South Korea President Lee Myung-bak kan ram ah... India ... - Zoin.Info

VOL.1 NO.23 BI-WEEKLY JOURNAL 31 MAY 2012 THURSDAY 

South Korea President 

Lee Myung-bak kan ram ah... 

India Prime Minister 

Dr Manmohan Singh leh a thiannu 

an rawn zin 

Poland Foreign Minister leh 

Daw Aung San Suu Kyi te 

an inkawm 

Cover Story 

inside

2 | TAHANTIMES domestic news 31 May 2012 Thursday | Vol.1 No.23 

meizial leh a khu 

World Health Organization chuan kumtin May 31 hi 'Khawvel Zial Zuk 

Loh Ni'-ah a puang a. Chutiang zel chuan hriselna lama hmalaknaa 

a bul thut pawimawh meizialin a khawih pawi laka inven hi sawrkar tin 

deuh thaw hian an ngai pawimawh hle a, hma an la nasa. 

Meizial leh vaihlo atanga siam thil hrang hrangte hian mihringte 

hriselna a khawih chhe thei hle a. Vaihlo hian kan khawsak phung, kan 

economics leh kan hriselna a khawih pawi thei hle a ni. WHO puan 

danin kumtin mi mtd 5 chuang hian meizial, vaihlo leh a kaihhnawih 

atanga natna veiin nunna an chan a, 2020-ah phei chuan meizial vaihlo 

kaihhnawih natna hi thih chhan bul ber a la ni mai thei a ni. 

Zial leh vaihlo atanga siam thilte hian a zutu chauh ni lovin a khu 

lo hiptu tan pawh thil pawi a thlen vek a. Lung thisen dawt zim, chuap 

leh thawkna kawng natna, pumpui na, chaw kawng cancer,chuap cancer, 

thli dawt cancer, phing cancer, kal cancer, pumpui na leh zeng thut 

(stroke) te a thlen thei a , hun lo taka thihna thlentu a ni thei a ni. 

Nuin nau pai laia zial a zuk chuan nau chhiat, thla kim lova nau hrin, 

nau te thisaa piang, nau pangngai lo, zang em em hrin te a thlen thei. 

Nu-in zial a zuk chuan a fa chu naupang thang thei lo, thluak muang tak, 

lehkha zirtir pawha thiam thei lovah an chhuak duh bik. 

Zial hi zu lo mah ila, a khu hip ringawt pawh hi tha lo tak a ni. Zial 

zu-in a thawk chhuah khu a awm a, a meizial kang khu a awm bawk a. 

A enga pawh hi a tha lo ve ve a. Chuvangin school, damdawi in, office, 

bus stand, rail station, bus, lawng leh puipunna-ah reng reng zial an zuk 

chuan sira mi tan a khu lo hip luh ve a ngai a, a duhawm lo hle a. Chuvangin 

heng hmunah te hian zial zuk an khap tlat tawh. 

Naupangah phei chuan nute zial zuk vang leh mawtawr chuannaa 

zial khu hip luh ve avang ringawt pawhin 'zun in na tak' an vei thei tih 

(May 23) New Light of Myanmar chanchinbu-ah tarlan a ni. Heng hi naupang 

zun kawng fel loho an zir chianna atanga an hmuh chhuah a ni. 

Heti ang a nih avang hian WHO hmalakna hnuaiah kan ram pawh 

hian kum 2006 May 4 khan meizial leh vaihlo kaihhnawih control-na dan 

5/2006 a chhuah tawh a. Meizial zu ve lem lovin a khu an hip loh nan zial 

zuk phal lohna hmun bikte a ruat a, meizial fakna reng reng pawh media 

lama chhuah loh tur a ti a. Tihchhuah a khap tlat a ni. Naupang kum tling 

lo hnena zial hralh pawh khap a ni a, meizial packing-ah 'hriselna atana 

a tha lo' tih warning tar ngei ngei turin thupek a chhuak tha thar leh bawk 

a. 

Chuvangin hriselna vawng tha tur hian zial nghei a pawimawh hle 

a, zulo thei lo kan nih pawhin inthiar fihlim nachang hria ila, puipunna ni 

lo-ah, a fal emaw, a hmun bik emaw-a zuk hram hram a tha ber. 

Thuziak pakhatah chuan , " I khawhral a nih rau rau pawhin nangma 

hun chauh kha khawhral la, mi hun chu khawhral sak suh ang che," a 

tih ang deuhin "Zial i zu rau rau a nih pawhin i hriselna khawih pawi tur 

chauhin zu la, mi dang hriselna khawih pawi tir kher suh ang che," i ti 

mai teh ang. 

I zial khu-a mimal boruak ram va tibawlhhlawh kher lo turin fimkhur 

la a tha ber ngei ang.n 

ViCe PReSiDeNT-iN BaN a Dil Tih hi Thu Dik 

Eleven Media Group-in a chhungte bulhnai 

deuh an zawh fiahna atanga an hriat 

danin Vice President Thiha Thura U Tin 

Aung Myint Oo-an sawrkar hna atanga 

banna a dil tih hi thu dik a ni awm e. 

Sakhaw thila inserh hrang rih tura a 

kal hma May ni 3 khan a chawlh dilna 

lehkha chu President leh mawhphurhna 

neite hnenah a thehlut a ni awm e. Heng 

hi Singapore-ah damdawi lama a zu inentir 

hnua thil thleng a ni. A hriselna that 

tawk loh vanga hetianga chawlh dil hi a 

ni awm e. 

Chuvangin Vice President Thiha 

Thura U Tin Aung Myint Oo, hrisel lohna 

avanga a hna atanga ban a dil thu hi thu 

dik a ni a, a banna theh luh chu pawm a nih leh nih loh erawh a la hriat chian 

theih loh a ni. Thiha Thura U Tin Aung Myint Oo hi Officer Cadet (12)-na a mi 

a ni a, Tatmadaw-ah 'General' thleng a kai a, State Peace and Development 

Council-ah Secretary-I a ni thin. Mi rilru inhneh tak a ni a, a thutlukna siam 

tawh chu a sawn mai mai ngai lo a ni awm e.n 

kaN Ram PReSiDeNT-iN SOuTh kORea PReSiDeNT 

lee mYuNG-Bak leh a ThuihhRuaiTe kaWm 

May 14, tlai lam dar 5:20 khan President U Thein Sein chuan Nay Pyi Taw-a 

cham mek South Korea ram president Lee Myung-bak leh a thuihruaite chu 

president resident-a mikhual kawmna hall-ah a lo kawm. He inkawmnaah 

hian Ministry of Home Affair Union Minister Lt. General Ko Ko, Ministry of 

Industry Union Minister U Soe Thein, Ministry of the President Office Union 

Minister U Soe Maung, National Planning Ministry Union Minister U Tin Naing 

Thein, Foreign Deputy Minister U Maung Myint, South Korea rama kan ram 

ambassador U Nyunt Hlaing leh department hrang hranga hotute an tel 

a. South Korea president hian Foreign Ministry and Trade and Commerce 

Minister H. E. Er. Kim Sung-Hwan, Economics Minister H.E.Mr. Hong Suk 

Woo, kan rama South Korea ambassador H.E.Mr. Kim Haeyoung leh hotu 

thenkhat a hruai tel bawk. He inhmuhkhawmnaah hian South Korea-in kan 

ram a tanpui theih dan tur te, economics lama thawhho dan tur te, kawng 

hrang hranga thawhho dan turte chu sawiho a ni.n 

POlaND FOReiGN miNiSTeR leh 

NaTiONal leaGue FOR DemOCRaCY PReSiDeNT 

DaW auNG SaN Suu kYi Te aN iNkaWm 

Poland Foreign Minister Radoslaw Sikorski chu May ni 10 tlai khan National 

League for Democracy President Daw Aung San Suu Kyi inah a va leng a, 

chanchinbu mite nen a rualin an inkawmho. 

Foreign Minister Sikorski chuan Myanmar democracy sualtu hruaitu Daw 

Aung San Suu Kyi nena an inhmuh theih avanga a lawm thu, Myanmar-ah 

Hluttaw changtlung taka a lo din tak avanga a lawmpui thu te, by-electionah 

Daw Aung San Suu Kyi leh National League for Democracy te hnehna 

a lawmpui thu, democracy-a inhlankai tum hi thil samkhai tak a nih mai loh 

thu, Myanmar ram intundin chhohna zelah thlawp an tum thu, Daw Aung San 

Suu Kyi chu Poland-a zin ngei tura a duh thu te a sawi hmasa a. 

Tun tum hi Foreign Minister Sikorski ang Poland sawrkara thuneihna 

sang tak chelhtu-in a vawi khat rawn tlawh hmasakna ber a ni. An ramin 

kum 20 chhung ram inlumleh nana hun an lo paltlang tawh tawnhriat tam tak 

Myanmar te hrilh hriat a inbeisei a. 

Foreign Minister Sikorski lo zin hian school leh medical instrument lam 

tanpuina a rawn keng a. Geology lam hawi science leh research thawhhona 

turte an sawiho a. Myanmar Geologist-te Ph.D zirna Scholarship turte 

Poland hian a ngaihtuahsak dawn a ni. 

Foreign Minister rual hian economic lam palaite an lo kal ve a, lei hnuai 

khur chhuak thil laih hna, lawng tuk hna, railways lam leh financial lam palai 

dang dangte an tel bawk a ni awm e.n

31 May 2012 Thursday | Vol.1 No.23 

LocAL news 

mODel NuRSeRY SChOOl-iN GRaDuaTiON 

eXeRCiSe VaWi 5-Na a BuaTSaih 

Model Nursery School (MNS) hi Tahan Venglai Presbyterian kohhran din a ni a. Kum 2007, 

March 8 khan hawn tan a ni. 

Chuti chuan May 18, 2012 Zirtawpni zing dar 8 khan the 5th Graduation Exercise chu 

Presbyterian kohhran Tahan Venglai Hall-ah buatsaih a ni a. Kumina zir chhuak (degree la) 

zawng zawng chu mi 25 an ni a, zirlai naupang zawng zawng zat chu 75 an ni. MNS atang 

hian naupang 112-in an zir chhuak tawh a. 

A tlangpui thuin naupang kum 3 mi an nih vel atangin MNS-ah hian an lut tan a. School 

a naupangte an luh dawn kumah degree an pe thin. MNS hi kum tluana hawn a ni a. Tunah 

hian kar 2 vel an chawl ang a, June thlaah an lut tan leh ang. 

MNS-ah hian zirtirtu 4 an awm. An hotunu chu Pi K. Rohlupuii a ni a. MNS hian 'Early 

Childhood Care Development' (ECCD) a zawm a. He pawl hi kan rama Nursery insuihkhawm 

pawl an ni a. UNICEF hnuaia naupang tana rawngbawlna nei an ni. UNICEF lam 

hian naupang infiamna bungrua leh technology (naupang enkawl dan) lamah a tanpui 

thin. Kalaymyo-ah pawh tawng hman azirin zirtirtu bik (instructor) an nei a, Mizo tawng 

hmangtute tana zirtirtu chu Pi K. Rohlupuii hi a ni nghe nghe. 

MNS luh fee hi kum 1 tan Ks. 2000/- a ni a, thla khat fee chu Ks. 2000/- a ni thin a, June 

thla atangin Ks. 2500/- a ni dawn. Naupangte hian form an nei a, Thawhtanni, Nilaini leh Zirtawpniah 

te an ha thin. Ei-in lam thuah chuan ni tin sawhchiar an pe thin a. Thawhtanni-ah 

bean sawhchiar, Thawhlehni-ah vegetable (thlai hnah/rah) sawhchiar, taksa hriselna atan a 

that hle thu Pi. K. Rohlupuii hnen atangin thu kan dawng.n 

ThalaiTe haPTa DeNChheNiN miSSiON VeNG 

uNiT mYa-Te Bike SiliN aN hNaTlaNG 

May 15, 2012 Nilaini khan Mission Veng Unit MYA chuan thalaite hapta (Youth Week) 

denchhenin Centenary Hall-ah bike silin an hnatlang. Hnatlanga kal MYA member-te hi 

an thahnem hle a, mi 40 chuang an ni. Bike 50 chuang an sil a, bike pakhat sil man hi Ks. 

500/- a ni a, Ks. 500/- aia tam pe pawh an awm. MYA hian kum tin Conference MYA huapin 

Thalaite Hapta hi chhun leh zanin an hmang ziah a, thalaiten an hlawkpui thu an Unit hruaitu 

Pu Vanlalthlengliana hnen atangin thu kan dawng.n 

TAHANTIMES | 3 

hiV/aiDS Vei TaN ‘aRT’ DamDaWi 

mOReh-ah a lak Theih Ta! 

ART damdawi mamawh tan 

Monywa, Aizawl, Imphal, 

Lamka kal a ngai tawh lo. 

Moreh-ah 'Medicines Sans 

Frontires' NGO chuan free 

clinic an rawn hawng thar 

tawh tih Pu Steven Hrinsanga, 

PLHA Gospel Team 

President hnen atanga thu 

dawn a ni. 

HIV /AIDS vei tan tunhma chuan Imphal emaw, Lamka 

emaw pana inenkawl a ngai a. Tunah chuan a mamawhtute 

samkhai dan tur zawngin anmahni bawk chu 'Moreh'-ah an 

inhawng thar a ni. Ram chhunga luh a remchan loh vang a 

ni ber. He clinic hawngtu MSF (Medicines Sans Frontires) hi 

Belgium NGO an ni. Free clinic a ni a, dam lo an kuta thleng 

an enkawl reng reng chu a thlawn vek a ni ber mai. An hnena 

awm lo damdawi, pawn lama lei a nih pawhin voucher felfai 

tak hmanga dil theih a ni awm e. 

Moreh-ah hian Project Co-ordinator dah a ni a, Moreh 

Ward No.2-ah clinic hi hawn a ni. Kumin 2012 April thla 

atanga hawn tan a ni. Hmanrua pawh resistant neih that leh 

that loh hriat nana 'thisen var' chhiarna khawl te chenin an 

nei a, an changtlung hle a ni tih Pu Hrinsanga hnen atangin 

kan lo hria. Pu Steven Hrinsanga te hi Kalay General Hospital 

ART Center-a in-volunteer an ni a, mi 8-in an in-voulunteer 

a, an thawk mek a ni. Heng ‘Self Help Group’ te hian 

damlo chu Moreh-ah an hruai thei reng a. An kaihhruaina 

zar zo mi tam tak an awm tawh a ni. Kalkawng senso erawh 

chu a mamawhtu-in a thawh a tul thung ang. 

Harsatna nei, mamawh chuan Pu Steven Hrinsanga hi 

contact theih reng a ni a. Tahan 'G' group, 'A-Khuaia border 

[YCW]' kawt lawka cheng a ni. n 

PYiNkhONe RahNal (BaWRhSaiaBe) 

Pyinkhone khua hi Kalay-Kabaw phaia khaw hlun tak mai a 

ni a. Thlai ching pawh an awm ve nual thin. An khuaah hian 

November thla velah rahnal hi an ching tan thin a. January ni 

10 chho vel atangin an lo tan a, May thla tawp thleng vel an 

lo tlangpui. An lawh tirh lamah chuan a man pawh a tam ve 

deuh thin a, tunlai hi chuan pum khatah cheng hnih leh duli 

vel a ni. Rahnal hi thlai rah hrisel leh tui tak a ni a, taksa tan 

pawh tha tak a ni. A leitute hian a tlangpuiin an kang ber a, 

baiah te an thlak bawk a, hel deuh saka pum chhum pawhin 

a tui hle a ni.n 

Bike kaN ChhaR 

14 May, 2012 khan Vutbuak khuaah 125 bike kan chhar a. 

Engine number emaw frame number emaw dik taka sawifiahtute 

hnenah pek leh kan duh. Bike bo ten rawn ngaihven 

rawh u le. 

Pu Lalsangmura 

Mawsi (Vutbuak Lal) 

Ph. 0947212928 

n

4 | TAHANTIMES internAtionAL news 

FaCeBOOk DiNTu PlaYBOY SiNGaPORe-ah 

‘Facebook dintu zinga pakhat Edmando Saverin chuan 

US khua leh tui a nihna chu a thlah ta,’ tiin Internal 

Revenue Service chuan a report. Hei hi company-in 'initial 

public offering' a puan hma daihah a ni. 

May 2 nd week vel khan Bloomberg-ah he chanchin 

hi chhuah a ni a, Internal Revenue Service-in 'tute hi 

nge ram pawna khawsa' tih mihring hming a puan 'notice', 

April thla nawi lama chhuak behchhana ziah a ni. 

