MWONGOZO WA UWEKEZAJI MKOANI SIMIYU

UTANGULIZI
Karibu Mkoa wa Simiyu. Mwongozo wa Uwekezaji wa mkoa wa Simiyu
umeandaliwa sambamba na sera ya uwekezaji ya Tanzania. Unaainisha
fursa za uwekezaji zinazopatikana katika mkoa wa Simiyu. Vile vile
unaendana na dira ya mkoa wa Simiyu kama ilivyoelezwa na Mheshimiwa
Rais wa Jamhuri ya Muungano Dr. John Pombe Magufuli wa Tanzania
mnamo tarehe 11, Januari 2017, na umeandaliwa kulingana na mifumo
ya kimaendeleo ya kitaifa kama vile Dira ya Maendeleo ya Taifa 2025 na
Mpango wa Pili wa Maendeleo wa Miaka Mitano 2016-2021 (FYDP II).
Mwongozo huu wa uwekezaji unatoa taarifa za uwekezaji kwa makampuni
ya uwekezaji ya hapa nchini, ya nchi za nje na watu binafsi. Vile vile,
Mwongozo unaainisha rasilimali na kubainisha fursa za uwekezaji zilizopo
katika mkoa wa Simiyu ili kuchochea biashara, maendeleo na ukuaji wa
uchumi. Pia Mwongozo unadhamiria kukuza uwezo wa ushindani wa
Mkoa wa Simiyu katika maeneo ambayo Mkoa una fursa za kiuchumi.
Madhumuni mengine ni kukuza uwezo wa uzalishaji katika sekta muhimu
za msingi ili kuleta maendeleo endelevu yatakayochangia kukua kwa pato
la jumla la Taifa na ustawi wa mkoa wa Simiyu.
Kwa hiyo, mkoa wa Simiyu na wilaya zake na Serikali za Mitaa: Bariadi,
Busega, Itilima, Maswa, na Meatu wamedhamiria kutoa kipaumbele katika
uwekezaji na kutoa huduma stahiki na motisha za kuvutia kwa wawekezaji
katika Mkoa. Zaidi ya hayo, Ofisi ya Mkoa wa Simiyu na mamlaka zake
za Serikali za Mitaa wataandaa mipango mwafaka na mazingira bora ya
uendeshaji na ya kibiashara na watakuwa wanapatikana wakati wote ili
kutoa maelezo zaidi kuhusu fursa zilizopo kwa wawekezaji wenye nia ya
kuwekeza.
Napenda kulipongeza Shirika la Maendeleo la Umoja wa Mataifa (UNDP)
kwa msaada wa kifedha na utaalamu, pia Taasisi ya Utafiti wa Kiuchumi na
Kijamii (ESRF) kwa kuandaa Mwongozo huu. Napenda pia, kuwashukuru
MWONGOZO WA UWEKEZAJI MKOANI SIMIYU | iii