MWONGOZO WA UWEKEZAJI MKOANI SIMIYU

za umeme za vimiminika, photovoltaic na joto la jua. Pia vinajumuishwa
matanki ya upozaji wa maziwa yaliyofunikwa na majarikeni ya alumini
yanayotumika kwa ajili ya kuhifadhi na kukusanya maziwa katika viwanda
vinavyotoa kila siku; huduma za shambani za maandalizi ya ardhi, ulimaji,
upandaji na uvunaji.
Vikwazo vya Ushuru wa Uingizaji: Ushuru wa uingizaji ambao hutozwa
katika pembejeo zinazoingizwa nakumika kwa ajili ya kuzalisha bidhaa kwa
ajili ya kupelekwa nje na bidhaa zinazouzwa katika taasisi kama vile Umoja
wa Mataifa nchini Tanzania hurudishwa.
Utengenezaji chini ya dhamana: Viwanda vyote vilivyosajiliwa
kutengeneza bidhaa chini ya dhamana kwa madhumuni ya usafirishaji nje
vinasamehewa ushuru wa uingizaji na kodi nyingine katika zana zilizotumika
kutengenezea bidhaa hizo.
Miundombinu ya kiuchumi: Barabara, reli, usafiri wa anga na bahari,
vifaa vya bandarini, mawasiliano ya simu, huduma za benki na bima.
Utalii: Katika utalii, hasara hupelekwa mbele. Hata hivyo, kampuni zenye
hasara za kudumu kwa miaka mitatu mfululizo zinatozwa 0.3% ya mapato
ya mwaka. Magari ya 4WD yaliyoundwa na kutengenezwa kwa ajili ya
madhumuni ya mtalii yanasamehewa ushuru wa kuingiza, kulingana na
kukidhi vigezo vilivyowekwa na Sekretarieti ya Jumuiya ya Afrika Mashariki.
Vilevile, vifaa vya hotelini, ambavyo vimenakshiwa au kuchapwa au
kuwekwa logo ya hoteli iliyoingizwa na hoteli yenye leseni kwa matumizi
yake vinasamehewa ushuru wa kuingiza.
Motisha kwa Wawekezaji wa Kigeni:
Hakikisho la Uwekezaji na Utatuzi wa migogoro: Uwekezaji nchini
Tanzania unahakikishwa dhidi ya utaifishaji na kunyang’anywa. Tanzania ni
mwanachama wa kituo cha kimataifa kwa ajili ya Utatuzi wa Migogoro ya
Uwekezaji (ICSD) na Wakala wa Hakikisho la Uwekezaji Unaohusisha nchi
nyingi (MIGA).
MWONGOZO WA UWEKEZAJI MKOANI SIMIYU | 43