Facebook hian USD billion 10.6 lai IPD-ah tihpun a tum 

a, chu chuan company hlutna USD billion 96 -ah a hlang 

kai ang. Company-a 5 percent chan ai lo nei Saverin 

chuan sum tam tak a hui luh phah ang, tax chawi ngai si 

lovin. Saverin hian a Facebook chan ai enge maw chen 

a hralh tawh avangin company-a 5 percent leh a aia tam 

chan tur neite list tarlanna IPO document list-ah a hming 

a lang ve ta lo va. 

Saverin thupuangtu chuan, "Edmando hian Singapore-ah resident anga awm law law hi 

a fuhin a hria. Hun eng emaw ti chhung chuta chen chu a tum tho si a," a ti a ni. US chhuahsan 

a tum hi IPO lo sang tur nen inkungkaihna a nei lo va, 'tax' lam thil nen pawh engmah 

inzawmna a nei lo a ti zui. Tax expert pakhat chuan 'The Los Angeles Times'-a, a sawi danin 

'tax chawisawn' ang a ni a, billion tam takin a hlawk phah ang' a ti. Tichuan Facebook-a a 

chan tur chu IPO zawhah USD billion 4 vel a la ni ang. IPO tihfel zawh chuan, Facebook 

dintu Mark Zuckerberg erawh chuan USD 1 billion vel tax a chawi hmel a ni.n[NLM] 

PhiliPPiNeS-ah kaNGmei RaPThlak! 

May 9 ah Phillipines khawpui Manila-a Tondo district-ah kangmei nasa tak a chhuak a. Mi 

tam takin in sak leh nana hman tur thing kang bung leh thing tumte an khawm laiin pa pakhat 

erawh chuan a bungrua chhar khawm tumin nghawng thleng thlenga tui daiin a inham 

buai em em thung. 

He kangmei chhuakah hian mi pahnih an bo a, mi 10,000 chuangin in leh lo an chan. Mi 

tam tak chu an nun him nan Manila Bay-ah (tui-ah) an zuang thla hlawm a ni awm e. A tam 

zawk chu thlam leh buk te-ah te an khawsa mek a. A hma zan kha chuan kangmei tuarte hi 

Sports Complex-ah te an dah lailawk a ni.n 

Time maGaziNe-iN BuaiNa TaWk 

Chanchinbu zahawm tak Time magazine chuan a kawmah nau hnute pe lai lem a chuantir avangin buaina a tawk a ni 

awm e. 

Time director Rick Stengel chuan he an lem tar hi nu pakhatin a fapa kum 3 mi hnute a hnektir lai lem a ni tiin a 

thiam thu a sawi ve bawk. "He lem hi mi hip thei tak lem a ni a, mite hnenah thil ngaihtuah tur pawimawh em em a thlen 

a ni," tiin Rick Stengel chuan a sawi. "Mi thenkhatin ropui an tih em em laiin thenkhat chuan an do thung, eng emaw ti 

takin mi a tawngtir a ni," a ti bawk. 

He Time Magazine May 21 issue-ah hian Dr Bill Sears thu ziak a tel a, a kawmah kum 26-a upa Jamie Lynne 

Grumet-in a fapa Aram hnute a pe lai lantir a ni. 

Grumet chuan kum 6 a nih thleng hnute a hnek thu a sawi a. "Ka len thlengin rei fe hnute ka hne a, ka fate pawh 

chuti anga sei lentir chu ka tum," a ti. "Mite pawhin thil pangngaiah an ngaih ka ring. Mi tam zawkin thil pangngai takah 

an ruat a ni. Chu chu ka beisei a, an hmuh ngei pawh ka duh," a ti bawk. He thlalak hi MSNBC leh ABC-te thlan a ni 

nghe nghe.n[Digital Spy] 


GeNDeR Thlak, miSS uNiVeRSe 

CaNaDa CONTeSTaNT a TliNG Ta lO! 

Gender thlak, Miss Universe 

Canada thlannaa tel hmasa ber 

chuan May ni 19 khan inelna tual 

zawlah a tawp ber dawttu atan 

zei takin a intheh thil kual vel a. 

Hei hi 'Miss tittle' a chan teuh lai 

ber a ni awm e. 

Jenna Talackova (23) hi mi 

dang 61 te nen an inel a, mi 12 

thlitfimah pawh a la tel chho zel. 

Mahse a lehpek panga thlanah chuan a tla ta a ni. Sahar 

Biniaz (26) chuan Miss Universe 'lukhum mawi' chu a khum 

ta zawk a. Hei hi December thlaa thil thleng a ni. Talackova 

chu 'Miss Congeniality' pali zinga pakhat a ni ta a. A tirah 

ani hi mipaa piang a ni. Kum li kal ta khan a sex a thlak a, 

hmeichhia-ah a chang ta a ni. 

A tir tea hmeichhiaa piang a nih loh vangin he British 

Columbia, Vancouver nula hi inelnaa a tel an remti lo phawt 

kha a ni a. Mahse Donal Trump, he Miss Universe Organization 

enkawltu ber chuan thla kal ta khan an hnialna chu a 

hnawl hmiah a ni. 

He nula feet 6 leh inch 1-a sang, inkhaithli tak mai hi 

a khingpuiho chungah a lawr zuah mai a. Bikini leh formal 

wear-a an inel tum, Inrinni zanah phei chuan mi zawng 

zawng mit la ber a ni a, stage-a a rawn inlan tawh chuan 'au 

ri' leh 'hahum' thawm a nasa thei hle a ni awm e.n 

lal Thlah ChhaWNG Tam TakiN aN 

lO kaWl ThiN TaWh 'ROYal DiamOND' 

uSD mTD 9.7-iN aN hRalh 

Switzerland Geneva-ah 

khawvela hmanlai ber leh lar 

ber royal diamond 'Beau Sancy' 

chu lilam a ni a, a man an 

chhiar tanna let hnih, USD mtd 

9.7-in an hralh thei a ni awm e. 

He diamond hi French lal 

Henry IV nupui pahnihna Marie 

Medicis, lalnu lukhum an hlanna 

inkhawm 1610-a an buatsaih 

tuma mi tawh a ni. Amaherawh 

chu a leitu tak hian a 

hming a thup tlat. 

He diamond 'Pear' thei rah ang tak mai hi thil vang lutuk 

tak a ni. Heti anga lilamna hmuna a rawn inlar chhuak ta mai 

hi hlu tak, vanneih thlak tak a ni a, an lilamna-ah pawh an 

inlan zak zak mai a, an thawm a tha hle a ni tih Geneva-a 

Sotheby lilamtute chuan an sawi. 

Lalnu Marie de Medicis chuan a lal lukhumah he diamond 

hi a tar a, a tukah a pasal lal Henry chu thah a ni. Hei 

hi 1610-a thil thleng a ni a. He lal chhungkaw diamond hi lal 

thlahte bakah mi naran kutah a la thleng ngai lo. 'Beau Sancy' 

diamond hi sawisel bo-a tha a ni a, lunghlu lam ziahna bu 

apianga an telh hmaih ngai loh 'royal diamond' a ni. 

Tun tumah erawh chuan tu tih hriat theih lohin a chang ta tlat 

mai. Lal thlah a ni nge ni lo tuman an sawi thei lo a ni.n


internAtionAL news 

YemeN SiPaiTeN al-QaeDa PaWl kaP 

Yemen sawrkar sipaite chuan mi firfiak pawl al- 

Qaeda-te chu an tawm rukna hmun, ram chhim 

lamah kalin an kap. He an kah thu hi sawrkar 

lamin nemnghet mah se, muang changa bei an 

nih thu an sawi. A chhan chu al-Qaeda pawl 

hian kawng chin an hriat em avangin rin loh 

takin sipaite hi an beih let leh thut thin vang a 

ni. Sipaite hi indo thlawhna leh laipui lamin an 

lo puih reng avangin hma an sawn thei zel a. 

Abyan hmun an la let thei a nih chuan al-Qaeda 

pawl tan thil pawi tak a ni ang. Ni kum khan he 

khua hi al-Qaeda pawl hian an la kha a ni a. Yemen sipaite hian mi firfiak pawl hi a theih ang 

angin kawng hrang hrangin an bei reng a. 

Yemen president thar Abd al-Rab Mansur al-Hadi chu America ramin a theih dan danin a 

tanpui char char a. Hadi hian al-Qaeda pawl hi nasa taka beih a tiam tawh a. US lamin thlalera 

an buatsaih Air Base atangin a theih dan danin a pui reng a. Thlawhna leh laipui hmangin 

firfiak pawl hi an lo kap reng a ni.n 

SYRia Ram Chu SiPai ChakNa hmaNGiN aN Bei lOVaNG: NaTO 

Syria ram tual chhung buaina chu sipai chakna 

hmanga chin fel an tum loh thu NATO hruaitute 

chuan an sawi. EU, Arab League-hote nen 

tangrualin inbiakna hmanga chin fel an tum 

thu Ivo Daalder chuan a sawi. Libya anga sipai 

chakna hman a theih loh chhan chu Syria 

sipaite leh mipuite hi an inawm pawlh nuk vang 

a ni a, eptute an tanpui vak chuan tual chhung 

indona rapthlak tak a chhuah phah ngei dawn 

niin Daalder chuan a sawi bawk.n[CNN] 

hOula khuaah mi 90 ChuaNG Thah aN Ni: SYRia SaWRkaR 

ePTuTe SaWRkaR Bei leT TuRiN Fuih 

May 25 khan Houla khuaah sawrkar sipaite 

chuan mi 90 chuang an that a. Houla khua 

hi Syria ram laili lama awm a ni a. He thihna 

avang hian sawrkar sipai, hel lama tangte insuihkhawm 

pawl 'Free Syrian Army' (FSA) hotu 

pakhat chuan Syria sawrkar sipaite bei let turin 

fuihna thu a sawi. 

UNO Secretary General hlui Kofi Annan 

ruahman, remna awm dan tur kawng pawh 

Houla-a thil thleng avang hian tihchhiat a nih thu 

FSA chuan an sawi. May 25-a thahho zingah 

naupang 32 an tel a, an chhung theuhte nen 

chuan mi 90 chuang an thi. Sawrkar sipaite hian 

Kofi Annan-a ruahmanna chu dik lo taka hmangin pawisawi lo civil mi hei zat hi an that ta a. 

Hei hian Kofi Annan-a ruahmanna zui theih a nih tawh loh thu eptu lama sipai hruaitu Colonel 

Edney chuan a sawi. April thla khan Kofi Annan ruahman remna thuthlung chu sawrkar leh 

eptute hian an duh thu puang tawh mah se, hemi hnua thi ngawt pawh mi 1635 chuang an 

tling. Edney chuan UN Security Council phalnain ram hrang hrang sipaite insuihkhawmin van 

sang atanga Syria sawrkar sipai hmun pawimawhte beih a that a rin thu a sawi. Heti anga tum 

khata mihring inthahna thleng avang hian tual chhung indona a chhuah an rin thu UN lam 

hotute huan an sawi bawk. UN Security Council Meeting thut a nih thuai theih nan Britain ram 

Foreign Minister Willian Haig chuan hotute nawr a tum thu a puang.n[CNN] 

ameRiCaN-hOViN BiN laDeN aN kah hlum TheihNa TuRa 

lO PuiTu DOCTOR Chu PakiSTaN SaWRkaRiN kum 33 luNG 

iN TaNTiR 

Osama bin Laden awmna an chhuinaa CIA lo puitu Pakistan 

mi doctor chu ram phatsana puhin kum 33 chhung lung 

in an tantir dawn ta. Nikum khan sawrkar doctor a nihna ata 

an lo ban tawh Dr. Shakil Afridi chu an hnam dan kalhah 

an puh a nih chu. Khyber district-a awm hnam hlawm khat 

rorel dan atangin thiam loh an chantir ta a ni. Dollar 3500 an 

chawitir bawk. Afridi hian bin Laden awmna tihchian nana 

bin Laden awmpuite DNA saple lak khawm nana invenna 

chiu vel thuah CIA hi a lo pui a ni. Nikum May thla khan bin 

Laden chu he a chennaah ngei hian US sipaiten an kap 

hlum a nih kha. He doctor hi dan an lek kawh em emna 

hmun ni lo he Khyber district-ah hian kum rei tak chhung 

doctor hna hi a lo thawk a ni. A chung thu an rel lai hian 

rorelna hmunah amah pawh a awm lova, thiam thu sawina chance pawh a nei lo a ni.n [CNN] 


CameRON leh OBama Te'N 

G8 SummiT hNukhaWiah PhiaRRuk 

hNa aN ChhuNzaWm 

David Cameron leh Barack Obama te chu nimin khan in- 

fiamnaah an inhmu fal a, Germany, luhlul tak chu Eurozone 

chungchang hmanhmawh taka bawhzui ngaiah hian engtia 

han nawr kal tur nge tih an phiar ru nasa mai a ni awm 

e. Prime Minister hi Camp David-ah US President zing infiamna 

gym-ah a va kal ve tih thu dawn a ni. Zan lamah EU 

crisis chungchang, engtia kal zel tur nge tih sawihona ipik 

tak an neih hnu darkar thum lekah hetiang hian an inhmu 

fal ta a ni. Thu awih lo deuh German hruaitu Angela Merkel 

chuan 'currency mal', tihngheh nana an ram tangka hlutnaa 

lo do kan chu a duh tlat lo a ni. 

Nimahsela nimin khan Prime Minister, Mr Obama, 

France-a Francois Hollande leh Italy Mario Monti-te chuan 

Mrs Merkel chu hmin tumin an bei nasa hle a. A hnuk 

chelhtu niin an hria a ni. EU Chiefs Herman van Rompuy 

leh Manuel Barroso te nen dawhkan khat an kilho a, he thu 

harsa hi an khel hlawm a ni. 

Mr Cameron chuan eurozone boss-te chu fiak deu 

takin a tihkhum a, 'Bank tihchak te, inawpna tha, mipuite 

hnena information thlen zung zung – heng zawng zawng hi 

a rang thei ang bera a awm a tul lutuk,' tiin. 

European Central Bank pawh a kheng na. European 

Central Bank hi Germany control-na hnuai veka awm tih 

theih deuh thaw a ni a. Greece leh spain chhawmdawl 

chungchangah an thawh beitham lutuk a ti a ni. 

Mr Cameron leh Mr Hollande te chuan Mrs Merkel hian 

sum dehchhuah nana 'bonds' system pakhat khat chher hi 

rem ti sela an duh a, heng hian euro ram tan an beih mek 

infrastructure project hrang hrang tan sum sihchhuah tur a 

lo awm thei dawn a ni. Hruaitute chuan Greece chu 'Euro'-a 

tel zel turin an duh a, an ram than lenna atana a tul tul ti turin 

intiam se an phut. Mahse ti hian an sawi, "a tawk chiah 

kan tih hi keimahni theuhah pawh a inchen hauh lovang," 

tiin. US President chawlh hahdamna Maryland hmuna G8 

te annual meeting thuchhuakah chuan Mrs Merkel nawrna 

leh phutna hlir a khat a ni ber. 

Tihian an ziak: "Euro Area hruaituten Eurozone-a harsatnate 

a hun takah rintlak takin leh rinawmna, ngialnghehna 

leh thanlenna te nena inthlung tlata chingfel tura an 

thu tlukna hi kan thlawp" tiin. 

Hruaitute hian oil man tihtlak nan, mahni oil kawl thatte 

hralh chhuah deuh ni se tih thute pawh an sawi tlang.n 

SiNGaPORe Ram BY-eleCTiON-ah 

ePTu lam Chak 

Singapore rama labour party 

lama MP pakhat chu party 

atanga an hnawh chhuah 

avangin a aiawh tur thlan a 

ni a, eptu party lam an chak. 

He By-Election hi Hougang 

District-a buatsaih a ni a, 

eptu party candidate Png 

Eng Huat chuan vote 62.9% 

a hmu a, rorel lai party (People's 

Action Party – PAP) candidate Desmond Choo chuan 

vote 37.9% a hmu. An ban tak Yaw Shin Leong (MP) chu 

hmeichhe lam thua a hming chhiat avanga ban an ni nghe 

nghe. Kum 50 dawn lai chu tuna rorel lai party hian ro an 

rel a, inthlanpui an neih hnuhnun berah khan rorel lai party 

chu an che chhe hle a nih kha.n

6 | TAHANTIMES worLd crime 31 May 2012 Thursday | Vol.1 No.23 

FaCeBOOk-a a ThiaNiN a PaWNGSual 

Kum 22-a upa Australia mi hmeichhe pakhat chu Facebook-a 

a hmelhriatin a pawng sual tlat mai. Facebook 

atanga a hriat dan chuan he pa hi 'Sammy Sidhana' a 

ni a, he hmeichhe chenna hotel-ah a pawngsual ta a ni. 

