MWONGOZO WA UWEKEZAJI MKOANI SIMIYU

SEHEMU YA KWANZA:
KWA NINI UWEKEZE SIMIYU,
TANZANIA
1.1 Muhtasari wa sababu muhimu za kuwekeza katika mkoa wa
Simiyu nchini Tanzania
Simiyu ni sehemu ya Tanzania na fursa zake za uwekezaji zinahusiana
na mazingira ya uwekezaji ya jumla ya kitaifa, sera pamoja na mifumo ya
kiuchumi.
1.1.1 Kwa nini uwekeze Tanzania?
Tanzania ina rasilimali nyingi za asili ambazo zinatoa fursa kadhaa za
kuwekeza. Rasilimali hizo ni pamoja na eneo zuri sana la kijiografia, ambalo
linafanya nchi sita zisizokuwa karibu na bahari (Land locked) kutegemea
bandari za Tanzania kama njia rahisi za kuingizia na kutolea bidhaa zao;
ardhi nzuri yenye rutuba; vivutio vingi maarufu vya kitalii, kama vile, mbuga
ya taifa ya Serengeti, Mlima Kilimanjaro, bonde la Ngorongoro, na visiwa
vya karafuu vya Zanzibar. Vitu vingine ni; rasilimali za asili kama vile madini;
soko la kutosha la hapa nchini na la kikanda; vyanzo vya malighafi; stadi za
aina nyingi, uhakika wa nguvu kazi kwa gharama nafuu; usalama wa mali;
watu wachangamfu na rafiki.
Sababu zingine za kuwekeza Tanzania ni kama zifuatavyo:
• Usalama wa hali ya juu wa rasilimali zilizowekezwa kwa sababu ya
utulivu mkubwa wa kisiasa usiokuwa na migogoro na migawanyiko
ya kikabila; utawala wa kidemokrasia unaoheshimu maoni tofauti na
utamaduni madhubuti wa kuheshimu katiba na utawala wa sheria;
• Utulivu wa uchumi mkubwa ulio rafiki kwa biashara na kiasi cha chini
cha mfumko wa bei (kiasi cha 5%); viwango tulivu vya ubadilishaji
MWONGOZO WA UWEKEZAJI MKOANI SIMIYU | 1