Flavious Josephus sample.pdf - Kristian Thalai

|HEN KHATNA
JUDATE HMASANG CHANCHIN
(Jewish Antiquities)
BUNG 1
THIL |OBULTE
Hmasang chanchin ziaktuten chhan leh tum hrang
hrang neiin an ziak \hin a. He lehkhabu hi ka lehkha ziak
thiamzia lantirna atan te, hmingthan nan te emaw mi
thiltitheite tihlawm nan emawa ziak a ni lova, he lehkhabu
chhunga thil thlengte mita hmu vetu ka nihna azarah,
thudik dâwta chantir a, thil pawimawh chinchang hre lote
laka thang\hat lak tumte hnial dan hi ka ziah chhan a ni.
He bu hian kan hnam chanchin pum pui - Judate
lo in\an dan, vanneihna an dawn thu te, dan siamtu ropui,
\hatna leh sakhaw ngaihsak dan zirtirtu chanchin te leh
Rom-ho nen indona hnuhnung leh tawp ber an beih hma
kum tam tak chhung an indona zawng zawng thute a
huam vek a ni. Kan thusawi tum hian a huap zau em
avangin a hnuhnung lam chu a bu hranin “Indona” tih
hming puin ka ziak a ni. He lehkhabu a\anga zirlai thupui
ber chu : Pathian thu zawmtute an hmuingilin an lawm
a, a Dan kalsantute erawh chu chhiatnain an tawp \hin
tih hi a ni.
Kan dan min petu Mosia chu kum 2,000 lai kal tawha
piang a ni a. A dante a siam chhuah laiin midangte tih
danin, thawnthu a zui lova, mihring zalenna thu a\angin
a \an nghal hek lo, an ngaihtuahnate chu Pathian lamah
chawisangin thilsiam thu lamah a hruai zawk a ni. Thilsiam
chungchang thu Mosian a sawi, lehkhabu thianghlima ziak

ka hmuh ka sawi hmasa ber dawn a ni.
Thilsiam thu
A tirin Pathianin lei leh van a siam a. Lei chu thim
chhah takin a tuam a, Pathianin êng lo awm rawh se tiin
thu a pe a. Eng chu thim nen a \hen hrang a, zân a vuah
a, a hmasa zawk chu chhûn a vuah a. Ni hnihnaah chuan
lei leh van (universe) chungah van kum pharh duai a siam
a, vûrin a hual veltir a, chu chuan lei a tihnâwngin ruah
a surtir a. Ni thum niah chuan lei a siam a, lei chungah
chuan hnimte leh thil chi te a lo \o va, a velin tuipui a
hualtir a. Ni linaah chuan ni te, thla te leh arsi te a
remkhawm a, hun te hriat nan an her vel dan tur leh an
kawng tur te a siam fel a. Ni nganaah chuan tui thûk taka
hleuha kal tur te, boruaka thlawk tur te, anmahni chi ang
zela inthlah pung turin a piantir a. Ni ruknaah chuan, a
nu leh pa awmin, rannung ke pali nei te a siam a, hemi
ni vek hian mihring pawh a siam bawk a. Ni sarih niah
chuan Pathian chuan thilsiam chu a chawlhsan ta a,
chuvang chuan chu ni chu chawlh nan kan hmang ve ta
a, Sabbath kan vuah a, a awmzia chu Hebrai \awngin
“Chawl” tihna a ni.
Mosia chuan mihring siam dan chu hetiangin a sawi
: “Pathian chuan leia vaivutin mihring a siam a, amahah
thlarau leh nunna a thaw lut a,” tiin. Chu mihring chu
Adama a vuah a, Hebrai \awnga ‘sen’ tihna a ni, lei sen
a\anga siam a nih avangin a sen rawng chu lei rawng a
ni si a. Adama chu Pathianin rannung, a nu leh pa te,
a entir hlawm a, tun thlenga an hming ni ta te hi a
phuahsak a ni. Adama chuan a nu, kawppui tur a nei ve
lova, rannung kawppui neite chu mak ti takin a en \hin
avangin Pathian chuan Adama nâkruh pakhat a muthilh
hlana la chhuakin hmeichhiaah a siam a. Hebrai \awng