Party an neihnaah a lo che full deuh a ni ang. Engmah 

hre lova a awm laiin he pa hian a lo pawngsual ta a 

ni. He hmeichhia a lo harh hian chumi ni chauhva facebook 

atanga a hmelhriat, amah pawngsualtu chu a bulah 

a lo la awm reng nghe nghe. Police-ten an sawi danin 

he pa nen hian hun rei tawh tak ata Facebook atangin an 

lo inhmelhriat tawh ni awm tak a ni. Hmeichhe nu hian a 

awmna hmun pawh a lo hrilh thin a ni awm e.n 

malaYSiaN Pa PakhaT Chu PaWNGSual Thu-ah 

kum 14 luNG iN TaNG DaWN 

Shah Alam Court chuan Thai hmeichhe pawngsual a, ni 

kum lama car rutu Malaysia mi chu kum 14 lung in tang 

tur leh vawi 8 vuak tuar turin a chungthu a rel ta. 

He pa hi G.Thanaraj a ni a, a pawngsual nu hi fa 4 

nei, kum 42-a upa a ni a, ama Perokua Viva Car-ah ngei 

a pawngsual a ni. He car hi Serendah Golf Club hnunga 

dah a ni a, nikum November 7 zing lam dar 6-7 khan a 

pawngsual ta a ni. 

Hemi avang hian kum 14 chhung jail bang a zut ang 

a, vawi 8 vuak a tuar bawk ang. He misual pa hian thian 

Suhairi Mohd Sani (kum 24 mi) a nei a, he pa nen hian 

car, passport, rangkachak thi leh zungbun, mobile 

phone-te an ru niin an hria. Mohd hian kum 9 lung in a 

tang ang a, vawi 5 vuak a tuar ve bawk ang.n 

'SeX' Thil aTaN kum 12 Rual lek a Veh kual! 

United Kingdom-a pa pakhat chuan kum 12 rual lek naupang 

te nawhchizuar hna thawhtir turin a veh kual! 

Carlisle Court procecutor Tim Evans chuan, "A 

thlem dan chu taima tak a ni, a kar a kar, a thla a thla-in 

hmeichhe naupangte chu a zui a. Hmaichhan a nih loh 

leh phone-in a dawr a. A hlauhawmna chu, enthla zuia 

an in thleng a zui thin hi a ni. Hmeichhe thenkhat chuan 

sum leh pai avangin amah chu sex an hmanpui ta thin a 

ni. 

Azad Miah (44) chuan a chang chuan chung hmeichhe 

naupangte chu ama anpui te hnenah a hruai a, 

pound 100 lai te-in a hralh thin a ni. 

He pa hian a mi chharte chu drug leh zu te a pe pah 

a, "Kan ramah chuan kum bithliah a awm hlei nem," a ti 

ta mai thin. 

Hmeichhe pakhat phei chu kum 14 a nih atangin sex 

a hmanpui a, tangka a pe thin a, kum li chhung zet a 

khuaikhem a ni. Nupui nei tawh, he sex addict-a hian 

hmeichhia kum 20 rualte, 30 rual, in leh lo nei lo emaw, 

drug addict emaw te pawh a tinzawn thin tho. 

Naupang te sex hmanpuia a service-tir thin thu te, kum 12 leh 16 inkar rual lek nawhchizuara 

buk hawnpui tura a thlem thu te hi Miah chuan a pha ve tlat.n[Daily Chilli] 

SP BAKERY 

International Level-a chhang siam thiam senior-ten ni tina tharlam taka an siam 

cake, chhang thawp leh chhang chi hrang hrang a lei theih reng e. 

Thiltihhona chi hrang hrang, inneih, party tih ang chi atan pawh a order theih a, 

ni 3 advance-a order tur a ni. 

MIN RAWN DAWR VE RAWH LE! 

Pu Ralmanthanga 

ပိေတာက္ၿမိဳင္လမ္း၊ တာဟန္း(A) 

Ph: 09 400307754 

khaWVel hi! 

China ram Guangzhon bial Baiyun district-a chengte chuan 

he nu hi an hmu fo va. Thla tam a ni ta. Chu hmeichhia, rilru 

kim lo, in leh lo pawh nei lo chu Longgui Food Market velah 

a vak ruai ruai a, tanpui beiseiin a tei kual vel a ni. A dul a 

tilang vek a, hai rual a ni lo, a rai a lo ni! Rei lote-ah, khuaa 

mite an mengphawk nasa ta mai le!. 

Market-ah a rawn lang leh hlawl mai a. Nausen te hi a 

pawm a, a lai hrui la ah loh a ni lehnghal! Han en mai pawhin 

he nu hi a rilru a kim lo tih a lang reng. Mahse damdawi ina 

kal erawh a duh hauh lo. Puih a duh lo tlat. 

'Beijing Shots'–in a report danin he nu hi he nausen 

pawm hian km 6 lai a vak kual tawh a ni. A tawpah marketah 

tho chuan sakawrbakchehin nau lai hrui chu a chhat a. 

Nausen hi a piantirh ata eng thawmhnaw mah a la bel lo. 

A tui hala a hriat leh nausen chu leiah, chirhah pawh 

ni se a dah tawp a, kawng kama tui chu plastic ip-in a va 

thal mai a ni. Naute chaw a hrai leh hrai loh pawh hi inhnial 

tham a tling. Hospital thawktu pakhatin naute chaw pek a 

tum pawh a lo hnial. 

A tawpah chu mi ang lo chuan ama chenna, vantlang 

inthiarna, bazar bul lawkah chuan a hawpui ta a ni awm e.n 

NauSeN TiSa RaWT DiPa 

Siam CaPSule 

South Korea chuan China siam damdawi capsule, a chhunga 

mihring tisa dip inbeng ram chhunga tawlh ruk chungchangah 

Custom Official ten uluk taka an endik thin thu a 

puang a. Korean Customs Service chuan Thawhtan (May 7) 

khan nikum August leh tun inkara chuti ang capsule 17,450 

lak luh an tum vawi 35 lai an lo dan thu an puang a. Heng 

capsule hi mihring chakna tana thil tha tak anga sawi a ni. 

Customs officialte sawi danin nausen thi leh nau piang 

hlim tisa atanga siamin heng capsule te hi China ram 

hmarchhak lama cheng, Korea miten Korea ramah tawlh luh 

ruk an tum thin a ni. 

Mi thenkhatin heng capsule-te hi damdawi atan tha hleah 

an sawi a. Mahse chik taka en chuan super bacteria hrik 

tha lo leh mihring tana pawi thei eng eng emaw a lo tel teuh 

a ni.n[Daily Chilli]


TleiRaWl PakhaT, Thluaka ThiSeN 

PuT aVaNGa Thi TaiN a TakSa PeNGTe 

hmaNGiN mi 8 NuNNa a ChhaNhim 

Kum 13 mi hmeichhe tleirawl pakhat chu thluaka thisen put 

avangin a thi a, a thih hma hian a taksa pengte chu mi dang 

tan a pe a, chumi azarah mi 8-te nunna chu a chhanchhuak 

ta a ni. 

He tleirawl hi Jemima Layzell a ni a, a nu leh pate hnenah a 

taksa pengte mi dang hnena hlana mi nunna chhan a duh 

thu a hrilh a, ti hian a hlan ta a ni. He tleirawl hi Horton, 

Somerset-a khawsa a ni a, an inah ti hian thluaka thisen put 

nasat avangin a tlu a, damdawi inah a thi ta a ni. A nu leh 

pate hian amah chawimawi nan a duh ang ngeiin a taksa 

pengte chu mi dang hnenah an hlan ta a. 

A lung chu mipa naupang kum 5 mi an pe a, a chuap 

chu kum 40 mi pa pakhat hnenah an hlan a. A thin chu mipa 

nausen pahnih thla 10 leh thla 5 miten an insem thung. Kum 

19 mi leh 24 mi pahnihin a kal (kidney) an chang a, kum 40 

mi pa pakhatin a pancreas (la) changin a rilpui pawh he nu 

ril hmanga tihdanglamsak a ni. Lehkha ziaktu nih chak em 

em Jemima mit tissue pawh mi pahnihte mit enkawl nan pek 

a ni bawk. 

Jemima pa hi thlalatu Harvey (kum 43) a ni a, a nu chu 

Sophie (kum 38) a ni. An fanu hi March 14 khan a thi a, 

hman ni lawk khan amah chawimawina hun pawh hman a ni 

nghe nghe. 

A nu leh pate chuan, "Kan fanu hi a duhawm hle a, a fel a, 

a hlim thei, mi a khawngaih theiin a thluak a tha hle. Arts lam 

tuiin lehkha ziaktu nih tum a ni a, poem, hla leh thawnthute 

pawh eng emaw zat a lo ziak tawh a, ama nunkhua hi a 

chhut nasa hle thin a, khawvela buainate pawh a zir nasa 

thin a ni," an ti. 

A thi mai dawn a ni tih a inhriat chuan a duhthusam ang 

ngeiin a taksa pengte hi mi dang hnenah an hlan ta a ni. Mi 

pariatin damna an lo chan phah a, a taksa peng dang tha 

tak takte chu hlu taka hman a lo ni ta. Lo dam lehte zingah 

hian naupang 5 an tel nghe nghe an ti bawk. A nu birthday 

March 10-a lo thleng tur lawmna atana a inbuatsaih mek 

lai chuan Jemima hi a tlu thut ta a ni. A lu a na em em a, 

engmah hre lovin a awm zui a. Bristol Royal Hospital for 

Children-ah March 14 (4:30 p.m) khan a thi ta a ni.n 

generAL knowledge 

Hmeichhe naupang pahnih chu US-a nu 

pakhatin a fa atan a la a. A lak pahnihte hi 

chhungkaw hrana mi chhan hrang hrang 

avanga adopted center-a an dah a ni. China 

ramah hian hmeichhe naupang tam tak chu 

nausen an nih laiin an nu leh paten an paih 

(tlan san) daih thin. He hmeichhe naupang 

pahnih latu hi US-a khawsa a ni a, a hming 

chu Bonnie a ni. IT lama thawktu a ni nghe 

nghe. He nu hian hmun hran ve ve-ah he 

hmeichhe pahnih hi Adopted Center-ah a 

hmu a, a fa atan a la ta a ni. Bonnie hian China 

hi a ngaina hrim hrim a, a zin fo thin bawk. 

Kum 1998-a a zin tumin Hunan Province-a 

awm Changde City-a adoption center ata 

hmeichhe pakhat zawk hi a la a. 

A nausen lak hi a ngaina hle a, a hming 

chu Chang Aijie-i a ni. Mit lian mawi tak a nei 

a, sam erawh a nei lo. Tichuan US-a hawnin 

doctor a enkawltir ta a ni. Kum thum hnuah 

China-ah a zin leh a, adoption center-ah 

bawk kalin kum 1 mi hmeichhe naupang chu 

a hmu leh a, he naupang hi a kal hma ni 10-a 

he center hi thleng a ni nghe nghe. 

An rawn thang lian zel a, Bonnie chuan 

unau piang tlang ang maia hmel inang an 

rawn ni tih a hre ta a. Bonnie chuan an DNA 


uS-a Pa SaNG BeRiN BOOT maN TuR $25,000 DaWNG 

United States-a Minnesota Bial Rochester-a cheng Igor 

Vovkivinskiy chu US-ah pa sang ber a la ni a. Feet 7 leh 

inches 8-a sang a ni. Amah hi College Student a ni a. Boot 

special tak a bun loh chuan ke-a kal hi a harsat a. Reebok-a 

official-te chuan size 26 shoes special-a siam turin 

$15,000 sen a ngai ang an ti a ni. 

Vovkivinskiy hi Ukraine atanga United States-a pem 

a ni a. A thianten web page siam a, thilpek khawn turin 

an rawn a. WCO-TV-in a chanchin an tihchhuah avangin 

tunah chuan $25,000 chuang a nei tawh a ni. 

Online-ah Vovkivinskiy chuan, "Minnesota mipuite u in 

chungah ka lawm tak zet e. In ngilneihna, in vophalna, in 

tanpuina zawng zawngte avangin in chungah ka lawm hle 

a ni," tiin a 'post'.n 

HRIATTIRNA 

v Mi thiam leh mi tha, mi ropui chherchhuahna School, The Truth Biblical College & Seminary (TBCS) 2012-2013 Academic Year tan school 

hawn a ni leh dawn ta. 

v Kohhran hrang hrang leh hnam tinte angkhata tuallenna school TBCS chu June 1, 2012 khian hawn tan a ni leh dawn ta. Nu leh paten in 

nula tlangvalte mi thiam, mi ropui leh hman tlaka chher chhuah in duh chuan he school (TBCS) hi pan tlak a ni e, tiin chanchin lawmawm 

kan inhriattir a ni e. 

He school-ah hian: 

1. Theology leh Kristian nun uluk takin kan inzirtir. 

2. Special English Class buatsaih a ni bawk. 

3. Newzeland ram atangin English zirtirtu mithiam bik (Sap mi ngei) ten 

thlatin an rawn zirtir thin ang. 

4. Hostel-a awm te, rethei harsate tan ei leh in a thlawna pek a ni ang. 

In rawngbawlpui, 

(Hmingliana Vulmawi) 

Secretary 

Board of Trustees, TBCS 

Tahan 

mi Fa aN lak (aDOPTeD) hmeiChhe NauPaNG 

PahNih Chu uNau PiaNG hmuN aN lO Ni 

a test-tir a, unau dik tak, piang tlang an lo ni 

tlat mai! Tunah hian a upa zawk hi kum 15 mi 

a ni tawh a. Muang changa tlan leh a sang 

zawnga zuan hi a nuam tih zawng tak a ni. A 

naupang zawk hi kum 11-a upa a ni tawh a, 

tennis khelh leh school-a violin zir chu a tui 

ber a ni. 

"An hrisel hle. Inhauh pawh an nei lo, an 

inkawmngaih em em, ka chhuang hle thin," 

tiin Bonnie chuan a sawi. He mite unau hi 

khawi lam atanga rawn kal nge, khawi lam 

chhuak nge an nih hriat an duh. He an duhna 

hi tihlawhtling turin Bonnie chu China-ah 

a zin a, an nu leh pate chu zawn chhuah a 

tum ta a. Pengchui (or) Dianjiang district vela 

awm an nih ngei a ring. Tichuan an nu leh 

pate chu a va hmu chhuak ta ngei a. Bonnie 

chuan, "Fanu pahnih an neih avangin an 

chungah ka lawm a ni," a ti. Hmeichhe unaute 

pawhin an nu leh pate hnenah lehkha 

an thawn ve bawk. 

"Kan nu leh pate, kan la dam tih in hriatna 

hian a tibuai che u a nih chuan rilru takin 

ngaihdam kan dil a che u. Kum tam tak liam 

taah khan mi thar pahnih in kalsan a. In rilru 

a nat viau pawh kan ring. Min ngaihtuah ve 

pawh kan ring hle. Min hmuh in chak kan 

ring e, US-a chhungkaw pakhatin faa min la 

hi kan vannei a ni. Kan hlim lutuk, kan rawn 

thanglian zel a, khawi lam chhuak nge kan 

nih a, tute nge kan nu leh pate tih hriat kan 

rawn chak ta a. Pianpui unau dang kan nei 

em? tih pawh kan hre chak hle. Kan nu leh 

pate u, kan hmangaih che u, kan mumangah 

kan hmu fo thin a che u. Kan dem lo a che u. 

Nunna min pek avangin lawmthu kan hrilh a 

che u," tiin. 

He mite unau hi Bonnie chuan Clyde tih 

leh Riley tiin an hming a phuah.n 

Degree Offer-te: 

1. G.Th 

2. B.Th 

3. M.Min 

Ngaihven duh tan: 

1. TMEF Office 

2. TBCS Office 

3. Faculty te hnenah ngaihven 

theih a ni.

