MWONGOZO WA UWEKEZAJI MKOANI SIMIYU

inajumuisha Wilaya za Bariadi, Busega na Itilima, zenye topografia ya kupanda
na kushuka zenye udongo mfinyanzi na udongo wa juu mweupe. Kiasi cha
mvua ni baina ya mm 700 - 900. Shughuli kuu ya kiuchumi katika kanda
hii ni pamoja na kilimo cha mazao hasa mahindi, mtama, pamba, muhogo
na ufugaji. Kanda ya pili inajumuisha Wilaya ya Meatu yenye topografia ya
kupanda na kushuka na kupindapinda upande wa Mashariki wenye udongo
mfinyanzi wenye rutuba. Kanda hii ina mmomonyoko mbaya wa udongo
unaopunguza kilimo cha mazao. Kiasi cha mvua kwa kawaida ni chini ya mm
700 chenye tabia isiyotabirika. Kilimo cha mazao na ufugaji ndiyo shughuli
kuu za kiuchumi katika eneo hili. Mazao makuu yanayolimwa katika eneo hili
ni pamoja na mtama, pamba na mahindi. Kanda ya tatu inajumuisha Wilaya
ya Maswa yenye topografia ya kupanda na kushuka na ya kupindapinda.
Ardhi yake ni ya udongo wa Usukumani maarufru kwa jina la mbuga, udongo
mfinyanzi mweusi wa tifutifu ambao ni mzuri kwa kilimo cha mpunga. Mazao
mengine yanayolimwa katika eneo hili ni pamoja na mahindi, mtama na
pamba. Kanda hii ina kiasi cha mvua kisichoaminika kati mm 700 hadi mm
800 kwa mwaka. Eneo hili ni maarufu pia kwa shughuli za ufugaji.
Kielelezo 1.1: Ramani ya Mkoa wa Simiyu
6 | MWONGOZO WA UWEKEZAJI MKOANI SIMIYU