chuan hmeichhia chu essa (issha) tih a ni a, mahse hmeichhe
hmasa ber chu Evi tih a ni. “Nunna nei zawng zawngte
nu” tihna a ni.
Khawchhak lama hmun nuam (park) a siamah chuan
Pathianin Adama leh a nupui chu awmtirin finna thing rah
tih chauh loh chu thing dang zawng zawng rah ei a phalsak
a, finna thing chu a khawiha an khawih chauh pawhin
tihboral an ni ang, tiin a vau lawk a. Chutih lai chuan
thilnung zawng zawngin \awng thuhmun an hmang a,
mahse rûl pakhatin Pathian ang maia nuamsa taka awm
theihna tur a ni zawk tiin thing rah chu ei turin hmeichhia
chu vervek takin a thlemthlu ta mai a. Thei rah chu a tem
a, a pasal Adama pawh tem ve turin a thlemthlu ve leh
a. An ei veleh saruaka awm an nih an lo hre ta a, theipui
hnah tein an inthuam ta a. Huana Pathian a lo kal chuan
Adama chuan amah insawithiamin Evi mawhphurhtir a
tum a. Evi chuan rûl a puh ve thung a. Pathian chuan
Adama hnenah chuan hah taka a thawhrim rah bak chu
leiin ama thuin engmah a chhuahsak dawn tawh lo tih a
hrilh a. Evi chu nau hrin na tuar turin ânchhia a lawh a,
rûl chu a \awng theihna a chhuhsak a, a lei hnuaiah tûr
a dahsak a, a ke a thlawnsak bawk a, lei chunga a tlenga
tleng turin a ti a. Pathian chuan Evi leh Adama chu huan
a\ang chuan hmun danga cheng turin a hnawtchhuak ta
a. Kaina a hring a, a hming awmzia chu “nei” tihna a ni
a, Abela pawh an nei bawk a, a awmzia chu “engmahlo”
tihna a ni. Fanute pawh an nei. Abela, an fapa naupang
zawk chu mi dik a ni a, beram vengtu a ni a. Kaina thung
chu mi khaw lo leh duhâm mai a ni a, lei a let \hin a. Kaina
chuan Pathian hnenah inthawina atan lei rahte a rawn la
a. Abela chuan hnute tui leh a ran rual zinga a piang
hmasate a hlân a, a inthawina chu Pathianin a lawm zawk
a, mihring remruatnaa siam chhuah ni lo, leilungin amaha
a chhuahte an nih avangin a lawm a ni. Pathianin Abela

inthawina a lawm zawk avang chuan Kaina chu a thinur
a, a unaupa chu a that ta mai a, a ruang chu a thukru ta
a. Pathianin a thil sual tihin Kaina chu a hmachhawn ta
a, chhuan sarih thleng ânchhia a lawh a, chu ram a\ang
chuan a nupui nen a hnawtchhuak ta a. Chhinchhiahna
a siamsak a, mi emaw sain emaw an tina reng reng lovang,
tiin a tiam a.
Ram hla takah Kaina chu a nupui nen hmun pakhat
Nod an tihah chuan an awm ta a, tah chuan fate an nei
a. Sualna leh tharum thawhna chi tinrengah a inhmang a,
a lo hausa ta hle a, tehna leh buknate siamchhuakin nun
tluangtlam mâwl tak chu a lo tiharsa zo ta a ni. Amah chu
ramrite khama khawpui din hmasa bertu a ni a, a chite
chu kulh chhungah a chen luihtir a. Chu khawpui chu a
fapa upa ber hming chawiin Anocha a vuah a, a thlahte
pawh mi sual bawk an ni.
Adama chuan fate a lo duh leh ta a, kum 230 a nihin
Setha a nei a, fa dang tam tak nen. Setha thlah mi dikte
chuan arsi chanchin zir thiamna an hmuchhuak a. Adaman
tuilet leh kangmei lo thleng tur laka an thil hmuhchhuah
chu a boral lohna turin ban pahnih, pakhat leirawhchana
siam leh pakhat lunga siamah a ziak a. A hnuhnung zawk
hi tun thlengin Seiris ramah a la awm a ni.
Nova leh tuilet
Chhuan sarihna thlengin heng mite hian Pathian chu
lei leh van thuneitu angin an la ring zel a, chumi hnuah
chuan sualna leh khawlohnaah an tlu lut ta a ni. |henkhat,
angelte leh hmeichhiate inneiin fa an hrinte chuan Grik
thawnthua mi lian huaisente an ang hle a. Nova chuan an
nunte siam \ha turin a fuih \hin a, mahse an thah a hlauh
avangin a chhungte nen chu ram chu an chhuahsan a.
Pathianin mihring chu tihboral veka sualna laka fihlim