8 | TAHANTIMES ceLebrity 31 May 2012 Thursday | Vol.1 No.23 

MILEY CYRUS: 

KUM 14 NIH LAIA 

THINLAI NA TUAR TAWH 

A bialpa hlui Nick Jonas nena an inthen tum kha a thin nat ber tum a ni tiin 

Miley Cyrus chuan thukhawchang a sawi. 

'Hannah Montana' star chuan kum 14 lek a nih lai khan Jonas Brothers 

singer nen an in-date thin a, an han inthen leh ta mai kha chhungril takah 

a tuar na hle a ni tih a sawi chhuak. Cyrus chuan, 'He pa hi ka hmangaih a, 

tha famkim ka ti tawp a. A mak lutuk. Ka thinlung hi a puak darh vek ni mai 

hian ka hria. Khami hnu kha chuan ka nun hi a ngui zo vek. A chhan chu min 

hmangaih let ve tlat lo a ni," a ti. 

"Hmeltha min ti lova, tichuan ka hmel a tha ta lova. Hun khawhralpui 

tlakah min ngai lova, tichuan tu tan mah hun khawhralpui tlak ka ni ta lova, 

chutiang chu a ni mai,” 

LOL actress chu a inpuang ta zel a, thla khat chhung mittui nen a khawsa 

a ni awm e. A pa Billy Ray Cyrus chuan amah hnem nan 'a liam ve leh 

mai ang,' a lo ti a ni awm e. Cyrus chuan tihian a han belhchah a. "Chuvangin, 

'a liam ve leh mai ang' tih hi hre phawt mai ila, khawvel tawpna a lo 

ni hauh lo. Kal zel mai rawh. Engpawh nise hriatreng tlak 'enge emaw' lian 

tham tak chu a ni ve e." 

He kum 19 lanu hi Hunger Games star Lim Hemsworth nen an inchhar 

leh tawh a, Cyrus chuan Lim Hemsworth chu, 'boyfriend serious tak'-ah a 

ngai a ni awm e.n 

SHAKIRA FAN 

MTD. 50 AN CHUANG 

Columbia singer Shakira Facebook-a dawr-tute chu May 

17 nia chhiar dan chuan mtd 50 chuang an awm a ni. 

'Facebook' chuan Facebook site-a tam ber No.1 a nih thu 

a puang. Singer Shakira mimal chanchin Facebook-ah 

tarlan a ni a. Shakira lem lian fe mai a intar bawk a. 

Tah chuan 'mtd 50' tih a inziak a ni. Amah lawmtu 

fan mtd 50 chuang a nei tih sawi nan ama lem nen 

a private website-ah an tar a ni. Shakira hi Latin 

America-a zaithiamte zingah a hmingthang 

ber a. Thla kal ta khan Bill Board chuan 

Latin America-a Artist hmingthang ber 

chawimawina a hlan nghe nghe.n 

RIHANNA 

A CHE PUI LEH TA 

Rihanna chuan a hnute-ah tak 'aw-le vun tial' ang ngeiin lemziak thiam a 

ziahtir pek a nih chu! A zam lo kher mai le. Make-up artist-ten 'aw-le vun design' 

ngei mai chu a (saruak) awmah leh hnungzang lamah an belsak a. Hei 

hi a video chhuah hnuhnung bera mi tur a ni. 

'The talk That Talk' star Rihanna hi chirh dum atanga a lo chhuak lai a 

lang dawn a. A single thar 'Where Have You Been'-a a lan dan tur a ni. 

Ram palailenga lak he video-ah hian Rihanna chu sam dum sei tak te, 

luruh, thinga siam ngun, ke bun te leh thi hraw pui pui nen kan hmu ang. 

Kar kal ta khan 'behind-the-scenes' tih puanzar phen thil minute 2 daih an 

ti lang a. Tah chuan he video lak nana rehearsal an beih lai, a thawh hah dan 

te a lang a. Hei ringawt pawh hian a fan-te mitah chuan a invawrh sang leh 

hle a ni.n 

'mOTheR'S DaY'-ah SiNGeR BeYONCe ChuaN 

a Nu ChaWimaWiNa Thu a ThaWN 

Khawvel zaithiam lar Beyonce chuan 'Mother's Day' khan ama nu chawimawi 

nan rilru leh tih tak zetin a website atangin lehkha a thawn. Rimawi khawvela 

chanchinbu te chuan Beyonce (30)-in a website atangin a nu chawimawina 

lehkha a thawn thu chanchin an tarlang hlawm a ni. A lehkhaah chuan, 

"Ka hmangaih em em, ka nu..i mi enkawlna leh zirtirnaa ka lo sei lian hi 

ka lawm tak zet a ni. Ka lawm lehzualna ber chu zaithiam ni tura min lo hring 

hi a ni. Ka nu, ka lawm hliah hliah asin" te a ti a. 

"Tunah chuan keipawh nu ka ni ve ta a, i hlutna zawng zawng ngaihhlut 

nachang ka lo hre thiam chho ve zel tawh a. 'Mother's Day'-ah hian hlim taka 

i awm ka beiseiin ka tawngtai asin," ti tein Beyonce chuan a ziak bawk a ni 

awm e.n 

aDele alBum hRalh zaT 

hRalh Thei aWm Ve Tak maW 

Zai thiam Adele chuan ni kum khan a album siam 

chu a hralh chhuak tam hle a. Khawvela album hralh 

chhuah tam ber record a siam a nih kha. Released 

a nih atanga kar 67 chhungin a album (21) chu 

copy maktaduai 18 chuang meuh a hralh hman a ni. 

A album hralh zawng zawng zinga 1.6% chauh a la ni 

lehnghal. Brits chuan kum 5 liam ta velah khan album 

hralh chhuah lamah hma a hruai hle a. Amy Winehouse, 

Coldplay leh Susan Boyle te pawh top ten-ah an lang pha 

reng a ni. n


entertAinment 

CANNES INTERNATIONAL FILM FESTIVAL 65-NA AN HMANG 

'Festival de Cannes' an tih, Cannes International Film Festival 65-na chu May ni 16 khan hman tan a ni. '2012 

Cannes Film Festival' hi French ram Paris khawpuia hman a ni. Ni 16 atanga tanin May 27 thleng hman tur a ni. 

A hawn nan Director Wes Anderson film lak 'Moonrise Kingdom' an chhuah a. He film hi 1960 vela nula 

tlangval inkawpte chanchin a ni. Cannes International Film Festival kharna atan erawh chuan 'Therese Desqueyroux' 

film an hmang thung ang. 

Cannes International Film Festival endiktute chu Italian film director Nanni Moretti-an a ho ang. A tha filawr 

thlan chhuah film 22 a awm a, chung zinga mi chu lawmman dawng tur an thlang chhuak dawn a ni. 

Chung film 22 zingah chuan 'In another country' leh 'The Taste of Money' South Korea film pahnih a tel a. 

Japan film pakhat, ‘In Love’ pawh a tel bawk. A dang zawng chu America, Britain, French, Denmark, Mexico, 

Germany, Sweden, Australia, Russia, Egypt, Netherland leh Belarus ram chhuak film te a ni hlawm.n 

Bee GeeS leGeND ROBiN GiBB Chu kum 62 mi NiiN Thi 

Hman zan mai khan Robin Gibb chu a nupui leh fate bulah a thi ta. A chhungte chuan Robin Gibb (kum 62) chu 

rilpui hnuai lam cancer natna avangin a thi ta tih lungchhe takin an puang. "May 20, 2012 Sunday dar 10:46 

p.m khan Robin Gibb (Bee Gees) chu cancer natna avangin a thi ta," tiin an tarlang hlawm. 

An chhungte pawh mi dangin bawr buai lo turin an ngen nghal bawk. Chelsea Hospital-a enkawl a ni a, a 

bulah hian a fapa Robin-John leh Spencer, a fanu Meliss leh a nupui Dwina te an awm thap. 

Robin Gibb hi British music history-a hming dai tawh lo tur a ni nghe nghe. Hla phuah thiam lamah a thiam 

ber pawla an ngaih a ni bawk. He band hian album maktaduai 200 chuang meuh khawvel hmun hrang hrangah 

an hralh chhuak a. How Deep Is Your Love, Stayin' Alive leh Night Fever te chu an lar hle. An sam a sei a, Suits 

var tawt tak an ha, an aw ki a sang hle thin a nih kha.n 

The TOEFL & IELTS Specialist 

international english language proficiency 

ETs TOeFl [PBT] 

Cambridge ielTS 

• Special class/Regular class ျဖင့္ 

တစ္ႏွစ္ပတ္လံုး 

သင္ယူႏိုင္သည္။ 

IELC, Tahan Times အေနာက္ဘက္ကပ္ရပ္ 

တာဟန္းေစ်း အေရွ႕ေတာင္ဘက္၊ 'A' Group 

test preparation course 


TOP 10 BOXOFFICE 

1 Men in Black III $70M 

2 Think Like a Man $524M 

3 Battleship $47M 

4 The Dictator $44M 

5 Dark Shadows $65M 

6 Chernobyl Diaries $9M 

7 What to Expect When You're Expt. $24M 

8 The Best Exotic Marigold Hotel $18M 

9 The Hunger Games $396M 

10 Think Like a Man $89M 

TOP 10 MusIC aLBuMs 

1 Trespassing Adam Lambert 

2 21 Adele 

3 Blown Away Carrie Underwood 

4 Rize of the Fenix Tenacious D 

5 ...Little Broken Hearts Norah Jones 

6 NOW 42 Various Artists 

7 Bloom Beach House 

8 Glee:TheMusic: Sea 3 Soundtrack 

9 Tuskegee Lionel Richie 

10 Up All Night One Direction 

Website: www.tahantimes.com 

E-mail: tahantime@gmail.com 

xl;jcm;csuf 

Test ေျဖမည့္သူမ်ားကို 

စာရင္းသြင္းေပးသည္။ 

Scoring system ျဖင့္ 

ရမွတ္ကို 

ခန္႔မွန္းေပးသည္။ 

Test section တိုင္းကို 

audio CD + Past paper ျဖင့္ 

ေလ့က်င့္ေပးသည္။ 

ဆရာကိုယ္တိုင္ 

2012 ခုႏွစ္တြင္ TOEFL-610, IELTS-8.0 ႏွင့္ 

Test of Written English fullmark 6 မွ 5.5 ရထားၿပီး ျမန္မာတစ္ႏိုင္ငံလံုး 

Top Ten စာရင္း၀င္ျဖစ္သည္။ 

• trSwfaumif;&csif&if trSwfjrifhjrifh&xm;wJh q&mxH oif,lyg •

10 | TAHANTIMES Cover Story 31 May 2012 Thursday | Vol.1 No.23 

ANANDA HMINGTHANSANGI: "KA HMANGAIH CHE" 

Lelte Artiste Huang-in "Mi i 

hmuhin an englai hi nge i 

thlir hmasak thin?" tia zawhna 

"Mi ka hmuhin ka thlir hmasak 

ber chu an KE hi a ni. Ke 

nalh hi ka ngaisang a ni ang. 

Miin ke fai tak a neih chuan a 

nalh.." tia rin loh zawng daiha 

chhangtu hi tu dang a ni lo ve. 

Mizoram Music Award vawi 

21-na "Lelte Award 2012" 

'Best Music Video (Lengzem/ 

Lenglawng) award dawngtu, 

'Ka hmangaih che' Ananda 

Hmingthansangi ngei kha 

a ni. 

'Ananda' tih chu koh nuam 

tak, mahse veng dang rim a 

nam em tih tur a ni a. Mahse 

a nam tak tak awzawng lo. 

Chaltlang Mualvenga Pu 

Khawlianthanga leh Pi Vanlaltluangi 

te fanu mal a ni a, 

Aizawl Civil Hospitalah December 

31-a piang a lo ni. A 

pian lai hi Indian model lar 

'Ananda' lar lai tak a lo ni a, 

amah lawm em emtu an monu 

hian a hming hi 'Ananda' tiin 

a lo sa ve a, a Mizo hming 

'Hmingthansangi' bo lek lek 

khawpin 'Ananda' tia koh a lo 

hlawh ta a ni awm e. 

Nikum October thla 

laihawl velah 'Ka hmangaih 

che' music video a la a. LPS 

Channel one leh ZONET 

'Zawlbuk'-ah te a chhuak 

zauh zauh na a, hmeh 

chhuah turin khawi Demand 

Channel-ah mah dah a la ni 

lo. He "Ka Hmangaih Che" 

hla phuahtu leh video producer 

Pu MJ Zakunga hian a 

hla phuahte collection album 

tihchhuah a tum avangin, a 

common palh hlauvin demand 

channel-ah dah a la 

phal lo a ni. 

Mahse LPS leh ZONETah 

a khat tawka he music 

video hi chhuah a nih reng 

avangin ngaihven a hlawh 

hle a, zai a thiam mai bakah 

a hmel leh zai inrem vang 

te, music video direct dan a 

changkang, an uluk duhtuizia 

avang tein mi ngaihven 

a hlawh hle a. Shooting-a lo 

lang ram palai lenga khumpui 

chunga thu lai lang tur hian a 

buaithlakin hna a hautak hle 

a, sum sen a thathnem rualin 

music video hian mi hlut 

a hlawh hle thung ta a 

ni. Video thla la 

tur hian Ananda leh Pu M J-a 

te hi an duhtui dun hle a, Pu 

B. Zosanga ngat an sawm 

a, a hla nena inrem tur hian 

Ananda hian a direct mah 

zawk a ni. 

Demand Channel-a dah 

ni kher lo mah se, hetianga 

uluk deuh, duhtui taka 

lak a nih avang hian "Ka 

Hmangaih Che" music video 

leh a satu hi a lar tho tho 

ta mai a, Best Music Video 

Award a dawng ta hial reng 

a ni. 

Ananda hian nuta pathum 

a nei a, a ni hi a upa ber dawt 

a ni. Aizawla lehkha zir tluan 

chhuak zak a ni a. Salvation 

Army-a awm an ni. Naupan 

lai atanga zai thin, tleirawl 

hnu-a thiante nen a ruala zai 

chho, 2007 kum Red Ribbon 

Youth Icon-a top 20-a 

inhlangkai ve hman a ni. A 

hnu-ah Art & Culture Department 

sawmnain Goa, Delhiah 

te zai turin a zin chhuak 

ta nual. Phai 

lamah 

vawi ruk lai 'zaia zin' ve tawh 

a ni. Sap hla leh Mizo hla a 

sa kawp thin a ni awm e. 

2001 May-a a lak, Pu Zirsangzela 

Hnamte hla 'Ka 

hmang ral leh thin' kha a video 

hmasa ber a ni. 

Pu M J-a hla pahnih, 'Ka 

hmangaih che' leh 'Ram ka 

duh ber' te a siam leh a. 

A hnuhnung berah 'Lungrun 

ka dawn thin che' tih F. 

Vanlalhriatrenga hla a siam 

thar leh bawk. He Music 

Video, Pu Vanlalruata Tochhawng 

produce hi chu demand 

channel-ah pek a ni 

tawh nghe nghe. 

'Ananda' hi zai lama lar 

chho mek a ni a. A lar lohna 

lamah pawh 'ti ve tak' a lo ni. 

Hla za chuang a lo phuah 

hman der tawh! A tam zawk 

chu a thluk la siam loh an 

ni. Amah pawhin a la sa lar 

hman lova, hla thluk siam 

thiam thenkhat te pawhin a 

thluk siamah an dil nual a, tumah 

erawh a la pe lo. 

Mizo hlaah Vanlalruati te, 

Daduhi te hla a ngaithla tam 

a, Sap hlaah chuan Celine 

Dion leh Sap hla dang Sentimental 

lam hla a ngaina. Infiamna 

lamah Volley-ball leh 

TT khelh nuam a ti. Lehkha 

chhiar mi a ni a, Mafaa ziah 

a chhiar fo. 

Inchei nan chuan a rawng 

duh zawng chu 'a dum' a ni 

thung. 

Mizoram chhim lamah 

Concert Tour nei turin Biakmuana, 

P C Lalremruata leh 

mi dang dangte nen an ruahman 

mek a ni awm e. 

