20a<br />
Zirkaleren eskutik zirkoa <strong>Zestoa</strong>ko kaleetan.<br />
Uztailaren 20a<br />
Jon Maiaren “Gazta zati bat” filma Aizarnan.<br />
Uztailaren 20a<br />
“A santo de qué” taldearen emanaldia Koiote<br />
tabernan.<br />
U ztailaren 22a<br />
Geroz eta jende gehiago Ekaindarren egunean.
Jardunian<br />
Mario Serrano,<br />
Azpeitian hazia da baina<br />
egun Arroagoian bizi da,<br />
hara ezkondu zen-eta. Urte<br />
hauetan guztietan, makina<br />
bat gailur eginikoa da.<br />
<strong>Zestoa</strong>ko mendizalerik<br />
zaharrenetakoa dela esan<br />
daiteke: Triku eta Legoia ere<br />
mendian asko ibilitakoak<br />
dira baina horiek baino<br />
zertxobait zaharragoa da<br />
Mario. Hiruzpalau urterekin<br />
hasi zen Izarraitzera joaten<br />
bere aitarekin. 80 urterekin,<br />
berriz, Perdidon (Pirinioak)<br />
ibili zen iloba<br />
Alejandrorekin. Tartean,<br />
Pirinioetako ia gailur denak<br />
igotakoa da. Alpetan ere<br />
ibilia da (alaba Suitzan<br />
lanean zebilela bertara<br />
bisitan joan zenean<br />
aprobetxatu zuen). Hala ere,<br />
gehien igo dituen tontorrak,<br />
nola ez, Ernio eta<br />
Izarraizkoak dira. Sarri,<br />
ezjakintasunean eta ia<br />
materialik gabe, ahuntzen<br />
pare ibiltzen ziren. Pasadizo<br />
ederrak kontatu dizkigu…!<br />
Mario<br />
Serrano<br />
ahuntzaren pare ibilitako gizona<br />
Mariok 87 urte<br />
ditu, <strong>Zestoa</strong>ko<br />
lehenengotako<br />
mendizalea<br />
bera izan zela<br />
esan daiteke<br />
MENDIZALE ITXURA, BEHINTZAT, BAZUEN MARIOK<br />
Oso goiz hasitakoa<br />
Mario oso umetan hasi zen mendian, berak esaten duen moduan, jaio bezain<br />
pronto. Bere aita zena Izarraitz aldean artzain ibilitakoa zen, eta Mario<br />
hiru edo lau urterekin hasi zen aitari laguntzen. Aita ia eskolarik gabea zela<br />
dio Mariok baina asko zekiela: “Gure aitak ia firmatzen ere ez zekien, baina<br />
metro kubikoak eta kalkulatzen oso abila zen: zuhaitzen izenak erakusten<br />
zizkidan, baita haien neurriak ere”. Izan ere, ba omen zen Bartzelonatik Azpeitira<br />
ezkondutako gizon bat, Paxkaxio, hemen negozioak zituena; diruzale<br />
amorratua omen zen. Hemen inguruko lehendabiziko pinuak berak sartu<br />
omen zituen. Marioren aita zena eramaten omen zuen zuhaitzak neurtzera<br />
eta Mario hantxe ibiltzen zen begira: “Soka luze bati harria ipini eta zuhaitzaren<br />
puntara botatzen zuten; gero behera zenbat zegoen kalkulatu behar<br />
izaten zen”.