hnam dang din a tum ta a, an damchhung kum pawh kum
120-a tihtlemsak a tum ta a. Nova hnenah chuan Pathianin
lawng chhâwng li nei tawng 300 a sei, tawng 50 a zau,
tawng 30 a sang tuk thiamna a pe a. A chhungte leh
rannung tinreng, a nu leh pa tuak khat zel nen, a \hen
tuak sarih nen lawngah chuan a lut ta a. Lawng bangte
chu rinawm tak a ni a, a chungte pawh; Adama pian a\anga
kum 2262 kum, Nova pawh kum 600 a nih kumin chhiatpui
a lo thleng ta a.
Ni 40 chhung hân miah lovin ruah a sur tluk tluk
a, lei chu tawng 15 laiin a chim pil a. Ruahpui a bân hnu
pawhin ni 150 chhung tui a la lêt a, thla sarihna ni sarih
ni a\angin tui chim chin pawh a lo hniam \an ta a. Armenia
rama tlâng pakhatah lawng chu a innghat a, Nova chuan
lei khawi lai emaw tuilêtin a kâmsan a awm em tih en turin
choak a thlawh chhuahtir a, mahse choak chu a lo kir leh
mai a. Kar khat hnuah chuan \hûro a thlawh chhuahtir leh
a, lei kai berh liaiin a hmuia olive thing \ang puin a lo kir
leh a. Ni sarih hnuah Nova chuan ramsa zawng zawng chu
lawng a\angin a chhuahtir a, Pathian hnenah a inthawi a,
an chhungin ruai an \heh a. Armenia-ho chuan chu hmun
chu “Lawng kaina hmun” an ti a, tun thlengin a hnuhma
pawh mi an la kawhhmuh \hin.
He lawng chung thu hi Kaldai mi Berosusa pawhin
hetiangin a ziak : “Lawng them hi Armenia rama Cordyaeans
tlangah a awm reng a, alkatara nawi (lawng chârna) pawh
miin vanduaina laka invenna thil atan an la darh a ni,” tiin.
Damaska khuaa Nikolas pawhin hetiang hian a ziak: “Armenia
ramah chuan tlang sang tak Baris an tih hi a awm
a, tuilêt laiin mi tam takin chu hmunah chuan himna an
hmu a, mi pakhat lawnga chuang hi a tlang chhipah a kai.
A lawng thingte chu hun rei tak a \ha,” tiin.
Pathianin kum tinin khawvel chu tuilian a chimtir ang

tih a hlauh avangin Nova hâlral thil hlan nen a inthawi
a, a \awng\ai bawk a, Pathianin “Tuilêtin khawvel hi a khuh
leh tawh ngai lo vang. Mihring thisen chhuah lo tur leh
chutiang thil sual tite chu hrem turin ka fuih a che. Ei tlak
i tih apiang rannung dangte hi i ei thei ang - an vaia hotuah
ka siam tawh a che - an thisen erawh chu i ei tur a ni
lo, a chhungah nunna a awm si a. Chu bakah kan inremna
tihngheh nan chhimbâl ka zâmtir ang,” tiin a chhang a.
Tuilêt hnuah Nova chu hlim takin kum 350 a la dam
a, kum 950 a nihin a thi.
Babel In sang
Tuilêt hma kum 100 a piang Nova fapa pathum, Shema,
Japheta leh Hama chu tlâng a\anga phaia chhuk hmasa ber
an ni a, tuilêt hlauva tlang sânga khawtângte pawhin an
tih dan chu entawnah an nei a. Sinar phai zawlah awmhmun
an khuar a, an lo tam em avangin Pathian chuan ram thar
zuana pêm \hen turin thu a râwn a. A thu an awih duh
loh avangin Pathian chuan anmahni \hen darha hmelmate
hneh awlsam tur siam tumah an ngai tlat nia ! Tichuan
Hama tupa, hnehchhiah taka roreltu, Pathianin tui a tihlêt
pawha eng tuilian mahin a chim phak loh tura in sâng satu
chu an zui ta zawk a.
An kut rual bawk a, in sâng nghet tak, zau tak mai,
leirawhchana rem, alkataraa chârin an sa ta a. Mahse
Pathianin an zingah \awng chi hrang hranga \awngtirin
inlungrual lohna a rawn thlen a, an \awng an inhretawn
thei ta hauh lo mai a. |awng thua an buai tak avangin in
sâng an sakna hmun chu tunah chuan Babulon an ti.
Hebrai-hovin buaina kan tih “babel” an tih avangin.
Zawlneinu Sibyl-i pawhin hetiang hian a nemnghet a.
“Mihringin \awng thuhmun an hman vek laiin mi \henkhatin
vana lawn tumin in sâng tak an sa a. Mahse Pathianten