Mizo hmeichhia-ah chuan 

nu tawk tak, pian thiam tak, 

mitmeng fiah tak, inkhaithli 

zan mai Ananda hian a theih 

chuan zai chhoh zel a tum a, 

ei zawnna tak tak atana a tuina 

ber chu sumdawnna lam 

a ni tlat. Tuna an chhungkaw 

ei zawnna ber pawh 'Furniture 

Workshop' a ni.n 

Ref:Lelte Weekly



Kan ramah South Korea PreSident 

Lee myung-baK Lo zin: Kum 20 chhunga 

South Korea hruaitu Lo zin hmaSa ber a ni 

May 14 khan South Korea president 

Lee Myung-bak chu kan ramah a 

lo zin a. Kum 30 chhunga kan rama 

South Korea hruaitu lo zin hmasa ber 

a ni. Kan ram insingsak dan chungchang 

sawiin kan ram president U 

Thein Sein leh NLD hruaitu Daw 

Aung San Suu Kyi te nen an inkawm 

a. Kum 1983 hnu lama South Korea 

president lo zin hmasa ber a ni. 

Kan rama a lo zin thu-ah venhimna 

lam pawh an lo inbuatsaih nasa 

a, a lo thlen hma atangin venhimna 

hi an lo uluk sa hle a ni. In sumdawn 

tawnna lama thawh dun dan tur tha 

zawk sawi ho a ni a, kan ram president 

U Thein Sein leh Daw Aung San 

Suu Kyi te chu a hrangin a kawm ve 

ve. 

May 15 khan Yangon-a Sedona 

perSpeCtive 

Hotel-ah NLD president Daw Aung 

San Suu Kyi chu a kawm a, chanchinbu 

mite zawhna pawh an chhang ve 

ve. Lee Myung-bak chuan, "Myanmar 

hian hun thar duhawm tak in 

hmang chho mek a, Daw Aung San 

Suu Kyi nena kan inkawmna atangin 

Myanmar ram dinhmun pawh ka 

hriat chian phah hle a ni" a ti. "South 

Korea ram hi democracy ram kan ni 

a, khawvelin ram changkangah min 

pawm. Chuti ang deuh chuan Myanmar 

pawh hi in kal mek a ni, kan ram 

ang chiah hi in rawn nih chhoh ka 

beisei" a ti bawk. 

May 14 khan kan ram president 

U Thein Sein nen inkawmin thu 

pawimawh tak tak an sawi dun a. UN 

Security Council thu chhuak bawh 

pelhtu North Korea nena kan ram 

chu inkungkaihna nei miah lo turin 

Lee Myung-bak hian a fuih bawk. 

Daw Aung San Suu Kyi nena an 

inkawmnaah zirna pawimawhzia an 

sawi dun ber a, South Korea ramin 

hlawhtling taka Democracy a kalpui 

theih chhan zingah chatlak lova zirna 

tha a kalpui vang a nih thu te leh 

hmasawnna hnar democracy leh human 

rights chu hloh a pawizia thu-ah 

Lee Myung-bak leh Daw Aung San 

Suu Kyi-te chu an lungrual hle. 

Daw Aung San Suu Kyi chuan 

hmasawnna, zalenna leh dikna chu 

kan duh, mipuite-ah tih phalna leh 

tih theihna a awm chauhvin democracy 

hi a awm a, sawrkar chu mipui 

kuta awm a nihzia mipuiten an hriat 

chauhvin democracy dik tak chu a 

awm dawn a ni a ti. 

SOuTh kORea PReSiDeNT lee mYuNG-Bak-aN maRTaR-Te ThlaN a TlaWh 

Kum 1985 hnu lama a vawi khatna 

atan South Korea Foreign Minister 

chu May 1,2 khan kan ramah a 

rawn zin tawh a, kan ram president 

U Thein Sein leh Foreign Minister 

U Wunna Maung Lwin te chu a 

hrangin a kawm ve ve a nih kha. 

Kum 1975 khan kan ram leh 

South Korea hi an inzawm tan a. 

South Korea company 100 vel chu 

kan ramah an rawn lut a, a tam ber 

chu puan than siam leh thui lam 

titu company-te an ni a. Kan ramah 

presi-dent hna U Thein Sein-an a 

thawh tan atang khan ram chu a inthlak 

danglam hle a, ram hrang hrang 

hruaitute pawh an rawn lut chur chur 

a, min hrekna tam tak an hlip tawh 

nghe nghe.n[Weekly Eleven/NLM] 

1983-ah North Korean-hovin an bomb hnua an chei that leh Martarte thlan chu South Korea President Lee Myung-bak leh a minister ten zahderna chibai 

an va buk. He martarte thlan hi 1983 khan North Korean-hovin an bomb chhia a, a hmun ngaiah a tharin din that leh a ni a. 

1983 khan Kawlrama rawn zin, sawrkar khual lian, South Korea President Chun Doo-hwan thah tumin Yangon-a Hnam Pa Bogyoke Aung San leh 

hruaitu dang martarte thlan ceiling-ah North Korean-hovin bomb an kam a, an tihpuah tak avangin martarte thlan pawh a darh chhe vek a. South Korea 

President Chun Doo-hwan chu vanneihthlak takin a him hlauh a. Myanmar sawrkar khual lian minister-te telin mi (21)-in nunna an chan a. Hliam na tak tak 

pawh an awm. Myanmar ram leilunga hetianga South Korea President thah tuma North Korea-in a phiar hi ram leh hnam inzah lohna lian tak, in-pawisak 

lohna lantirna a ni a. 1983 atang khan North Korea sawrkar nen Embassy-a inzawmna pawh chhut chah hmiah a ni na a, Senior General Than Shwe hun 

khan North Korea chu a lo dawngsawng tha leh a ni. North Korea sawrkar hian 1983-a martarte thlan bomb chhiat thu-ah tun thleng hian Myanmar sawrkar 

hi ngaihdam a la dil hauh lo. 

Daw Aung San Suu Kyi nen an inkawmnaah, 'North Korea nena inkungkaihna siam hi UN Security Council rorel bawhchhiatna a ni tih Myanmar 

sawrkar hian a hriat chian a beisei thu te, Myanmar sawrkar nen thawhho an tum thu leh Myanmar democracy tundinna kawngah a letin thlawp zel an tum 

thu' te South Korea President Lee Myung-bak hian a sawi a. Myanmar ram hian hmasawn leh changkan a duh ang chiah hian remna muanna leh intluktlanna 

te a mamawh thu, mipuiten kawng hrang hrangah zalen taka hma an lak theih hi democracy dik leh changtlungah chuan a pawimawh em em thu 

leh mipuite hian an 'nakin hun' hi anmahni ko-a innghat a ni tih an hriat thiam a pawimawh hle thu te Daw Aung San Suu Kyi chuan a sawi. n

12 | TAHANTIMES 

artiCle 31 May 2012 Thursday | Vol.1 No.23 

VAL upA THLARAu WORLD 

PAHLIRA 

Val upa tih tawngkam hi tunlai 

chuan lam a khat ta em a, a awmzia 

leh nihna hre mang lo pawh kan 

awm nual tawh awm e. A chhan chu 

thalai inhruainaa kan hman tak loh 

vang a ni a. Mahse Zonun kan sawi 

dawn chuan Zawlbuk te, tlawmngaihna 

te, val upa tihte hi sawi 

hmaih theih hauh lova pawimawh, 

Zonun lailum luahtute an ni a. Chu 

tak chuan huaisenna te, dikna leh 

rinawmna te, taihmakna te, rem 

hriatna te, mi khawngaih theihna te, 

thuhnuairawlhna te, hloh leh chan 

ngamna te, mi tana inpekna te leh 

aia upa zahna te a tel vek a. 

Val upa hi hmanlai Mizo khawtlang 

thalai hruaitu nihna hming 

a ni a, hmanlai chuan Mizo khawtlangah 

val upa tluka mipuiin an 

zah leh ngaihsan rawn an awm lo. 

Chutiang dinhmuna ding chu tunlai 

boruak atanga zuk thlir chuan thalai 

pungkhawmten lungrual taka ban 

phara an thlan ni ngei turin kan ring 

awm e. Mahse hmanlai deuh tak 

taka val upate chu chutianga thlan 

zuk ni hauh lova. Thlan lohvin engtin 

nge chutia val upa an nih theih 

kan ti mai thei. 

He val upa ni tur hian tuten emaw 

a nihtir tuma sawi mawia nominate a 

ni lova, mahni ngei pawhin nih tuma 

beih leh khelh chi pawh a ni hek lo. 

He mite chhung hi an chhungkua an 

hunga buh leh balah an hausa thei 

sia tih emaw, ani hi a pumrua a lianin 

a chak a, thupui hlapui han vai 

vel pawh a tlin bawka tih emaw, a 

huaisena ral lu pawh a la tam bawk 

tih emaw pawh a ni lova, a pawnlam 

lang thei lam atanga teh a ni lo ti ila 

a dik ber awm e. A nih leh chutiang 

chu lo ni se eng chuan nge val upa 

nihtir ta a? Val upa nihtirtu chu a 

chhungril nun hlutna lo par chhuak 

kha a ni. A chhungril lam nun hlutna 

chu eng ang nge? Nun hlu chu 

mite tan a nun chenfakawm, amah 

avanga tuten emaw hahdamna leh 

chhanchhuahna, rilru lamah leh 

taksa lama an lo dawn te, mi harsa 

leh chhum chhia, hmeithaite amah 

avanga an lo thlamuan ve a, harsatna 

leh buai mangan tawktute tana 

thlamuanpui awm, amah pantu tute 

tan pawha pan nahawm, mipui thla- 

vang hauh ngam, kawng engkima 

lal leh khawtlangin an muanpui, 

dikna leh hmangaihnaa ding nghet 

thlawhhma lak leh eibar zawnna 

kawng leh chhungkaw kaihhruaina 

kawnga entawn tlak, uang lo, chapo 

lo, tumah hmusit ngai lo, itsikna leh 

elrelna nei lo, milian mi te thliar leh 

enhranna nei miah lo, nun hawihhawm, 

nun zahawm, midangte tana 

malsawmna nun leh kan han sawi 

tak te hi nun hlu chu a ni phawt mai 

a. Chutiang nun neitute an nun lo par 

chhuak atang chuan mite thinlungah 

lungrual takin val upa nihna a rawn 

piang a, lal pawhin a khawnbawl upa 

leh mipui hmaah 'ka val upa' tiin a ko 

a, tuma hnial rual loh, au chhuahpui 

bawk si lovin tupawhina val upa tia 

koh a kai ta thin a ni. 

Tunlaiah chuan hmanlai val upa 

ang hi an awm ta lo, awm reng theih 

pawh a ni hauh lo ve, kan khawsak 

leh ei-in zawn dan leh nunphung a 

danglam tawhin kan khawtlang dan 

leh inkaihhruai dante pawh a danglam 

tawh. Mahse Zofate khawtlang 

hi chu tuan leh mang atanga thalai 

kuta awm a ni a, thalaite tel lo hian 

engmah kan ti thei lova, kan kal thei 

lo a ni a, chutiang a nih avang chuan 

khawi veng leh khuaah pawh thalai 

insuihkhawm an deldulna leh an tanrual 

lohna apiang kha a hrehawm a 

ni mai a. Mahse Mizo hi Mizo nih reng 

kan tum a, Mizo khawtlang nuna nun 

kan tum reng dawn chuan thalaite 

pawimawhna hi engtikah mah a nep 

dawn lova, hruaitute pawimawhna te 

hi a bo dawn tawp lo. Tunlai thiamna 

leh hriatna lamah engtiang pawhin 

tlan chakin hmasawn ila, Mizo nula 

tlangval kan nihna hi a bo chuang 

dawn lova kan chhiatni thatni insawngbawl 

dan te, kan hlimho duh 

dan leh kan nunphung leh khawsak 

dan zawng zawngte hi hnam dang 

tih danah kan kai thei dawn lova, 

chuvang chuan hmanlai angin val 

upa hmang tawh lo mah ila kan tih 

dan leh nih dan ang angah hian kan 

rawn inlar tharin rawn chhem nung 

reng se, chu chuan kan tlawmngaihna 

mei hi mit lovin a chhem nung 

zel ang a, tah chuan kan damna leh 

chakna a awm a ni. 

n 

K hawvela 

ENVIRONMENT 

ram ngaw tha tak takte 

tihchereu a nih hlawm avang leh 

boruak (gas) tha lo tak tak kan tihchhuah 

nasat luat avangin khawvel 

sik leh sa te a suakpak zo va, 

khawvelin a tuar mek a ni. 

Harsatna kawng hrang hrangin 

kan tawk. Khua a lum zual avangin 

chhim leh hmar tawp vur te a 

tuiral tial tial a, chu chuan tuifinriat 

tui a tipun a. Tuipui luan dan te a 

danglam zo va, Tuipui luan dan a 

danglam deuh hret vang ringawtin 

thli tleh dan thli kawng a danglam 

ve leh hrat a. Chu chuan sik leh 

sa, ruah sur dan khaw lum dan a 

tidanglam chho ta zel a ni. Tichuan 

a vawh leh vawt lutuk, a lum leh 

lum lutuk ang tein boruak hrang 

hrang kan hip ta a ni. 

Khawvelin harsatna namen lo 

a tawh chhoh zel avangin UNO 

huaihawtna-in 1972-ah ram 113a 

palai 1200 chuang Sweden ram 

Stockholm-ah an intawk khawm ta 

a. Chu khawmpui chuan, "mihringte 

hian kan chheh vel (environment) 

tha leh thianghlim tak neih kan phu 

a ni," tih thu an chhuah a. 

Tichuan United Nations Environment 

Programme (UNEP) a din 

ta a, khawvel ram zawng zawng 

deuhthawin hma lak dan turte an 

duang a, 'environment tha' kan 

neih leh theih nan hma an la ta 

theuh a. Chuta tang chuan kumtin 

June ni 5 chu 'World Environment 

Day' atan ruat a ni nghal ta a ni. 

UNEP hian kawng thum lian 

tak tak hmalakna a nei a. Khawvel 

venhim, environment lam zir chian 

a, thiamna hriatna theh darh, hriselna 

leh kan chhehvel khawih 

pawi thei chemical hriat chhuaha 

tarlan te a ni a. Kan ram pawh hi 

UNEP member kan ni ve a, chuvangin 

sawrkar hian Foreign Ministry 

hnuaiah Environment chung- 

DAY(June 5 ) 

chang hi kawng hrang hrangin hma 

a la ve mek a ni. 

Mihirng khawsak kan hautak 

tial tial a, mamawh avangin lei leh 

a chhunga thil awmte kan khawhral 

hiau hiau a. Khur chhuak thil te kan 

lai a, thing leh mau te kan kit chereu 

zo va. Chung chuan sik leh sa a ti 

danglam zo va, heng zawng zawng 

leh nungchate hi inkunglaihna nei 

vek kan nih avangin kan nitin khawsak 

phungah kawng hrang hrangin 

kan tuar ta hlawm a ni. 

Tichuan thing leh mau te phun 

that leh a, khawvel hi ram ngaw-a 

tihring leh turin ramtinin mahni theih 

ang angin hma an la mek a ni. Hetih 

rual hian heng ram ngaw-a khawsa 

nungcha tinreng te hi humhalh a 

tul em em bawk. Nungcha tam tak 

chu khawmuala khawsa an ni a, 

tuia cheng nungcha pawh tam tak 

an awm. 'Environment', kan chheh 

vel siam tha leh turin thing leh mau 

ringawt ni lo, khawmual leh tuia 

nungcha te kan humhalh hi tih makmawh 

a ni. 

Hetih rual hian boruak leh tui 

thianghlim neihna kawngah pawh 

inthlahdah loh a tul a. Boruak kan 

tih bawlhhlawh vangin van lama min 

tuamtu boruak ozone, ni eng laka 

min vengtu ber pawh kan tikhawlo 

zo a. Chuvangin ram te hian boruaka 

gas tha lo te, mawtawr meikhu, 

factory meikhu tihchhuah zat tur te 

a theih chen chen an inbithliahsak 

ta a ni. Chutiang zel chuan tui, lui 

tui, tuifinriat titawp zawnga thil tha 

lo leh bawlhhlawh paih mai maina 

kawngah pawh invawng thianghlim 

turin ramtin an inphut a, a theih ang 

angin hma an la suau suau a ni. 

World Environment Day-ah hian 

ram ang, sawrkar ang chauh ni lo, 

mimal te hian mahni theih ang tawk 

theuha heng thu hi pawisa taka kan 

hawiharh ve a hun ta hle. n


hRiSel Theih DaN TuR kaWNG 7 

Tunlaiah hi chuan taksa 

hriselna hi kan ei leh in leh 

awm dan nen a inkungkaih 

hle a. Chu vangin nimin aia 

vawiina kan lo hrisel zawk 

theih nan ei in leh awm dan 

tur tha tlem lo tarlang ila. 

