Create successful ePaper yourself
Turn your PDF publications into a flip-book with our unique Google optimized e-Paper software.
Munduan zehar!<br />
Eskuak garbitzeak haur<br />
askoren bizitza salba dezake<br />
Bost urtetik beherako 300.000 haur baino<br />
gehiago hil ziren 2015ean munduan, edateko ur<br />
eta saneamendu ezari loturiko gaixotasunen eraginez.<br />
Beherakogatik eta antzeko gaixotasunengatik,<br />
zehatzago esanda. Haatik, UNICEF Nazio Batuen<br />
Haurren Laguntzarako Funtsak jakinarazi duenez,<br />
heriotza horietako asko keinu sinple batekin<br />
saihets daitezke: komunetik igaro ostean edota jatorduen<br />
aurretik eskuak xaboiarekin garbituta.<br />
Esku Garbiketaren Nazioarteko Eguna izan zen<br />
urriaren 15ean, eta orduan plazaratu zuen datua<br />
UNICEFek. Izan ere, erakundearen arabera, komunean<br />
izan ostean eta otorduak egin aurretik eskuak<br />
garbituta, % 40 murrizten da beherakoa izateko<br />
arriskua.<br />
Herrialde aberastuetan ez da aparteko arazoa<br />
izaten gaitz hori, baina herrialde<br />
txiroetan heriotza ugari eragiten ditu. Gainera, eskuak<br />
garbituta gaixotasun larri gehiago ere ekidin<br />
daitezke. Esaterako, beti ere UNICEFek jakinarazitako<br />
datuen arabera, “hainbat zantzuk” adierazten<br />
dute pneumonia kutsatzeko indizea % 25 murrizten<br />
dela. Urtero, 1,7 milioi haur hiltzen dira<br />
bost urte bete baino lehen, pneumoniaren edota<br />
beherakoaren eraginez. Datu horiek guztiak aditzera<br />
emanda, eskuak garbitzearen garrantzia nabarmendu<br />
nahi izan du UNICEFek. Batik bat haurrei,<br />
familiei eta komunitateei egin die dei, haien<br />
esku baitago eguneroko ohiturak aldatzea. Nolanahi<br />
ere, herritarren gutxieneko bizi baldintzak<br />
ziurtatzea ez al da nazioarteko gobernu eta erakundeen<br />
ardura? Horiek hobe lukete eskuak garbitzeari<br />
utzi, eta arazoa konpontzeko lanean hasiko<br />
balira …<br />
16<br />
22