thlipui an tir a, a chhem thlu a, mi tin \awng chi hrang
bik a pe ta a ni !” tiin.
Chuta chin chu ram thar zuanin hmun hran hranah
tihdarhin an awm ta a, Pathianin a hruaina lam apiangah
an darh a, \henkhat chuan lawng lianin tuipuite kânin
thliarkar te an thleng a, Nova fapa Japhetha fapa 7 te chu
Tanais (Don) luikam ram leh Europe tluanin Gadeira (Cadiz)
thlengin an awm a. Hama thlahte chuan Suria leh Lebanon
ram a\angin Judai ram hrûtin Africa thleng an luah a,
tuipui (Mediterranean) kam hrûl ramte nen. Hama fapa
Kanana thlahte chuan vawi khat Haman a pa Nova zurui
mu sual a hmuh a, a nuihsan avangin ânchhia an dawng
a.
Nova fapa Shema chuan fapa 5 a nei a, Euphrates
lui a\anga Indian Ocean thlengin Asia ramah awmhmun
an khuar a. A tu-tu-tu leh chu Hebera a ni a, a hming
chawiin Judate chuan Hebrai an ti ta a ni. Hebera tu-tutu-tu
leh chhawng fapa chu Tera a ni a, Kaldai rama beram
venga eizawng \hin a ni a, kum 70 a nih kuma Abrahama
hringtu chu.
Abrahama
BUNG 2
THLAHTU BULTE
Nova a\anga thlah 10-naah, tuilêt a\anga kum 992-ah
Abrahama a lo piang a. Unau pahnih, Nahora leh Harana
a nei a, mahse Harana chu a thi a, Kaldai-ho khua Ur an
tihah chuan an phûm a. Fapa pakhat Lota leh fanu pahnih
Sari leh Milkaii a thihsan a. Nahora chuan a unaunu Milkaii

nupuiah a nei a, fa tam tak an nei a. Abrahama chuan Sari
a nei a, fapa a neih loh avangin a unau fa Lota chu fa atan
a chawm a.
Harana a thih avangin Kaldai ram chu ningin Tera
leh a chhungte chu Mesopotamia rama Haran-ah an pem
a, chutah chuan Tera chu a thi a, an phum a, kum 205
a ni. Mosia lo pian thlengin mihring damchhung chu a
tlem tial tial a, Pathianin mihring damchhung tur chu kum
120, Mosia dam chen a tuk a. Kum 75 a nihin Abrahama
chuan Pathian thupekin Kaldai ram a chhuahsan a, ram
dang pakhat Kanan an tih-ah chuan a kal a. Amah chu
lei leh van siamtu Pathian pakhat chauh a ni a, ni te,
thla te leh arsi te khian anmahniin ênna an nei lo tih huai
taka puang hmasa bertu a ni. Heng ngaihdan avang hian
Kaldaiho a lakah an hel a, chutichuan Pathian \anpuiin
Kanan ramah a pêm ta a. Berosus-a chuan heti hian a sawi
: “Tuilêt hnu chhuan 10-naah Kaldaiho zinga mi ropui tak
leh dik tak, van lam chanchin pawh hre tak a awm,” tiin.
Damaska khuaa Nikolas-a pawhin ti hian a ziak bawk :
“Abrahaman Damaska khuaah ro a rel, amah chu Kaldai
ram a\anga rûntu a ni. Mahse rei lo te hnuah Kanan rama
pem turin a kal a, a awm nghet ta a ni. Damaska khaw
bula khaw tê pakhat pawh a hming chawiin ‘Abrama
Chenna’ an ti,” tiin.
Abrahama chu kum rei tak muang leh hausa takin
a awm a. Mahse \âm a lo tla ta a. Abrahama chuan Aigupta
ram an hnianghnâr tih a hriatin Sari hruaiin a kal a. Aigupta
rama a awm lai chuan puithiamte leh mi dangte titipuiin
pathian dik lote an biak avanga an tihsual a hrilh \hin.
Kaldai rama a awm laia an thil zir thiam tam tak chhiarkawp
te leh arsi chanchin chhuina finna te a zirtir \hin, a hnuah
chuan Aiguptaho chuan chung thiamna (Science) te chu
Grik-ho an hrilh lehchhawng a.