1. 20%-in i thil ei titlem rawh 

Italy, Japan, Greece 

leh California-a chengte-ah 

hian kum 100 chuang dam 

hi an thahnem fe a. Heng 

mite hian an thil ei thin chu 

20%-in an titlem thin. Chaw 

ei dawhkanah ei tur an 

chhawp rui ngai lo. 

2. Thlai hnah/rah ei uar tur 

Thlai hnah/rah-ah hian 

anti-oxidant a tel tam mai 

bakah vitamin tha a tel nual 

avangin chuti ang ei tamte 

taksa chu a thau luah ngai 

lo. Kum 100 chuang dam 

thin Okinawa hnamho ei 

thin chaw thleng khatah 

hian America-ho ei thin 

chaw thleng khata tel Calorie 

hmun 5-a then hmun 

khat chauh a tel. Bean, thei 

pil sak leh thlai hnah/rah ei 

tam hi a tha em em a ni. 

3. I taksa tana tha ei in 

chu ngaina rawh 

Strawberry, Blueberry, 

Toh-hu leh tuipuia thing 

hnahte hi an tui a, taksa 

tan an tha. America mite 

hian hriak, chi leh chinite hi 

an ei nasa hle a. Hei hi thil 

siamsa ei an uar vang a ni 

a. Heti anga siamsa (ready 

made) eiin ei tam hian vitamin 

a thlen tlem bakah 

taksa hrisel nan a tha lo 

tih hmuh chhuah a ni. Kan 

taksa tana tha chauh ei in a 

tha. 

4. Thu chungin muang 

changin ei rawh 

Thil kan ei hian TV en 

chung leh motor khalh paha 

ei lovin, chaw ei dawhkana 

thu chunga muang changa 

ei a tha. Chaw bar khat hi 

vawi 10 tal thial tur a ni, chu 

mi hnuah chauh lem tur. 

Minute 20 chhung tal chaw 

ei thin tur a ni. 

5. Ding la, kea kal uar 

rawh 

Dam reite reng reng 

hian taksa sawizawi hi thil 

ho te-ah an ruat ngai lo. 

Ni khata tih ngei ngei tur 

hna pakhatah an ngai zel. 

France ram hmeichhiate 

hi chaw ei kham apiangin 

kein an kal ziah thin. Hei hi 

HealtH 

hriselna atan a tha hle. Chuti 

anga kan ti thei lo a nih 

pawhin in lam hna sekrek 

kan thawk tur a ni. 

6. Leng chhuak rawh 

Dam rei apiangte hian 

mi kawm an thiam bik a, 

chhungkuaah pawh inhmangaih 

takin an khawsa 

thin. In lamah hlim taka an 

awm bakah pawn lama 

an thian thate an kawm a, 

taksa hriselna tur lam uar 

an nih vek avangin a tha 

hle. Sakhuana lam pawlah 

emaw khawtlang thil tihhonaa 

phur taka tel thin hi dam 

reina chi khat a ni. 

7. Chawl hahdam rawh 

Khawvela mi hrisel ber 

berte pawh a chang chuan 

an rilru a ipik ve thin. Mahse, 

a tihreh dan an hria. Pathian 

biak te, tlan te leh thiante 

nena zanriah kil tih ang chi 

hi rilru ipikna a chhawk thin. 

Rilru hahdam taka dah thin 

hi a tha hle a nih chu.n 


'zeNG ThuT' laka iNVeN NaN Thil PaRuk 

1. Sangha ei rawh 

Harvard mithiamte sawi danin chawlhkar khata sangha vawi 

khat tal i ei khan i 'zeng thut' (Stroke) tur zaa sawmnga-in 

a tlahniam dawn a ni. Sanghaa awm Omega-3 Fatty acid-te 

hian thisen dawt vung leh puam tur hi a veng thei a. Thisen 

dawta vun chuan thisen a hnang sauh a, thi khar te te a insiam 

a, chung chuan thisen zam dawt a hnawhpin chuan kan 

zeng thut thin ta a ni. 

2. Tui in tam rawh 

Nitin tui no ruk i in ringawt pawhin i zeng thut tur zaa sawmnga-ah 

a tlahniam thei. Tui i in tam khan i thisen a tiril deuh ang 

a, thluak thisen zam te tea hnawhpin a awl dawn tawh lo a ni. 

3. 'Fibre' tel tam deuh deuh ei rawh 

Vaimim kan puah nitin no khat chauh pawh ei la, i zeng thut 

tur zaa sawmli pathum a tlahniam ang. Boston-a nurse-ho zir 

chhuah a ni. Vaimim kanpuaha tel 'fibre' te chuan cholestrol 

tha lo chi a tihniam thei a, thisen a thianghlim a ni. Thisen khal 

tur a veng a ni nghal bawk. 

4. Grape rah ro ei rawh 

Potassium (K) tel tamna grape rah ro emaw thei rah dang 

engpawh ni khat hmun lia then hmun khat hu tal i ei chuan i 

zeng thut tur zaa sawmhnih panga emaw a aia tam emaw-in a 

tlakhniam phah ang. Potassium hi thisen dawt tichhetu thisen 

sang tur a veng thei a ni. 

5. Ke-in kal tam rawh (Walk) 

Hmeichhia 35,000 an zir chiang a, nitin minute 17 ke-a kal 

thinte hi zeng thut lakah 100-a 30 velin an tlahniam thei a ni 

awm e. Ti ti pah pawhin a kal theih a. 

6. Dandelion thingpui in rawh 

He thingpui hi nitin no hnih in ziah la, taksaa tui chuang pound 

5 vel a tichhuak a, thisen sang pawh a tihniam thin a ni.n

14 | TAHANTIMES 

TuNLAI TAHAN BORuAK 

Tunlai Tahana titi tam ber chu khaw lum thu hi a ni. A lum mai ni 

lovin a satin a sa em em ringawt mai a. Ruah a sur khat hle a, 

khua a lum em em bawk si a, mahni ina awm thei lo, in dai nuam 

deuh pan an tam hle. 

Fur a hnaih chhoh tawh avangin lei let pa chuan thingtuai an 

la leh tan tawh a. A theih ang angin an inbuatsaih chho leh ta. 

Badam seng hun lai a ni a, Tahan leh a chheh vela badam neiten 

badam an pawt leh char char tawh, hengte hi hriakah an chantir 

leh hlawm ang. 

Bazar lamah tomato leh bawkbawn tam vang lai a ni a, a man 

pawh a tlawm hle. Thlai hnah/rah dang tharlam tak tak lei tur a 

awm reng. Kohhran lamah chuan MYA lam chuan May 14-20 

khan Thalaite hapta an hmang. Kohhran pui lamah chuan thawm 

langsar lutuk a awm lem lo. 

Man to tak taka lei thin motor rate a tla hle mai a, heti ang zel 

hi a nih chuan motor tha tak tak nei an pung zel ang. GSM (hand 

phone) hmang an pung tual tual a, hna tha pangngai tak nei tan 

chuan lei mai pawh a awlsam ta hle niin a lang. 

Secular leh Bible School lam pawh June thla tir atanga hawn 

tan leh a ni a. Zirlaiten theih tawp chhuahin lehkha an zir leh tan 

ta. Hna hrang hrang thawktute pawhin tluang takin hna an thawk 

thei zel a, bazar lama thil zuartute pawhin an thil zawrhte an 

hralh tluang zel. 

Mitthi an awm deuh zeuh zeuh a, dam lo erawh an tam lutuk 

lem lo. Tahan leh a chheh velah hian specialist doctor an awm 

nual a, dam lo tan an tangkai a, sum pawh an hai lut nasa hle. 

May 27, 28 khan ruah a rawn sur ta a, khaw lum lutuk pawh a 

ziaawm phah deuh.n 

aRTui mak DaNGlam Tak Chu 

Artui Mawitea kan tih mai Pu Lalhmingmawia hian Tahan F Groupah 

ar a vulh a, tunah hian ar 1000 vel a vulh mek. Chuti chuan 

14.5.2012 khan he ar vulhnaah hian artui mak danglam zet mai chu 

ar nu pakhatin a tui tlat mai le! He artui hi a sei zawng inches 2 vel 

a ni a. Artui hi a tung sawl deuh a nih avangin a vang zawng (a len 

zawng) hi teh theih pawh a ni lo. A laiah a khuar a, artui hi a dup 

bawk a, Alu (Potato) nen a inang hle. A hmutu apiangten mak an tih 

thu a neitu, artui Mawitea hnen atangin thu kan dawng.n 

local news 


YOuTh Week DeNChheNiN VeNGPui uNiT 

mYa-Te aN hNaTlaNG 

May 16, 2012 khan Vengpui Unit MYA-te chu Tahan A Group leh B Group kawng 

thian faiin an hnatlang a. MYA member mi 20 chuang an hnatlang. Kawng sir vela 

bawlhhlawh, palastic-te an chhar khawm a, veng chhunga kawngte an tithianghlim 

tha hle. Tahan Times Chanchinbu Office awmnaa pa-dauk kung pawh a mawi tawk 

tein an hlawi bawk. Heti anga veng chhung then thianghlim hnatlang an nei hi a 

venga chengte pawhin tha tiin an fak hle a, zawng chhang tlak tak a nih thu an Unit 

hruaitu Pu History Thanga hnen atangin thu kan dawng.n 

zaWlBuk TlaWmNGai PaWl (TaNPui NGaiTe TaNPui) 

Pathian kaihhruaina zarah 'ZAWLBUK' rawngbawlna pawh a kal tluang zel a, a 

lawmawm hle. Rethei damlo mangangte tanpui duh mite tan Zawlbukah member a 

nih theih reng a ni. Luh fee Ks.500/- leh thlatin fee Ks.500/- aia tlem lo thun ziah tur 

a ni. Thla tin fee hi thawktuin a rawn khawn thin ang. Thla tina Ks.500/- i lo pek khan 

dam lo mangang, retheite i tanpui reng tihna a ni. 

Zawlbuk chuan Oxygen bur hawh chhuah leh thisen pek chhuah chauh ni lovin, 

harsa zualte chhawmdawlna tan tiin 'mitthi kuang' siam sa a thlawnin kan pe chhuak 

(tanpui) thei ta a, a lawmawm hle a ni. Mitthi kuang hman dan turah hian 'harsa, 

rethei' kan tih chin a inang lo ngei ang. Chuvangin kohhran leh khawtlangin tanpui 

ngai an ni an tih chauhte tan a ni ang. Tanpui ngai an nih dawn chuan kohhran hruaitute 

emaw khawtlang hruaitute emaw hriatpuina lehkha nen ngei Pu Lalchhawnzova 

(President) leh Pu Lalhmingmawia (Secretary) te hnenah pek luh tur a ni. 

Tin, kuang siam hman lo khawpa inphum ngai emaw, an khua lama phurh haw 

ngai emaw an nih chuan a hmang duh apiang tan hman theih a ni a, mitthi kuang 

pakhatah Ks.20000/- (Singhnih)-a lei theih a ni. 

Tin, Zawlbuk rawngbawlna ngai pawimawhtute hnen atang leh kohhran hrang 

hrang (nuho) atang sum leh paia tanpuina kan dawng fo va, kan lawm tak meuh 

meuh a ni. Oxygen bur hi dam lo mamawhtuten damdawi inah emaw, mahni inah 

emaw a thlawnin a hman theih reng a ni. Zawlbuk 

tana sum petu zawng zawng leh oxygen bur petu 

zawng zawngte hnenah thinlung takin lawmthu 

kan sawi a, Lalpan a tharin malsawm zel che u 

rawh se. 

Hre chiang duh leh ngaihven duhte tan: 

Lalchhawnzova 

President 

Zawlbuk Tlawmngai Pawl 

Ph: 400309183 

Baibul Skul Kal Turte Tan 

UNION BIBLICAL SEMINARY (YANGON) 

UBS hian mi 340 te hnenah degree hrang hrang a hlan tawh. 

Kai duhte tan: 

1. Kum 2012-13 Academic year tan zirlai 50 vel chauh lain sikul hawn chhunzawm leh tur a ni. 

2. Kum dang ang lo deuhvin Tawngtai leh Bible chang by-heart hmanga thlarau lam nun tihchak 

tum a ni. 

3. Kum khat chhungah Bible chang a tlemna berah 100 vel tal an thiam a ngai ang a, UBS-ah 

chuan tawngtaina khup ngawt lo chuan degree an la thei lo vang. 

4. Rawngbawlnaa tui mi te, saptawng thiam leh zai thiamte duhsak an ni ang. 

5. Matric Passed leh failed te tan B.Th., Degree nei tawhte tan M.A. or M.Div. te a zir theih reng e. 

6. Entrance exam a awm ang. Sikul fee leh tul zawng zawng kum khat tan Ks. 100,000 a ni. Kum 

2012 June 1-ah UBS hawn a ni leh ang. 

Dean, UBS Yangon 

Phone: 095071877; 0949321393; 01-638306


1991 NOBel PRize hlaN iNkhaWm aNG 

BuaTSaih lehiN DaW auNG SaN Suu kYi 

aN lO laWm DaWN 

June thla lo awm turah Daw Aung 

San Suu Kyi hian Norway-a zin 

a tum a. Norway ram chuan Oslo 

khawpuiah 1991 kum Nobel Prize 

hlan inkhawmna ang chiah buatsaih 

lehin ropui taka lo lawm a tum 

thu Nobel Committee puipa pakhatin 

April 1 khan a sawi a ni awm e. 

"Aung San Suu Kyi hi ram 

pawna a vawi khat zin chhuahna 

tur a ni a, Norway ram a tlawh thei 

tur hi kan inchhuang tak zet a ni. 

Amah lawmna inkhawmah hian 

Nobel Prize thuchah a sawi dawn 

a ni," tiin chu puipa chuan NRK2 

Norway TV Programme-ah a sawi. 

Chu inkhawm chu June hapta 

thumna vela neih a beiseiawm a, 

Norway lal leh lal chhungkua te an 

tel ngei ang a, international khual 

leh Nobel Prize dawng tawhte pawh 

an tel hlawm ngei a beiseiawm a ni. 

He inkhawm, Daw Aung San Suu 

Kyi-i tan liau liaua buatsaihah hian 

zai leh rimawi te pawh ngaithlak 

tur a awm ang. Hei bakah Oslo leh 

Bergen program te pawh a tel. 

Hetianga mimal tana a hran 

taka inkhawm buatsaih nawn hi thil 

awm ngai lo a ni. 1991-a ama ina 

tang Myanmar Democracy hruaitu 

Daw Aung San Suu Kyi, 'Nobel 

Peace Prize' an hlan pawh kha Nobel 

Prize history-a la awm ngai lo 

a ni bawk. Tang mek hnenah an la 

hlan ngai lo. Amah a kal theih loh 

avangin a pasal Michael Eris leh 

a faten chawimawina chu an va 

dawng a nih kha. 

1994-a a tan lai khan Ameri- 

domeStiC digeSt 

can Congress-man Bill Richardson 

hnenah Daw Aung San Suu Kyi 

khan, "Norway ram hi Myanmar democracy 

tana theih tawp chhuaha 

pui thintu a ni a. Remchangah ram 

pawn ka chhuah theih chuan Norway 

ram hi ka tlawh hmasa ang," a 

lo ti tawh a ni. Tun hi 1998 atanga 

kum 24 chhunga a vawi khat ram 

pawn chhuahna tur a ni. 

Alfred Nobel-a'n 1895-a a 

thurochhiaa a ziak ang ngeiin 1901 

atangin Physics, Chemistry, Phy- 

siology emaw Medicine emaw, 

Literature leh Peace (remna leh 

muanna) chawimawina te hi hlan 

tan a ni. 

Nobel Peace Prize dang zawng 

chu Stockholm-a hlan thin a ni 

thung. Prize zawng zawngah Nobel 

Peace Prize hi a zahawm bera 

ngaih a ni. He prize dawngtu tur hi 

Norwegian Nobel Committee-in a 

thlang thin. 

Nobel Prize in Physics, Nobel 

Prize in Chemistry leh Nobel Memorial 

Prize in Economic Sciences 

te hi Royal Swedish Academy 

of Science-in a hlan thung. Nobel 

Prize in Physiology or Medicine erawh 

chu Karolinska Institute-a 'Nobel 

Assembly'-in a hlan a ni. 'Nobel 

Prize in Literature' chu 'Swedish 

Academy'-in a pek a ni ve leh bawk. 