“Behin ahuntz bat, goseak<br />
hiltzen, bere ipurtaldeko ileak<br />
eta guzti janda topatu genuen”<br />
Mario Izarraitzen hazia dela esan daiteke,<br />
inguruko baserrietako denak ezagutzen zituen.<br />
Hamazazpi urte zituela, Azpeitiko plazako<br />
kioskoa ukitu eta Erlora joaten zen, ordubetean.<br />
Gero, beherakoan, baserriren batean geratzen<br />
zen neskaren batekin hizketan. Askotan,<br />
uste baino lehenago elurra egiten zuen eta baserritarrei<br />
ahuntzak mendian geratzen zitzaizkien.<br />
Mario eta inguruko gazteek baserritarrei<br />
ahuntzak jaisten laguntzen zieten. Ahuntzak<br />
zuloetan marruaz sumatzen zituzten, 12 bat<br />
metroko zulotara erorita eta egoten ziren:<br />
“Behin ahuntz bat, goseak hiltzen, bere ipurtaldeko<br />
ileak eta guzti janda topatu genuen”.<br />
Orduan, Mario ez zen jaisten zuloetara: hogeita<br />
hamarren bat urte zituela jaitsi zen lehenengo<br />
aldiz kobazulo batera. Manuel Arregi Ertxiñondoko<br />
mutilzaharrarekin eta jaitsi zen,<br />
haiek minan ibiltzen ziren eta. Manuelek karearekin<br />
markak egiten zituela gogoratzen du<br />
Mariok, gero bueltakoan ez galtzeko.<br />
Lotiak eta aldrebes samarrak<br />
<strong>Zestoa</strong>n bazen, igandero bildu eta mendi<br />
buelta bat egiten zuen lagun talde bat, tartean,<br />
Mario. Hau goiztiarra izan, eta Arroagoitik<br />
oinez jaitsita seietarako <strong>Zestoa</strong>ko plazan izaten<br />
zen: “Noizko juntatu <strong>Zestoa</strong>n jendea? Jendea<br />
mugitzea zaila izaten zen, ni Arroatik<br />
<strong>Zestoa</strong>ko plazara joaten nintzen eta zestoarrak<br />
oraindik lo, han egoten nintzen plazan<br />
zain. Askotan neuk esnatzen nituen”. Manuel<br />
Altuna Anardirekin ondo gogoratzen da: orduan<br />
herriko beste etxe askotan ohikoa zen<br />
moduan, udatiarrez betea izaten omen zuten<br />
etxea Anarditarrek eta Anardik atearen kontra<br />
egin behar izaten omen zuen lo. Beraz, Mariok<br />
atea jo eta derrepente jaikitzen omen<br />
zen. Plazan denak elkartutakoan erabakitzen<br />
zuten nora joan. Orduan kotxerik eta ez zegoenez,<br />
inguruko mendietara joaten ziren. Kanpora<br />
lehenengo aldiz, Don Jose Maria Zunzunegi apaizarekin<br />
irten omen ziren, autobusa bete eta Urdazubira (Nafarroa).<br />
“Kantinploran limoi ura-eta eramaten<br />
erakutsi zigun, guk ordura arte ardoa eta<br />
bokadiloa eramaten genituen”<br />
<strong>Zestoa</strong>rrekin sarri juntatzen omen zen Lorenzo izeneko gizon<br />
bat, Elortzanera biajante etortzen zen durangar bat: “Nik<br />
esaten nion, <strong>Zestoa</strong>ra ez hadi etorri, atarramentu onik ez duk<br />
atera behar. Hemen alkoholizatu egingo haiz”. Gizon hark asko<br />
erakutsi omen zien. <strong>Zestoa</strong>rren aldean mendi kontuan asko<br />
omen zekien: “Kantinploran limoi ura-eta eramaten erakutsi<br />
zigun, guk ordura arte ardoa eta bokadiloa eramaten genituen”.<br />
31<br />