Kanan rama \âm a dam veleh Abrahama chu a kir
leh ta a. An ran tlatna tur phûl chungchang thuah a
chhiahhlawhte leh Lota chhiahhlawhte an inhnial buai fo
avangin Abrahama chuan dik taka ram insem zai a rel ta
a. Lota hnenah chuan a duhthlan ram lama kal turin a hrilh
a, a kal lohna chu keimahin ka nei ang tiin a hrilh a. Lota
chuan Sodom bul, Jordan lui kam ram a thlang a, Abrahama
chu Hebron-ah a insawn a, a bul vel ram zawng chu a nei
ta a.
Chûng hnuah chuan Assuria mite chuan Sodom mite
an bei a, an hneh a, mi tam tak an ram lamah salah an
hruai a. Chung zingah chuan Lota pawh a tel ve a, Sodom
mite nena \anghovin a lo bei ve si a. Chu thu chu Abrahaman
a lo hriatin anmahni \anpui a tum ta tlat a. Ni nga an ûm
hnuin Asuriaho chu zanah Dan an tih hmunah an va
nangching a. Nuam an lo chen nasa a, a rui lo pawh an
lo muhil a. Abrahama leh a chhiahhlawh 318 chuan an bei
a, an that \euh a, an thah bâng chu an tlanchhe ta vek
a. An sal mante chu a chhuah a, hlim takin an haw leh
ta a. An haw kawngah chuan Salem lal, Pathian puithiam
ni bawk Melkisedeka chu anmahni hmuak turin a lo kal
a. Abrahama leh a sipaite chu ei tur te a lo pe a, an eia
an in lai chuan Abrahama chu a fak a, mal a sawm a.
Abrahama chuan râllâk sum sawma pakhat a pe a,
Melkisedeka chuan thilpekte chu a pawmsak a.
Sodom lal chuan salte leh râllâk nena Abrahama lo
haw chu a hmuhin, anmahni in \heuha an haw theihna
turin salte chu a hnena pe turin a ngen a, râllâk sumte chu
Abrahaman nei vek se a ti a. Abrahama chuan chu chu
hnialin a tan engmah a la dawn lo tih a hrilh a.
Pathian chuan Abrahama chu a bia a, a thiltih avang
chuan a chawimawi a, “I \hatnain a phu ve reng lawmman
engmah i chan tawp lovang,” a ti a.

Abrahama chuan “Chung lawmmante chu ka tan eng
nge sawt ang, ka thih hnuah chentu tur tumah ka nei si
lova?” a ti a. Abrahama chuan fa a nei lo reng a.
Pathian chuan fapa pek a tiam a, a thlahte chu arsi
zatin an la pung ang tiin a tiam a, Pathianin thu a pek angin
inthawina a hlan a : bawng lâ leh kelpui leh berâm pa a
la a - \huro leh parva nen, savate tih chauh lo chu a phel
vek a. Maicham a siam a, inthawinate chu a halral laiin aw
a hria a, aw chuan a thlahte chu tihduhdah turin kum 400
Aigupta ramah an awm ang a, chumi hnuah chuan Kanan
ram nei turin ropui takin an kir leh ang tih a hrilh a.
Kum tam tak a liam hnuah pawh Abrahama leh Sari
chuan fa an la nei lova. Pathian thupekin Sari chuan Aigupta
bawihnu a neihte zinga pakhat chu a tan fa hrinsak turin
Abrahama khumah a hruai a. Nau a lo pai chuan chaltlai
takin Sari chu a tiduhdahin pawngpawrh takin a lakah a
khawsa ta mai a. Abrahama chuan Sari hnenah a bawihnu
chu hrem turin a pe a, mahse Hagari thlalerah a tlanbo
a, a thi \helh nge nghe a. Pathian Vantirhkohin kir leh turin
a ti a, chumi hnu lawkah chuan Ismaela a hring a.
Sodom mite chu mihring lakah an chapovin Pathian
hmuhah an thianghlim ta lova. An chapona avangin Pathian
a thinur a, tihboral vek a tum a.
Ni khat chu Mamre sasaw thing hnuaia a puan in
kawngkaa a \hut laiin mikhual pathum lo kal a hmu a. A
tho a, chibai a buk a, chawl hahdam tur leh ei tur a hluite
ei turin a sawm a. An remtih veleh sebâwngno a talh a,
a hem hmin a, ei turin a hlui a, an ei laiin Abrahama hnenah
a nupui Sari khaw nge a awm tih an zawt a. Puan in
chhungah a awm tih a hrilh chuan anni chuan an lo kal
leh hunah chuan fa a lo nei tawh ang tih an hrilh a. Sari
chu a nuih a za a, fa ka pai thei tawh hlei nem a ti rilru