Heng Nobel Prize-te hian gold 

medal, diploma leh sum a keng tel 

a, an pek kuma Nobel Foundation 

sum dinhmun azira a zat tur tuk thin 

a ni. 2011 khan Prize pakhatin USD 

mtd 1.6 a keng a ni awm e.n 

axmufyHhaMu; avQmufxm;vdkolrsm;twGuf 

ေဆးဘက္ဆိုင္ရာကၽြမ္းက်င္ 

(Medical Techonology) 

သင္တန္းတက္ေရာက္သူ/မည့္သူမ်ားအတြက္ 

၀ယ္စလီေဆး႐ံုမွ 

သင္တန္းေထာက္ပံ့ေၾကးကို 

ေလွ်ာက္ထားႏိုင္ေၾကာင္း 

သတင္းေကာင္းပါးလိုက္ပါသည္။ 

အေသးစိတ္သိရွိလုိပါက 

လူကိုယ္တိုင္ျဖစ္ေစ 

တယ္လီဖုန္းနံပါတ္ (၀၇၃-၂၂၇၇၉၊ ၀၇၃-၂၁၂၈၃၊ ၀၇၃-၂၂၀၂၄) သို႔ျဖစ္ေစ 

ဆက္သြယ္ ေမးျမန္းႏိုင္ပါသည္။ 

ameRiCa PReSiDeNT 

BaRaCk OBama ChuaN 

kaN Ramah uS Sum- 

DaWNGTuTe luh PhalSak 

May 17 khan America Company tam 

tak chu kan rama luh phalna an neih 

tak thu Obama chuan a sawi a. Kum 

22 chhunga America Ambassador 

hmasa ber ni turin Derek Mitchell 

chu ruat a ni a. Hei hi kan ram inthlak 

danglamna rah chhuah a ni. 

Derek Mitchell hi US ram Senatein 

a nemngheh phawt a la tul. US-a 

kan ram Ambassador atan U Than 

Swe dah a nih tur thu pawh kan ram 

Foreign Minister U Wunna Maung 

Lwin chuan a sawi ve bawk. America 

hotute chuan an ram mi, economics 

lam buaipuitute chu kan rama luh a 

phalsak tawh a. "Hei hi hmasawnna 

duhawm tak a ni. Ram pahnih inkarah 

insumdawn tawnna tha zawk a 

lo piang ang a, hei hian ram hmasawnna 

duhtute a tanpui a ni nghal 

ang," tiin America mi, an hotu pakhat 

chuan a sawi. 

US President Obama chuan 

Myanmar ram insiam thatna kal zel 

atan hrekna dan thenkhat chu kalpui 

zel a ni ang a ti a. May 17-a Washington 

khawpuia Clinton-i leh U Wunna 

Maung Lwin te inkawmnaah Clinton 

chuan Politics avanga lung in tangte 

chhuah zalen turin kan ram hruaitute 

chu a ngen nawn leh bawk. U Wunna 

Maung Lwin pawn a hun taka chhuah 

zalen an tum thuin a chhang a ni 

awm e. n 

Ram DaNGa khaWSa kaN 

Ram miTe kaN Rama lO 

kiR leh TuRiN PReSiDeNTiN 

a SaWm 

11.5.2012 ni khan President office-ah 

kan rama hmasawnna (economics 

lamah) a thlen theih dan tur sawihona 

hun hman a ni a. Hetah hian kan 

ram president chuan thuchah a sawi 

a. A thuchahah chuan chhan hrang 

hrang avanga ram danga kal chhuak 

kan ram mite chu englai pawha ramin 

a welcome reng thu a sawi chhuak 

a. Tun hi ram insiam that hun a ni a, 

hmun dang danga mi thiam khawsate 

chu ram hmasawnna atan Myanmara 

lo kir leh turin a sawm a ni. 

Ward leh village awptute leh 

mipuite indawr chungchangah tha 

leh dik taka indawr a tul tawh thu 

te, eirukna leh inthamna thuah pawh 

I harsatna kan pui thei reng che 


dik lo taka chet a hun tawh loh thu te, 

Reform Strategy buatsaihnaah ram 

puma hmasawnna a thlen theih nan 

May thla ral hmaa tih dan tur theuh 

puan chhuah a tul thu a sawi a. Least 

Developing Country (LDC) dinhmun 

atanga tal chhuah dan tha ber chu 

dik taka dan zawm a ni a, tunah hian 

policy tha tak duan chhuah a ni tawh 

a, policy tha mah se, mihring kan that 

loh chuan a hlawhtlin theih loh va, 

hun liam taa policy hlui la vuan nghet 

burtute chu kan kalsan a tul thu te, 

hun thara kan chuankai tawh avangin 

economics thuah pawh a dik thei 

ang bera kal a tul thu president hian 

a sawi a ni.n 

TaiWaN-a aWm hTC COmPa- 

NY CeO Chu a PiaNNa khua 

maNDalaY-ah lO ziN 

Taiwan rama awm HTC Company 

CEO Peter Chou (Kawl tawnga a 

hming chu U Win Than) chu a pianna 

khua Mandalay-ah lo zinin a pianna 

khuaa mite nen inhmuh khawmna an 

buatsaih. 

He inhmuhkhawmna hi Mandalay-a 

Computer lam hruaitute buatsaih 

a ni. He inhmuhkhawmnaah hian 

Mobile phone lama lar em em HTC 

Company CEO Peter Chou chuan a 

naupan laia hun a hman dante a sawi 

chhuak a. HTC Company history tlem 

a sawi bawk. 

U Win Than hi kan rama piang 

China hnam a ni a. Mandalay-a a awm 

laiin KMD dintu U Thaung Tin, MC PA 

(Mandalay) hruaitu hlun U Thein Htut 

te nen college an kaiho thin a, college 

kum 2-na a zir zawhah Taiwan 

ramah hian a awm ta a ni. Mandalaya 

a awm lai hian Radio chhe siamna 

dawr pawh a lo hawng tawh thin. 

Taiwan-a a luh hnu hian a hna tui 

zawng tak Electronic designer hna 

a thawk a, khawvela Mini Computer 

lian ber dawttu siam chhuaktu Digital-ah 

Computer System Architect 

design ziaktu hna kum 4 chhung a 

thawk leh a. 

Kum 1997 khan mi pathumin tuna 

HTC hi an din ta a, kum 2004-ah 

CEO-ah a kai ta a ni. Ani hi May 12 

khan Mandalay a rawn lut a, May 16 

khan Nay Pyi Taw-ah a kal a, Yangon 

te pawh a tlawh kual, Mandalay-a a 

cham chhung hian a chhung khat 

lainate leh thenrual thate a kawm 

bawk.n 

u hRaNG NaWN kaP (uyfoJ) 

လွ်ပ္စစ္ ကၽြမ္းက်င္မႈအဆင့္-၂ 

(ဒု/၃၂၄) 

အစိုးရအသိမွတ္ျပဳ 

Electirc, Battery, Solar vuah (fit) leh (a tha lut tlem) 

ti ang chi kan siamsak thei reng e. 

ဆက္သြယ္ရန္ 

tvif;opf 

လွ်ပ္စစ္ပစၥည္း၊ ဘကၳရီ၊ TV မ်ိဳးစံု 

ေရာင္း၀ယ္ေရး 

ပန္းသီးတိုက္မ်က္ေစာင္းထိုး၊ 

ကိမ္းတိုက္ 

ေဆးဆိုင္အနီး 

ဗိုလ္ခ်ဳပ္လမ္း၊ 

တာဟန္း၊ ကေလးျမိဳ႕။ Tel.09400464974

16 | TAHANTIMES politics 31 May 2012 Thursday | Vol.1 No.23 

INDIA pRIME MINISTER DR MANMOHAN SINGH LEH A THIANNu 

President U Thein Sein leh a thiannu 

sawmna ngai pawimawhin India 

Prime Minister Dr Manmohan Singh 

leh a thiannute chu ram pahnihte 

inkawmngeih zual nan Myanmar-ah 

an rawn zin a, May 27 tlai dar 6:45 

khan Special Flight-in Nay Pyi Taw 

International Airport an lo thleng. 

India Prime Minister leh a thiannute 

chu Foreign Ministry Union 

Minister U Wunna Maung Lwin leh a 

thiannu te, mawhphurhna nei mi dangte 

leh Indian Embassy-a thawktuten 

an lo hmuak hlawm a, Shwe Nandaw 

hotel an panpui nghal a ni tiin Myanmar 

Radio and Television atanga thu 

dawn a ni. 

India Prime Minister Dr Manmohan 

Singh hi May 27 atang 29 thleng 

Myanmar-ah a cham ang. May 28ah 

President U Thein Sein nen an 

inkawm ang. May 29-ah NLD Party 

President, Pyithu Hluttaw palai, Daw 

Aung San Suu Kyi nen an inhmu 

bawk ang. 

India Prime Minister Rajiv Ghandi 

kha 1987 khan Myanmar-ah a 

rawn zin tawh a. Khami hnu-ah Dr 

Manmohan Singh hi Prime Minister 

lo kal hmasa ber a ni. 

India Prime Minister lo zin hian 

Myanmar-in India laka leiba a neih 

USD mtd 500 chuang hi a rulh hun 

tur a sawn hlatsak dawn ni awmin 

The Indian Express chanchinbu 

chuan a tarlang. Heng bakah Manipur 

khawpui Imphal leh Mandalay 

inkar Bus Service thu te, Myanmarah 

India Bank branch office hawn 

thu te pawh rawtna a siam dawn ni 

awm takin chanchinbu te chuan an 

tarlang. 

Thil dang, (border trade) ramri insumdawn 

tawnna hawn thar thu te, 

Myanmar ram chhungah Hta-man-ti 

leh Shwe-zar-yi hydel project bawhzui 

thu, Tamu-Kalewa-Kambo kawnga 

lei 76 cheibawl that thu te leh Myanmar 

leh India sumdawn tawnna 

atana tangkai tak tur The Union Bank 

of India leh Bank of India branch office 

hawn thu te a tel bawk ang. 

India sawrkar hian tunah hian 

Imphala Raj Bhavan leh Mandalay 

inkar, Thawhtan ni apianga Bus Service 

tir turin ruahmanna an siam mek 

a, a kawng tur pawh an thlang tawh 

ni awm tak a ni. India lam kawng 

chu a fur a thalin a kal theih reng a, 

Myanmar lam kawng hmun thuma 

then hmun khat chu thal lai chauha 

mawtawr kal theihna a nih avangin 

Myanmar lama Monywa-Kalewa 

inkar kawng bik chu India lamin siam 

that hna thawk turin a inngaihtuah 

mek a ni. 

'News Track India' chanchinbu-in 

May 26 nia a sawi danin Prime Minister 

cham chhung ngei hian inhriatthiamna 

lehkha (MoU) an ziah tlan 

Heng a hnuai lam a hna te a awm e... 

MALAYSIA 

Mamawh zat Hlawh Zat [Nikhat] 

1. Construction workers... 15 (Mipa) 35 RM + OT 

(Note 450000Ks. thun a thlahlawh cut in kan kal tir thei e...) 

2. Factory workers 10 (Mipa) 21 RM + OT 

3. Electronic workers 5 (Hmeichhia) 21 RM + OT 

theih ngei a beiseiawm hle a ni tiin 

India Foreign Ministry-a thuneitu pakhat 

chuan a sawi. 

Myanmar-ah hian India bul tumin 

Hta-man-ti Hydro Project leh Kaladan 

lui Multi Modal Transit Transport 

Project te a awm a, heng project 

te hi ram tana tangkai tak tak a nih 

mipuiten an beisei. 

Chindwin luia Hta-man-ti hydel 

project hi Ministry of Electric Power 

(1) leh India National Hydroelectric 

Power Corporation Limited (NHPC) 

ten 2008 September 19 khan lungrualin 

thu an thlung a. He project 

hi electric tha megawatt 1200 siam 

chhuah theihna tur a ni. 

Tunah tak hian Chindwin lui hnar 

lamah ram ngawte a chereu a, lei 

hnuai khur chhuak an laih nasat 

vangin leh lui kuang humhalhna a 

that tawk loh vangin lui luan dan te 

a inthlak danglam zo va, lui tuite a 

tlem phah a, lui dunga khawsa, luia 

ei zawngte nunphung a khawih pawi 

zel an hlau ru hle a ni awm e. 

Hta-man-ti hydel project hi Naga 

bial laili-a awm a ni a, he project 

vang hian mi 45,000 lai insawn a tul 

phah mai thei a ni. 

Kaladan Multi-Modal Transit 

Transport Project pawh hi India sawrkar 

leh Myanmar sawrkar te tangrualin 

2009 atanga tanin hmalak mek 

a ni. He project tan hian ram 196.75 

APEX CHIN DWIN 

Contact to... 

Apex Chin Dwin Service Co.Ltd (Lic. 1783 /2011-2012) 

Ph. 095105071 / 0973173910 

hector sam fai vek a ngai a, mi sang 

tam tak awm hmun sawnsak an ni 

leh ngei bawk ang. Kaladan Project 

hi India sawrkar chuan 2013-a zawh 

fel a beisei a, USD mtd 120 chuang 

senna tur a ni awm a. Project hi 'Essa 

Company'-in mawh la-in a thawk a ni 

awm e. 

Sittwe khawtual pa pakhat 

chuan, "He project hi kan kalh chu 

a ni hran lo. Amaherawh chu helai 

rama mite hian project chanchin hi 

a mik a mak kan hre lo lutuk a. Kan 

tana a thathnem dan tur emaw, a 

pawi dan tur emaw, a enga mah kan 

hre lo a ni. Kan hamthatna lai ve tur 

hriat a chakawm hle mai," a ti vawng 

vawng a. 

Engpawh ni se heng Htamanti 

hydel project rah lo chhuak tur electric 

tha te hi a siamtu ram (India)-in 

thahnem tawk tak a hui (lei) lehnghal 

ang a, a kuangbang zut tur tlem chu 

a awm thei ngei ang. 

Kaladan Project pawh hi ram 

pahnih insumdawn tawnna kawng 

thar turte a ni na a, hmalakna a 

zawiawi ang reng a. 

Dr Manmohan Singh Myanmara 

lo zin hian ram inthenawm te 

inkawmngeih chungchangah te, intanpuina 

kawngah te leh sumdawn 

tawnna lamah te hmasawnna tha tak 

a thlen ngei dawn a, thil lawmawm 

tak a ni.n 

SINGAPORE 

Mamawh zat Hlawh Zat [thla khat] 

1. Driver (S Pass) 5 (Mipa) 1500 S$ 

(Note .Sorkhar Degree leh Motor khalt License nei tawh tan chauh) 

2. Cleaning Service (S Pass) 5 (Mipa/Hmeichhia) 1500 S$ + OT 

(Note. Sorkhar Degree Ngah tawh tan chauh a ni) 

3. Cashier 3 (Hmeichhia) 1500 S$ 

(Note. Sorkhar Degree+ LCCI level 3 ngah tawh tan chauh a ni) 

A.G.T.I / B Tech / B.E la tawh tan pawh hna kan zawn sak thei reng e...


aleXaNDRa BuRke NeNa 

aN iNBaNSaN aVaNGiN 

JeRmaiN DeFOe Chu luNG leNG hle 

Football season tawp an hmanna party-ah Jermain Defoe 

chu a hlim lo viau niin an ngai. Spurs striker Defoe (kum 29) 

hi Movida nightclub-ah footballer Emmanuel Adebayor leh 

rapper 50 cent te nen an awmho a. X Factor winner Alexandra 

Burke nen an inbansan avang nge ni Defoe chu a hmel 

a hlim lem lo hle niin an sawi. 

Alex (kum 23) hi Defoe hian vawi 2-3 lai a bum tawh 

niin an tarlang a, an inbansan ta a ni. Defoe hi model Laura 

Brown (kum 23) nen an lo hirha deuh a ni mahna. Alex 

chu a rilru a na hle a, mahse pangngai taka nun hman a 

tum. Thil chu a liam vek tawh. Defoe chu ngaihdam a duh, 

mahse amaha khawsak a thlang zawk niin an tarlang. Defoe 

hi Kirsty (kum 26) nen pawh nuam an lo chen dun niin thu a 

thang nasa hle bawk. He nu hi sex hmanpui atan Defoe hian 

a lo sawm ni awm tak a ni. Kirsty chuan, "Defoe tan ka inhlan 

a, heti anga kan awm dun hi ka at vang niin ka ngai," a ti.n 

laS VeGaS NiGhT CluB-ah ziNG lam DaR 3 ThleNG 

ROONeY-aN Nuam TaWl 

Thal chawlh hmang mek Rooney te nupa chu America ram Las Vegas-ah hun an 

hmang mek a. A nupui mutthilh hlanin hmeichhe sexy tak takte nen night club-ah 

Rooney chuan nuam a lo chen ni awm tak a ni. 