EMAKUMEAK ERE ASKO IBILTZEN ZIREN MENDIAN, ARGAZKIAN: ANARDI,<br />
MARIO, APATEGI, ALBERTO MENDIA, Mª KONTXI ALBERT, Mª KRISTINA<br />
ALBERDI, Mª KARMEN BARRENA, BELEN ARANBERRI, BEGOÑA ETA IMAKULADA<br />
ZULAIKA, LURDES ERRASTI,...<br />
Picosetako (Asturias) abenturak<br />
Joxe Mari Irure Maletasen Dian-6 kotxean joan ziren<br />
Picos de Europara, Mario, Lorenzo eta Maletas. Orain dela<br />
40 urteko bideak eta kotxeak nolakoak ziren kontutan<br />
hartuta, ez pentsa orain bezain erraza zenik horrelako bidaia<br />
bat egitea: “Kotxeari ura bota behar izaten genion<br />
sarri, aldapetan eta motorra berotzen zitzaion eta”. Poncebotik<br />
abiatu ziren Naranjo de Bulnesera; izugarrizko<br />
beroa egiten omen zuen.<br />
“Nire bizian <strong>ikus</strong>i dudan animaliarik<br />
ederrena. Oso izuak izaten dira baina ez<br />
zen mugitu ere egiten, bere parteak<br />
kenduta zeuzkan”<br />
Lorenzoren mapetan, bide izkina batean ura zegoela<br />
<strong>ikus</strong>i zuten eta haren bila hasi ziren. Ur bila zebiltzala,<br />
marrua triste bat entzun zuten eta bidean odola topatu.<br />
Horrela, jo goia eta jo behea, halako batean kobazulo batean<br />
cabra hispana bat topatu zuen Mariok: “Nire bizian<br />
<strong>ikus</strong>i dudan animaliarik ederrena. Oso izuak izaten dira<br />
baina ez zen mugitu ere egiten, bere parteak kenduta<br />
zeuzkan”. Lorenzori hots egin omen zion gerturatzeko<br />
esanez, baina ez zela gauza erantzun zion hark, deshidratatuta<br />
zegoela. Mario ere, konturatzerako, hala moduz<br />
zegoen. Izan ere, Maletas ez zen konturatu beste<br />
biak nola zebiltzan eta ur guztia berak hartuta, zuzenean<br />
igo zen. Mario eta Lorenzo haitzulo batean sartu ziren.<br />
Han zeudela kazetari katalan bat eta neska bat agertu ziren:<br />
“Zer esango dizuet ba, Fatimako amabirjina baino<br />
ederragoa zen neska hura!”. Haiek ere deshidratatuta<br />
···
···<br />
MARTIN UNANUE MMAARRTTIIJJAA, IRIONDO, IÑAKI IRURETA TTRRIIKKUU,<br />
ERRAMON ETXAIDE LLEEGGOOYYAA ETA MARIO, GURUTZE BERRIN<br />
zeuden. Haitzuloko elur beltza urtu eta hura edan zuten. Eguzkia jaitsi zenean,<br />
Mariok ur gehiagoren bila joatea pentsatu zuen. Han azaldu omen zitzaion<br />
Maletas, ‘Zertan hago? Zertan hago?’ builaka. “Hura ederki zegoen<br />
eguzkia hartu eta haizetan ibilita. Guk, berriz, kristorenak pasa genituen”.<br />
Gaua inguruko aterpetxe batean pasa zuten, hurrengo egunean Naranjo<br />
igotzeko asmoarekin. Mario eta Lorenzo abiatu, abiatu ziren baina behin altura<br />
batera iritsita, behera begiratu eta… hura altura! Bueltatzea zela onena<br />
pentsatu zuten. Aterpetxean bazkaldu eta inguruko beste mendi batzuetan<br />
ibili ziren. Laino beltzak bistaratzen hasi, eta beste aterpetxe batera abiatu<br />
ziren. Jende pila bat omen zegoen bertan, bertaraino kotxean joandako alemaniarrak<br />
eta dena. Afal ondoren kanpora irten ziren, eta berriro ere cabra<br />
