MWONGOZO WA UWEKEZAJI MKOANI SIMIYU

uzalishaji wake wa ndani wa Jumla. Serikali ya Mkoa na mamlaka za Wilaya
ziko tayari na zimejitolea kutoa huduma mbalimbali za ziada za msaada na
motisha kwa wawekezaji ili kusukuma maendeleo ya viwanda na ukuwaji
wa uchumi kwa vipindi vya muda mfupi, muda wa kati na muda mrefu.
Fursa kuu za uwekezaji wa kimkakati katika Mkoa wa Simiyu kwa
vipaumbele ni:
1. Ujenzi wa malambo ya kina kifupi, malambo ya juujuu, ujenzi wa
mfumo wa kuvuna maji ya mvua na uchimbaji wa visima virefu
vyenye uwezo wa kusambaza mita za ujazo milioni 150-160 za maji
kwa kila wilaya kwa ajili ya kilimo cha umwagiliaji na matumizi ya
viwandani (Angalizo: ijapokuwa bomba la maji la kutoka Ziwa Victoria
kwa kupitia kwenye matanki ya maji yaliyojengwa juu ya Kilima cha
Ngasamo hadi wilayani limedhamiriwa kuwa kwa jili ya usambazaji
wa maji majumbani lakini usambazaji utakuwa ni km 12 tu kutoka
kwenye bomba kuu na asilimia 40 - 50% ya vijiji ndiyo watakaoweza
kuyafikia maji hayo).
2. Mabwawa ya kuhifadhi maji na Mipango ya Kilimo cha Kumwagilia
chenye kunusuru maji kwa ajili ya uzalishaji wa mpunga, mazao ya
mbogamboga, mahindi na pamba katika wilaya za Busega na Bariadi.
Kuongeza uzalisha wa kilimo cha umwagiliaji kwa kutumia mitambo
na kuhakikisha uzingatiaji wa hali ya hewa.
3. Kuanzisha mashamba ya kilimo cha kibiashara ya mtu mmoja mmoja
au vikundi kwa ajili ya uzalishaji wa pamba yenye ubora wa hali ya
juu yatakayoweza kuzalisha tani 700,000 - 800,000 za pamba yenye
mbegu kwa ajili ya uzalishaji wa ndani wa vitambaa, bidhaa za afya
ya viumbe hai na usafi, bidhaa za matumizi ya shule, vifaa kwa ajili ya
biashara ya kukaribisha wageni, na kwa kusafirisha nchi za nje ifikapo
mwaka 2040.
4. Viwanda viwili vya kisasa vya kuchambulia pamba kimoja Meatu na
kingine Maswa, na kiwanda cha kutengeneza vitambaa Meatu na/au
Maswa.
5. Viwanda vya kusaga/kukoboa na kufungasha mchele, mahindi, dengu,
choroko na mbaazi; Lamadi, Bariadi, na Maswa.
8 | MWONGOZO WA UWEKEZAJI MKOANI SIMIYU