MWONGOZO WA UWEKEZAJI MKOANI SIMIYU

wa fedha vikiongezewa nguvu na uhaulishaji wa faida usiokuwa na
vikwazo au masharti, ulipaji wa mikopo, mishahara, mirabaha na ada;
• Urasimu uliopunguzwa kwa kutumia huduma inayotolewa na Kituo
cha Uwekezaji cha Tanzania, ambacho ni wakala wa serikali (One-stop
center) kinachowahudumia wawekezaji na biashara zilizosajiliwa;
• Hatua za ufanisi za kujenga uchumi wa soko huria zinazopongezwa
na Benki ya Dunia na Shirika la Fedha la Dunia huku sheria za kusaidia
biashara zikiboreshwa mara kwa mara kwa kupitia majadiliano thabiti
kati ya serikali na sekta binafsi;
• Vivutio vya kunufaisha pande zote mbili kwa wawekezaji na maslahi
ya ziada yaliyokubalika kwa wawekezaji wa kimkakati;
• Kukubalika kwa haraka kuwa ni sehemu nzuri ya kuingilia na kutokea
kwa biashara zinazoingia Mashariki, Kusini na Afrika ya Kati;
• Fursa za kuvutia za kuwekeza katika miundombinu na kuendeleza
rasilimali watu;
• Uhakika wa uwekezaji unachangiwa na usuluhishi wa migogoro;
rasilimali zilizowekezwa nchini Tanzania hulindwa dhidi ya machafuko
ya kisiasa, utaifishwaji na unyang’anyi;
• Kampuni yoyote ya nje inayofanya shughuli zake Tanzania inaweza
kupata mkopo kutoka taasisi za kifedha za hapa nchini hadi kiwango
kilichowekwa na Benki Kuu ya Tanzania. Benki kubwa kama vile Standard
Chartered, ABSA, Barclays, Citibank, Stanbic, Exim zimewekeza nchini
Tanzania;
1.1.2 Sababu za kuwekeza Mkoa wa Simiyu
Simiyu ni miongoni mwa mikoa mipya hapa nchini. Mkoa wa Simiyu
una eneo la kilomita za mraba 23,807.7 ambazo ni sawa na hekta
23,807,700. Mkoa huu unatimiza miaka mitano mwaka huu wa 2017
tangu ulipoanzishwa mwaka 2012. Kwa maneno mengine Simiyu bado
ni mkoa mpya kati ya mikoa 30 ya kiutawala nchini, kwa hiyo unahitaji
kutazamwa kwa namna ya kipekee katika biashara na uwekezaji. Mkoa wa
Simiyu unaunganishwa kwa urahisi na nchi za Kenya, Uganda, Burundi,
Rwanda, na Jamhuri ya Kidemokrasia ya Kongo.
2 | MWONGOZO WA UWEKEZAJI MKOANI SIMIYU