hispana bat <strong>ikus</strong>i zuten, kobazulokoa baino txikiagoa. Aterpetxeko jabeari<br />
haitzuloan <strong>ikus</strong>itakoa kontatu eta emandako datuen arabera animalia hark<br />
15.000 duro balioko zituela esan zien. Mariok animaliaren bila joatea eta<br />
dena pentsatu omen zuen, 15.000 duroko zifra entzun zuenean. Gero,<br />
apaiz batekin egin omen zuten topo, hari kontatu <strong>ikus</strong>itako koadroa eta hurrengo<br />
egunean inguruko baserritar denak mobilizatu omen zituen animaliaren<br />
bila joateko.<br />
Pirinioetan ahuntzaren eta mandoaren pare<br />
Pirinioetara ere makina bat aldiz joana da Mario, ia tontor gehienak igoak<br />
omen ditu. Anetora joan ziren batean gorabehera ederrak ibilitakoak dira.<br />
Mario, Lorenzo eta horiekin mendian askotan ibiltzen ziren mutrikuar eta<br />
ondarrutar bat joan ziren, mutrikuarraren Seat-ean. Kotxe hartan sarri ibiltzen<br />
omen ziren; kotxea berdea zen eta garai hartan kolore berdea gaizki<br />
<strong>ikus</strong>ita zegoen, Guardia Zibilaren kolorea omen zelako. Etumetan utzi zuten<br />
batean, gurpilak zulatu omen zizkioten. Hura amorrazioa mutrikuarrarena.<br />
“Bera sokarekin eta ni berriz ezer gabe, ‘eres una<br />
cabra’, esaten zidan”<br />
Pirinioetara itzuliz, laukotea mendia igotzen hasi, eta mutil gazte katalan<br />
bat topatu omen zuten hilda, eskalatzen zebilela. Inguruan, jesuita bat<br />
omen zegoen gazte talde batekin, eta hildako mutila aterpetxera jaitsi zuten<br />
denen artean. Harri baten gainean jarri eta jesuitak meza eman zuen hildakoaren<br />
omenez. Gaua aterpetxe alboan pasako zutela erabaki zuten, eta<br />
erreka ondoan muntatu zuten denda. Hiruetarako esnatu eta Anetorantz<br />
abiatu ziren. Ez zen ezer <strong>ikus</strong>ten baina aurretik ibilitako jendearen pausoak<br />
jarraituz igo ziren. Gailurra egin zutenean aurrera begiratu eta hantxe <strong>ikus</strong>i<br />
ez zuten ba Aneto: “Nahastu eta Anetora igo beharrean Madaletara igo ginen.<br />
Igo gabe ez diagu ba gelditu behar, jaitsi eta Aneto igo genuen”.<br />
Handik jaitsita, Viellara joan omen ziren eta han inguruko mendi batzuk<br />
MARIO NARANJO DE BULNESEN, ESKALATZEN ERE ABILA<br />
ZELA IKUS DAITEKE ARGAZKI HONETAN<br />
igotzea pentsatu omen zuen Mariok. Besteak<br />
behean geratuko zirela. Mulleresera abiatu<br />
zen Mario, katalan mutil gazte batekin topo<br />
egin eta harekin egingo zuela bidea pentsatu<br />
zuen. Katalana harrituta omen zegoen Mariorekin:<br />
“Corres más que una mula” esaten<br />
omen zion. Bideko aterpetxe batean bi neska<br />
gazte frantses topatu omen zituzten: “Haien<br />
berriketako gogoa…! Txispatuta zeuden! Eta<br />
guk ui, ui, ui…” Katalana aurrez izanda<br />
omen zegoen mendi hartan, eta Mariok<br />
atzetik jarraituko ziola esan zion: “Bera sokarekin<br />
eta ni berriz ezer gabe, ‘eres una cabra’,<br />
esaten zidan”. Tximist espedizioa ere<br />