A dik tak chuan he nu nen hian a tir ata an lo lam dun a, a rukin an lo ti ti a, zu 

te an lo in dun daih tawh. Club-a pawisa khelhnaa inchhar an ni nghe nghe. Night 

Club hmangtu zinga pakhat chuan, 'Zing dar 1 vel atang khan Rooney te hi pawisa 

khelhnaah an intawng a. Chu hmeichhe bula awm chu Rooney hian nuam a tih 

hmel khawp mai. Hmeichheho zinga awm chu nuam a ti hle a ni ang, zing lam dar 

3 velah chauh a haw leh a ni," a ti. 

Rooney hian a nupui bakah a fapa pawh Las Vegas-ah hian a hruai tel a, Euro 

2012 tan hmain chawlh laiin Las Vegas-ah hian an zin a ni. Heti anga Party girl 

nena nuam an tawl lai hian Rooney nupui chu a fapa nen an lo chawl hahdam ve 

thung a ni.n 

JaVeliN khaWh Thiam PaRaGuaY Nula 

London Olympics-ah a khawh tha ngei ang. Javelin (fei 

khawh) thiam lanu hmeltha Leryn Franco chuan Olympic 

Games tana a inpuahchahnate chawlhsan rih lawkin bikini 

var inbelin nilum a ai rih a ni awm e. Kum 29 a ni a, national 

champion a ni. 2006-ah Miss Paraguay contest-ah runner up 

a ni pha a. 'Bronze' chauh hlawh thin Leryn hi 'gold' hmu tur 

chuan beisei a kai lem lo. 2008 Beijing Olympics-ah khan 51na 

a nih kha! Mahse a fan-te chuan kumin chu 'podium'-ah a 

chuankai ve an beisei hle a ni. n 


euRO 2012 

Fri 8 June 2012 

Poland 10:30 Greece 

sat 9 June 2012 

Russia 1:15 Czech 

Netherlands 10:30 Denmark 

sun 10 June 2012 

Germany 1:15 Portugal 

Spain 10:30 Italy 

Mon 11 June 2012 

Ireland 1:15 Croatia 

France 10:30 England 

Tue 12 June 2012 

Ukraine 1:15 Sweden 

West Brom 10:30 Czech 

Wed 13 June 2012 

Poland 1:15 Russia 

Denmark 10:30 Portugal 

Thu 14 June 2012 

Netherlands 1:15 Germany 

Italy 10:30 Croatia 

Fri 15 June 2012 

Spain 1:15 Ireland 

Sweden 10:30 England 

sat 16 June 2012 

Ukraine 1:15 Russia 

Chief editor 

Ni Lian Sang-a 

editorS 

F. Lalbiakmawia 

Zalianthanga 

C. Zaithankhuma 

MeMberS 

Sapselthanga The Rengs 

Lalengkima Laldinthari 

Zothankhuma Lalhruaithangi 

PatronS 

Lalsawmliana [LPS-Mizoram] 

Vanlal Zawma [UAE] 

B. Zarzoliana [Malaysia] 

Vanlal Dika [Canada] 

Pachhunga [Yangon] 

Vanlawmsanga [Germany] 

Lalrinsanga [Mandalay] 

Lalremsanga [Australia] 

Zoramchhana [Singapore] 

Lallawmthara [New Zealand] 

Hriselna leh tui thianghlim i mamawh a nih chuan သမာဓိ rawn pan mai rawh. 

့ 

့ 

• ေခတ္မီစက္ယႏ ၱယား(၀ါးတားဂ်က္)မ်ား အသံုးျပဳျခင္း 

• ျမန္ဆန္ လိုအပ္သည္ 

(ေပ၊ လကၼ) ရရွိျခင္း 

• ေရဘံုဘိုင္၊ 

ေရေမာ္တာစသည္ အသံုးေဆာင္မ်ား 

တပ္ဆင္ေပးျခင္း 

• အခက္အခဲမ်ား တာ၀န္ယူေဆာင္ရြက္ျခင္း၊ ေစ်းႏႈန္းခ်ိဳသာျခင္း 

TZR ေဘာ္ဒါေဆာင္အေရွ႕၊ အလွၾကြယ္ Beauty Salon၊ တာဟန္း။ Tel. 09-400457749

18 | TAHANTIMES soccer sport 31 May 2012 Thursday | Vol.1 No.23 

euRO 2012 maTCh TiNa Chak zaWk TuR Chu 

VaWk DaNGlam Deuh PakhaTiN RiNG (PuaNG) 

ThiN DaWN 

Kum 2010 World Cup-ah khan a chak zawk tur leh chak lo zawk tur kha Octopus 

(Paul) khan a lo hre lawk thei riau mai a. Kumin Euro result tur pawh 

vawk pakhatin a result tur a lo ring lawk thin dawn a ni. He vawk hi Ukraine 

rama mi a ni a. Football lam thuah thil eng emaw hriat theih riau mai a nei 

ni awm tak a ni. He vawk danglam tak hian Euro 2012 football match result 

a lo ring lawk thin dawn niin Ukraine rama Kiev khaw hotuten an sawi. 

Magdalena an tih lu hnih nei satel chuan Slovekia rama an buatsaih vura 

Hokey an khelha (World Cup) Champion tur pawh dik takin a lo ring dik tawh 

bawk. Germany rama awm Heidi an tih sanaupua te chi pakhat pawhin kum 

2012-a Oscar dawng turte a lo ring dik tawh bawk.n 

RuahiN iTaliaN OPeN TeNNiS TiBuai 

Italian Open Tennis final chu 

Novak Djokovic leh Rafael Nadal 

ten an khel a, an khelh laia 

ruah a sur tak avangin inkhelh 

chu chawlhtir a ni a, fan-ho 

thinrim chuan plastic umtein 

an inkhelhna hmun chu an 

vawm vel ni awm tak a ni. An 

inkhelhna hi Foro Itaico's stadium 

a ni nghe nghe. Tournament 

director Sergio Palmieri 

chuan match chu a hun sawn 

a nih thu a puang. 

Nu sang leh hmel tha Maria Sharapova chuan Roland Garros-ah Li Na 

chu hnehin pakhatna a ni a. Ni kum French Open Champion Li Na nena final 

an khelh chhung hi a rei hle a, Sharapova chuan 4-6, 6-4, 7-6-in a hneh ta a 

ni. Pakhatna la hian US dollar 350,000 an dawng a, pahnihna hian pakhatna 

dawn zatve vel an dawng bawk.n 

DaViD haYe leh ChiSORa TeN heaVYWeiGhT 

kaWNGhReN aN iNChuh DaWN 

Khawvela boxer lar David Haye leh Dereck Chisora te chu 2012 July 14 khian 

London khawpui Upton Park-ah heavy weight champion kawnghren lian 

chu inchuhin an inbei dawn. 

He British heavy weight boxer te pahnih hi Munich khawpuia Vitali 

Klitschko-an Chisora a hnek hneh tuma insualnaa tel ve ve te kha an ni 

a. Khatia an insual kha British Boxing Board of Control khan an chungthu 

engmah a ngaihtuah chuang lo. Tichuan tun July thla lo awm turah hian British 

heavyweight champion inchuhin an inhmachhawn dawn a. David Haye 

hi Germany ram Humberg khuaah WBA kawnghren inchuhin Wladimir nen 

an inbei a, a tlawm zawk a, nikum October thla atang khan boxing khawvel 

atangin a chawl ta rih kha a ni a. Tunah hian boxing ring chhungah a zuang 

lut leh dawn ta a ni.n 

KUM 2012 UEFA CHAMpIONS LEAGUE-AH 

A VAWI KHATNA ATAN CHELSEA CHAMpION 

Kan hriat theuh tawh angin Ram hrang hranga club inkhelhna sang bera 

champion leh an hnuaia club-te inkhelhna champions league hi a ropui hle 

a. Mite ngaihven em em a ni. Kum 2012 champions league final chu May 

19 khan Germany ram khuaa Allianz Arena stadium-ah Bayern Munich 

Club leh Chelsea Club-ten an khel a, pelnaty shoot-ah Chelsea-in an hneh 

a, a vawi khatna atan an Champion ta a ni. Minute 90 chhungin goal 1 ve 

ve-in an inhneh tawk a. Extra-time minute 30 an khelh leh hnuah pawh an 

la indraw zel avangin penalty an pet ta a, Chelsea chuan 4-3-in a hneh ta 

a ni. Bayern Munich hian an home-a an khelh avangin Chelsea lamah an 

nawr nasa thei hle a. Chelsea chuan defensive tak takin an khel a ni ber 

mai. Mahse Bayern Munich lamin goal an thun lut thei bik lo. Chelsea lamah 

Lampard, Michael leh Drogba-ten an khel tha a. Chelsea goal keeper pawh 

a che tha thei hle. Chelsea defender Louise chu foul ngun hle mahse, 

Cahill-a nen an inkawp fuh hle. Bayern Munich lamin Ribery chu an chhawr 

hle a, Robin leh Muller–ate an che kual deuh sek bawk. Minute 83-ah Bayern 

Munich tan Muller–an a head lut ta. Mahse Minute 88-ah Corner an 

rawn kick chu Drogba-an a head goal ve leh. Extra time minute 5-ah Bayern 

lamin penalty an hmu a, Robin-an a thun goal ta tlat lo. Penalty an kick a, 

Chelsea an champion ta. Nakum Champions League-ah an tling sa ta a, 

Premier League-a palina Spurs chu Europa League chauh an khel pha ta 

a ni.n 

maNCheSTeR CiTY-a PlaYeR PahNih kuTa BeNG, 

hNek BaWkTu JOeY BaRTON Chu Fa ChuaN 

maTCh 12 Tel Thei lO TuRiN a hRem 

QPR team player Joey Barton chu 

tun Premier League match hnuhnung 

bera Manchester nen an inhmachhawn 

tum khan Man City player Tevez 

leh Aguero te chu kut hnung lamin a 

ben ve ve bakah a hnek bawk avangin 

inkhelh lai la laa red card hmuh a nih 

bakah England Football Association 

chuan record siam hialin match 12 

khelh a khapsak hmiah bawk. 

Chuvangin QPR team chuan team Captain Joey Barton chu, a player 

list theh luh tur (25) zing atangin chawh reh tur a ni phawt dawn a, season 

lo awm tura Premier League-ah a hmel kan hmuh hmel ta loh a ni. Reserve 

team velah a infiam mai mai dawn niin a lang. 

QPR neitupa pawhin Joey Barton chet dan mawi lo leh zahpuiawm tak 

chu club chhungah chik lehzuala zawt fiah turin a ti a ni awm e. QPR leh 

Barton te contract hi kum 4 lai a la awh dawn a, kum khata Pound mtd 4 

senna tur a ni si a, engtia tih tur nge an ngaihtuah mek a ni. 

QPR coach Marc Bircham lah chuan Barton hmel hi field-ah a hmu duh 

tawh lo a ni awm e. Mahse 'kum khat chhungin team hniha insawn theih loh' 

tih dan a awm a, Barton tan chuan January lo awm leh tur hmain khawiah 

mah a pakai theih dawn loh a ni. Tin, kartin Pound 75,000 Barton pek ziah 

chu tuman an chak lo. Barton hi nikum August thla khan New Castle atanga 

a thlawna rawn pakai tawp a ni awm e. n

12 May 2012 Saturday | Vol.1 No.22 

Tel: 21262, 0949239735, 094004574477 

advertisement 

tdrfaqmufypönf;a&mif;0,fa&; 

at;csrf;rIESifh &omaumif;wdkY pkpnf;&m 

uaz; ႏွင့္ 

tat;qdkif 

Customer rsm; pdwfwdkif;us rSm,lEdkifygonf/ 

အလွဴ၊ မဂၤလာေဆာင္မ်ားအတြက္ ေအာ္ဒါမ်ားလက္ခံသည္။ 

ု 

a&cJrkefY ေကာ္ဖီေအး 

ႏွင္းပုလဲ သီးစံုေဖ်ာ္ရည္ 

ဘလူးဘယ္ရီ ႀကံရည္ 

စေတာ္ဘယ္ရီ စပ်စ္ 

ပိန္းဥ စေတာ္ဘယ္ရီ 

ေခ်ာကလက္ ေပါင္မုန္႔ေရခဲညွပ္ 

tat; rpf½Idwf 

ဒိန္ခ်ဥ္ စေတာ္ဘယ္ရီ 

ဖလူဒါ ပိန္းဥ 

ဒိုမီႏိ 

သခြား 

ေထာပတ္ လိေမၼာ္ 

သံပုရာ ဘလူးဘယ္ရီ 

နာနတ္ ေခ်ာကလက္ 

သေဘၤာ 

ဖရဲ pm;p&m 

သေဘၤာသံပုရာ ေက်ာက္ပြင့္သုပ္ 

ေရႊရင္ေအး ေက်ာက္ပြင့္သုပ္ 

BIKE SALES & SERVICE 


In sakna bungraw chi hrang hrang, Rangva (Plain sheet/ေျပာင္သြပ္ feet 6 atang feet 12 thleng) Perek chi kim, 

Cement (Triple A/Aသသံုးလံုးသa 

buk tling), Thirtlawn (နန္းႀကိဳး), Chinai (ေရႊေတာင္ထံုး၊ 

ကေလးထံုး), 

Rangva kilhna (Washer telin) te 

a rate dik takin kan zuar reng e. 

Duhsak taka min rawn dawr ve turin mi zawng zawng kan ngen a che u. 

ADDRESS: 

Pu Thangdailova & Pi Zarzoliani 

အိမ္နံပါတ္ ၃/၁၉၊ ဗိုလ္ခ်ဳပ္လမ္း၊ 

စမ္းၿမိဳ႕ဘုန္းႀကီးေက်ာင္းေရွ႕ 

စမ္းၿမိဳ႕ရပ္ကြက္၊ ကေလးၿမိဳ႕။ Ph: 073-21451 

Cherry Maung Soe + Sayama Ringi 

Hei le! Kan mi leh sate rinchhanin “Bike” thar tha, “Che Koung” (Mu,facgifxkwf) packing ngat 

tlawm takin kan zuar ve ta. 

Duhsaka min rawn dawrtute hnenah present eng emaw pek zel in ni ang. 

Tlawmngaia rawn kawhhmuh emaw, a lei tur rawn hruaitute tan pawh lawmman (yGJc) 

buatsaihsak in ni ang. 

တံတားဦးအနီး၊ျမသီတာကုန္စံုဆိုင္ေဘး၊ဗုိလ္ခ်ဳပ္လမ္း၊ကေလးၿမိဳ႕။ဖံုး-၂၁၈၃၈၊၀၉-၄၇၀၇၃၅၆၂၊၀၉-၆၄၇၂၈၄၈ 

Ta Da Oo kiang, Sky Net dawr bul, Bogyoke Street, Pinlong, Kalaymyo. 

Tel: 073-21838, 09-47073562, 09-6472848 

ခါခ်က္ဥသုပ္ 

ခရမ္းခ်ဥ္သီးသုပ္ 

ၾကက္သားသုပ္ 

၀က္သားသုပ္ 

ျမင္းခြာရြက္သုပ္ 

သေဘၤာသီးေထာင္း 

ဖက္ထုပ္ေၾကာ္ 

ဖက္ထုပ္ေပါင္း 

ၾကက္ဥပူတင္း 

မုန္႔ဟင္းခါး 

မႏၱေလးနန္းႀကီးသုပ္ 

ေခါက္ဆြဲသုပ္ 

သွ်မ္းေခါက္ဆြဲ 

ေျမအုိးၿမွီးရွည္ 

ထမင္းဆီဆမ္း 

ထမင္းေၾကာ္ 

Coffee မ်ိဳးစုံႏွင့္ 

မုန္႔မ်ဳိးစံု 

လိပ္စာ - အိမ္အမွတ္ ၂/၂၉ ဗိ ုလ္ခ်ဳပ္လမ္း၊ စမ္းၿမိဳ႕ ဘုန္းႀကီးေက်ာင္းေရွ႕

South Korea President Lee Myung-bak kan ram ah... India ... - Zoin.Info

You also want an ePaper? Increase the reach of your titles

Delete template?

Save as template?