(1974an Everestera joateko eratu zen euskaldunen<br />
espedizioa) <strong>ikus</strong>i zuten inguru haietan<br />
entrenatzen. Gailurrean topatu zuten gazte<br />
talde batekin utzi katalana eta Mario bakarrik<br />
jaitsi zen kotxera, besteengana. Kotxera<br />
iritsi eta denak lo. “Nola esnatuko nituen<br />
ba… Neu ere etzan egin nintzen baina aspertu<br />
eta halako batean atea jo nien. Han irten<br />
ziren kotxetik Lorenzo, mutrikuarra eta ondarrutarra,<br />
mozkor-mozkor eginda”. Nonbait,<br />
aterpetxeko frantsesekin egin zuten topo<br />
eta Viellan ibili ziren.<br />
Ternua eta Trangorik ez<br />
Gaurkoak ez zareten askok ongi gogoratuko<br />
duzue zein izaten zen garai hartako<br />
mendiko uniformea. Narruzko botak, artilezko<br />
galtzetinak, panazko galtzak, alkandora,<br />
barruko kamiseta eta jertsea. Mariok<br />
behin Amarako zapata denda batean erosi<br />
zituen botak ederki gogoratzen ditu: “Ze bota<br />
txarrak, bota gogor eta baldar haiekin<br />
hankak zizko eginda ibiltzen nituen. Italiarrak<br />
izaten ziren onak baina garestiak”. Orduan<br />
ibiltzen zituzten euritako arropez gogoratuta,<br />
berriz, lotsatu egiten da: “Zira gogor<br />
batzuk erabiltzen genituen, txar-txarrak;<br />
jantzi eta kristoren izerdia, dena bustitzen<br />
ginen, geldituz gero izoztu. Derrigorrez, ibiltzen<br />
jarraitu behar! Behin Aralarren xirako<br />
besoak eta dena eraman zizkidan haizeak”.<br />
Amaiur Aristi Arregi
1625. URTEKO AGIRI BATEAN, MATHIAS DE ISSA Y CALLEJA ESKRIBAUAK<br />
EGINDAKO HAINBAT ZIRRIMARRA.<br />
ITURRIA: ZESTOAKO UDALEKO ARTXIBO HISTORIKOA<br />
<strong>Zestoa</strong>ko Udaleko agiriak digitalizatzen ari ginela, Jose<br />
Valderreyk, digitalizatze lanen egileak, perla bat aurkitu zuen<br />
gure paperetan: 1662an egindako dokumentu bat. Paper-sortaren<br />
azalaren barruko aldean, Mathias de Issa y Calleja eskribauak<br />
egindako hainbat zirrimarra edo garabato ageri dira:<br />
bere sinadura probatzen du, “A” larria egiteko moduak, alfabetoa,<br />
bi koloretako letrak… Eta bitxiena… zaldia. Eta zaldun<br />
estilizatu bat ere margotu duela ematen du.<br />
Eskribau bat, denbora pasa, zalditxoak marrazten…? Eskribau<br />
bat, horrelako orri bat egiten, paper-sorta horretan<br />
urtetan eta urtetan geratuko zela jakinda? Pudorerik gabeko<br />
eskribau bat? Galderak eta harridurak.<br />
irakurri<br />
berri<br />
dut<br />
Ni, Vera, Itxaso Martin Zapirain. Erotzeko zorian<br />
sentitzen da Martina, zer gertatzen zaion ez dakiela. Nahiz<br />
eta mutilak lagundu, nahiz eta –ahalegin handi bat eginda–<br />
psikologoarengana joan, amildegiaren ertzetik gero eta<br />
gertuago dago. Bi pertsonaia nagusi daude nobelan, Martina<br />
eta Vera. Bi emakume horien arteko harreman berezia da<br />
liburuak kontatzen duena. Erraz irakurtzen den liburua,<br />
pertsonaiaren buru barruan sartzen dena. Askotan geure<br />
burua ulertu ezinda ibiltzen gara. Liburuak barruko mamuak<br />
ulertzen lagundu diezaguke. Baita erakutsi ere buruko mamu<br />
hauek izatea ez dela ezkutatzeko gauza, laguntzarekin<br />
desagertu daitezke eta.<br />
51<br />
oroimina mira<br />
<strong>ikus</strong><br />
Fernando Arzallus<br />
Urria eta bakana izan behar zuen, garai haietan, zaldiak<br />
<strong>Zestoa</strong>n. Datuak dauzkagun urtetan (adibidez,<br />
XVIII. mendean) ez dira bizpahiru baino gehiago azaltzen<br />
herri osoan (artean Arroa Itziarko lurraldea zen).<br />
Zaldi horietako bat idazkariarena berarena ote zen?<br />
Kontuak kontu, eskribau zaldi zale jostalariaren marrazki<br />
honexek inauguratzen du, nolabait esateko, <strong>Zestoa</strong>ko<br />
marrazki albuma. Eta marrazki honexek ematen dio piper<br />
pixka bat, normalean hain serioa izaten den administrazioetako<br />
ondare dokumentalari.<br />
Hamalauren bat mila urteko tartea dute hemengo zaldi<br />
honek eta Ekaingoek. Konparazioak egiteko gogoa<br />
sartzen da berehala.<br />
Erkuden Larrañaga<br />
HAMAR<br />
Andrej Longo<br />
Iosu Zabaletak itzulia<br />
Pasazaite<br />
Dieci liburu honetan, Bibliako<br />
Hamar Aginduetan bezala,<br />
hamar istorio kontatzen<br />
zaizkigu, gaur egungo Napolin<br />
girotuak, Napoliko arrabaletako<br />
testuinguru itxi, irteerarik gabekoetan<br />
gertatzen diren eta hiri horretako <strong>ikus</strong>pegirik<br />
gogorren eta bortitzena erakusten diguten muga-mugako<br />
hamar egoera.<br />
Gizakiaren elkarbizitzako legeak iseka eta trufa<br />
gaiztoa baizik ez direla diruditen kaletxo ilun<br />
eta itxaropen zapuztuzko mikrokosmo horretan,<br />
gizonak berak sortzen duen miserian galduta<br />
eta zanpatuta geratzen da gizakia.<br />
HODEIEN ADOREA<br />
Yoseba Peña<br />
Susa 2012<br />
Plaza zokoan hil duten drogasaltzailea<br />
da “Hodeien adorea”<br />
nobelako kontalaria: hitzontzi<br />
jasangaitza, isekaz eta gorrotoz<br />
mintzo den sasijakintsu hastiagarria.<br />
Trapitxeroak heriotzatik begiratzen<br />
die iragan hurbileko gertakariei. Eta hiru<br />
anaiaren inguruko pasadizoak kontatuko ditu: (Kabitze<br />
zaikenan arabera…) Txefe kotxe mekanikaria,<br />
Jon unibertsitarioa eta Hodei autista. Familia arras<br />
apalekoak dira Preciado anaiak, Donostiako periferiako<br />
estolderian haziak, bizitzan zori txarretik<br />
gehiago izango dutenak ditxa gozotik baino.
narruondon<br />
KRISTOBAL DEUNAREN JAIAK NARRUONDON Aurtengo festak<br />
nobedadez beterikoak izan dira. Ixkok, Narrondo tabernakoak, asto proba<br />
antolatu zuen eta hara zer nolako arrakasta. Saltsa, giro ona eta jendetza<br />
ez ziren falta izan. Arraza ezberdinetako txakurrekin ere izan zen erakustaldia.<br />
Hori ere, aurten antolatu da lehen aldiz eta <strong>ikus</strong>min handia sortu<br />
du. Gaztetxoentzat nobedadea, saltoka jarduteko ohe elastikoak; helduagoentzat,<br />
berriz, bertso afaria. Aurten jolas eta erakustaldien lekua ere aldatu<br />
dute eta dena hoberako… Datorren urterako ere utzi berrikuntzaren<br />
bat!<br />
au
zoetatik<br />
KARMENGO AMAREN JAIAK ARROABEAN<br />
Gainontzeko leku eta gai guztietan bezalaxe, festak antolatzeko orduan ere<br />
gerrikoa estutu behar izan dute Arroabean. Aurrekontu baxuagoarekin, festetako<br />
egitarau oparo askoa osatu dute hala ere. Ez da ezer falta izan: jolasak,<br />
pailazoak, bazkari-afariak, trikitilari txapelketa…“Munduko Platerak” ekimena<br />
errepikatu dute aurten ere, urtetik urtera arrakasta handiagoa izaten ari den<br />
ekitaldia. Zaldi proba ere izan da, aurten bigarren aldiz. Festa luzeak egiten<br />
dituzte hauek, eta hilaren 20an, ostiralean, seigarren jai egunez, eman zieten<br />
bukaera Bakalada eta Bikotekako Dantza Txapelketarekin.<br />
ARGAZKIA: IBON ERRAZU<br />
71<br />
arroabean
agenda<br />
1 9<br />
zoak jaietan<br />
Au<br />
uz TAILA<br />
27 OSTIRALA<br />
20:00etan plazan hileko azken ostiraletako elkarretaratzea,<br />
“Preso eta iheslariak herrira” lemapean.<br />
28 LARUNBATA<br />
Urola ibaia garbitzeko azken auzolana 9:00etan.<br />
ab UZTUA<br />
03 OSTIRALA<br />
Izetaren idi parea, zortzi mutilen aurka. Idia 1050kg-ko harria<br />
eta 300 kg-ko gainkargarekin eta gazteak 800 kg-ko harriarekin.<br />
Gaueko 22:30ean plazan. Ateratzen den dirua Iban Pardo segalaria<br />
eta lagunak federatzeko izango da.<br />
10 OSTIRALA<br />
Zinea Izarpean, “Gartxot” pelikula. Plazan 22:00etan.<br />
23<br />
TIK 2 6R A<br />
Garagardo festa kiroldegi atariko aterpean. Garagardo ez-<br />
berdinak probatzeko aukera, jatekoa, musika...Abuztuak 25. <strong>Zestoa</strong>ko<br />
V. Slaloma, Estazioko industrialdean.<br />
31 OSTIRALA<br />
Kale antzerkia, plazan, 20:15ean. “Ametsetan Bizi”: Aspaldiko<br />
bi aktore. Gaur egungo egoera dela eta, kalera atera behar dute<br />
beren lana promozionatzeko. Urtebetetze ospakizuna, ezkontzear<br />
daudenen festa, karaokea… makina bat abildade erakutsiko dizkigute.<br />
Baina bien arteko harreman zaila medio, gauzak korapilatzen joango<br />
dira.<br />
ir AILA<br />
01 LARUNBATA<br />
XXVII. Ondarbasora Igoera. Joselontxo’s txaranga. Reddum<br />
herritarrak eta Bizardunak musika taldearen emanaldia...<br />
02 IGANDEA<br />
Edadetuen eguna. Omenaldia eta bazkaria. Arratsaldez,<br />
aurtengo Euskadiko Aizkolari Gazteen Txapelketako txapelduna eta<br />
txapeldunordearen errebantxa eta Euskal Herriko Harri-jasotzaile<br />
kintopekoen Txapelketa.<br />
16 IGANDEA<br />
Akuako VII. Bira. 9:30ean Idiakaitz Txistulari taldea.<br />
10:30ean, lasterketa hasiko da. 7.800 metro. Izen ematea<br />
herrikrossa.com atarian. Doan. Ondoren asto lasterketa auzokoen<br />
partehartzearekin. Hamaiketakoa bertaratzen diren guztientzat. Jai<br />
giroa goiz osoan zehar<br />
ABIRJINAK ZESTOAN<br />
am<br />
06 OSTEGUNA<br />
19:00etan, txupinazioa.<br />
07 OSTIRALA<br />
Paella lehiaketa eta bazkaria, jolasak, pilota…<br />
08 LARUNBATA<br />
Umeentzako puzgarriak, meza nagusia, bandaren kontzertua,<br />
zekorketak, <strong>ikus</strong>kizun alternatiboa…<br />
09 IGANDEA<br />
Umeen kalejira zaratatsua, enbolatuak, bazkaria, zekorketak,<br />
umeentzako antzerkia, bitsa jaia…<br />
uz TAILA<br />
sa<br />
NTIO SANTANAK ARROAGOIAN<br />
26 OSTEGUNA<br />
10:30 txupinazoa. 11:00 Meza Nagusia. Itxaropena dantza<br />
taldea. Edadetuentzako hamaiketakoa. 19:30 herritarren arteko<br />
kirolak. 22:30 erromeria Monik, Eider eta Leirerekin.<br />
27 OSTIRALA<br />
12:00 “Altxorraren bila”. 19:00 judo erakusketa. 20:00<br />
trikipoteoa. 21:00 herri afaria bertsolari eta trikitilariekin. 23:30<br />
erromeria Izer, Alabier eta Lutxurdiorekin. 03:00 Karaokea.<br />
28 LARUNBATA<br />
12:00 Puxka Muxka Zirkusekin Zirko Eskola Txikia. 16:30<br />
ume jolasak eta txokolatada. 19:00 Gorriti eta bere abereak. 23:00 Obaneuke.<br />
03:00 DJ Pajarito. 06:30 Txokolatada eta karroza.<br />
29 IGANDEA<br />
10:00 Meza. 11:00 patata tortila lehiaketa. 11:30 sagardo<br />
lehiaketa eta txaranga. 12:00 esku pilota partiduak. 16:00 Parapente<br />
txapelketa. 19:00 herri kirolak. 22:30 DJ Pajarito.<br />
ab UZTUA<br />
sa<br />
N LORENTZO JAIAK<br />
10 OSTIRALA<br />
San Lorentzo eguna. Festak San Lorente auzoan.<br />
ABIRJINAK AIZARNAN<br />
am<br />
14 ASTEARTEA<br />
8:00 Oilasko biltzaileen irteera plazatik. 12:00 Txupinazoa<br />
sardinada eta txotxarekin. 14:30 Oilasko biltzaileen aurreskua<br />
plazan eta bazkaria. Arratsaldean oilasko biltzaileak kalean<br />
zehar. 23:00 Izer eta Alabier. Ondoren DJ Pajarito.<br />
15 ASTEAZKENA<br />
Amabirjin eguna. 11:00 Meza nagusia eta pilota partiduak.<br />
18:00 Herri kirolak eta triki poteoa. 21:00 Afaria. 23.00 Obaneuke.<br />
16 OSTEGUNA<br />
Gazte eguna. 12:00 Kuadrilen arteko paella lehiaketa.<br />
14:00 Paellada. 18:00 Asto proba eta trikipoteoa. 23:00 Kupela.<br />
17 OSTIRALA<br />
Umeen eguna. 11:00 Puzgarriak herriko plazan. 13:30<br />
Umeen bazkaria. Arratsaldean ume jolasak eta txokolatada.<br />
21:00 Herri afaria. 23:00 Ai Ene taldea eta DJ Pajarito.<br />
19 IGANDEA<br />
11:00 Meza nagusia eta jubilatuen hamaiketakoa.<br />
onpostaje komunitarioa martxan jartzekotan da<br />
•Kudala. Proiektu pilotuari Zubimusu eta Idiazpi<br />
auzunearen artean jarriko diren bi edukiontzirekin emango<br />
zaio hasera. Iraeta eta Arroabean ere jarri nahi da konpostaje<br />
komunitarioa. Arroagoian eta Aizarnan, berriz,<br />
autokonposta egingo dute. Interesatuentzat: 943 147 010<br />
edota ingurugiro@zestoa.net (uztailak 27 baino lehen).<br />
inastia Etxabe pilota txapelketako XLI. ekitaldia<br />
•Djokatuko da uztailaren 27tik abuztuaren 30era bitartean<br />
kiroldegian. Euskal Herri osoko 40 pilotarik hartuko<br />
dute parte.
zure iragarkia jartzeko<br />
deitu<br />
943 147 123 telefonora