BERRIA, 2011-04 - Wikispaces

32 Ikerketa
Joseba Jauregizar, Javier Ormazabal eta Iñaki San Sebastian Tecnaliako arduradunak, Dynacar autoaren ondoan, Bilbon. LUIS JAUREGIALTZO / ARGAZKI PRESS
Ideia errentagarriak
Tecnalia Research & Innovation
taldeak 70 negozio aukera
erakutsi ditu aste honetan Bilbon
egin dituen jardunaldietan
Lander Muñagorri Bilbo
Gure ezagutza merkaturatzea
eta emaitza
nabariak lortzea»,
horixe da Tecnalia
Research & Innovation
(TRI) talde teknologikoaren
helburua, Joseba Ormazabal bertako
presidentearen hitzetan. Eta
TRIren produktuak merkaturatzeko
asmoarekin, ikertzaile,
bezero, enpresa eta erakundeak
Bilboko Euskalduna jauregian
elkartu dira aste honetan egin
den azokan. Lehenbiziko aldia da
TRIk era honetako jardunaldiak
antolatzen dituela, eta bertako
ikertzaileak zein proiektutan
dabiltzan jakiteko aukera izan
dute bertaratutakoek. Horretaz
gain, talde teknologikoaren filosofia
berria ezagutzera ere eman
dute zuzendaritzako kideek:
«ikerketa aplikatuaren bitartez
ideiak BPG barne produktu gordin
bihurtzea», Ormazabalen
arabera.
Lan egiteko era aldatu beharra
ere azpimarratu zuen Iñaki San
Sebastian zuzendariaren albokoak.
«Orain arte, teknologia guneek
programa baten araberako
proiektuak egiten zituzten, eta,
gero, horientzako bezeroak bilatzen
ziren». TRIren lan egiteko
era alderantzizkoa dela esan
zuen, eurek bezeroari eta gizarteari
laguntzeko proiektuak garatzen
baitituzte eta asmakizun horiek
merkaturatzen.
Asteazken eta osteguneko jardunaldietan,
TRIk merkaturatutako
eta garatze bidean dituen 70
proiektu ikusi ahal izan ziren Bilboko
Euskalduna jauregian. Horietako
batzuen xehetasunak hemen.
1. Dynacar autoa
2010ean aurkeztu zuen Tecnaliak
bere egungo proiektu ikusgarrienetako
bat: Dynacar autoa, hain
zuzen ere. TRIren ibilgailu elektrikoa
da, baina hori ez da inongo
berrikuntza. Ibilgailu horrek,
ordea, potentzian du bereizgarri
nagusia, 100 kilometro orduko
abiadura har baitezake 5,7 segundoren
buruan. Gehienezko abiadura
orduko 140 kilometrokoa
du, eta hamar segundoan harrapatzen
du. 70 kilometro egiteko
autonomia nahikoa dauka, eta
energia metatzeko gaitasuna 15
kWh-koa du. Auto elektriko
honen prototipoarekin, potentzia
altuko auto elektrikoak garatzeko
bidea zabaldu nahi du TRIk.
2. Energia, asfaltotik
Auto elektrikoa gutxi ez, eta etorkizunean
energia asfaltotik lortzeko
teknologia garatzen ari dira
TRIko ingeniariak. Asfaltoa asko
berotzen denez, baliabide hori
aprobetxatu nahi dute. Errepideetan
beroa metatzeko hodi batzuk
jarri, eta berotasun horrekin
energia elektrikoa sortuko da.
Teknologia horrekin, CO 2 isuriak
gutxitzeaz gain, hirietako berotasuna
jaistea ere lortuko da. Izan
Tecnalia
pKideak: Zortzi zentro teknologiko
dira: Cidemco (eraikuntza,
kimika eta egurra), ESI (informazioaren
eta komunikazioaren
teknologiak), Euve
(errealitate birtuala, telebista),
Fatronik (makina-erreminta,
aeronautika), Inasmet
(autogintza, energia), Labein
(autogintza, eraikuntza), Leia
(ingurumena, kimika) eta Robotiker
(autogintza, energia,
telekomunikazioak).
pBat-egitea: Negoziazio luze
eta gatazkatsu batzuen ostean,
iaz hitzartu zuten bat egitea,
eta aurten abiatu dute.
ere, asfaltoak metatzen duen berotasunak
hiria ere berotzen baitu.
3. ‘Quattro’ robota
Munduko robot manipulatzailerik
azkarrena da, baina ez da TRIren
produktua. Adept enpresaren
asmakizuna da, eta TRIk fabrikatzeko
eta merkaturatzeko lizentzia
eskuratu zuen 2005ean. Quattro
robota elikagai enpresetarako
aproposa da; ontziratzeko prest
datozen produktuak hartzeko,
hain zuzen. Elikagaia zintan edozein
posiziotan joaten da, baina
robot horrek, daukan sentsore
baten bidez, produktua behar den
pEztabaida: Sorreratik tirabirak
egon dira egoitza nagusia
non kokatuko,Gipuzkoan edo
Bizkaian.Oraingoz,Zamudion
dauka TRIk egoitza nagusia,
behin-behinean,baina ekainaren
hasierarako hartu nahi dute
erabakia.Adostasunik ezean,
egoitza nagusia orain batean
orain bestean egongo da.
pLangileak: 1.378.
pBezeroak: 3.800.
pEgoitzak: 25.
pFakturazioa: 400 milioi euro
inguru.
pWebgunea:
www.tecnalia.info
bezala hartu eta era ordenatu batean
ontziratzen du. Eta hori guztia,
oso azkar.
4. Gestoil
Egitura •2011ko apirilaren 17a
Euskaldunako jardunaldiekin
batera, BECen Sinaval-Eurofishing
Elite azoka egin zuten, eta
han, Azti zentroak —TRIren barruan
dago hori ere— arrantzontzietako
gasolioa aurrezteko sistema
bat aurkeztu zuen. Gestoil
izeneko teknologiari esker, arrantzontziko
patroiak unean uneko
erregai kontsumoa ikus dezake.
Horren arabera, gasolina aurrezteko
aukera emango duten bide
alternatiboak azter daitezke. Era
berean, arrantzontziak egingo
duen ibilbidean gastatuko den gasolina
kopurua ere jakin ahal
izango dute, itsasoratu baino lehen.
Sistema horri esker, erregaiaren
%25 aurreztu daiteke.
Sortzaileek jakinarazi dutenez,
teknologia hau txertatzea oso
merkea da, eta edozein ontzitan
jartzeko modukoa da.
5. Surf teknologikoa
Barneratutako teknologia duen
lehen surf ohola aurkeztu zuten
TRIk eta Pukasek otsailean. Sortzaileek
azpimarratu dute surf
oholak garatzeko bidean aurrerapauso
bat eman dela sistema horri
esker. Orain arte, surf oholak
nola hobetu zehazteko garaian,
surflarien sentsazioen arabera
egiten zen lan, eta intuizioaren bidez
hobetzen zuten taula. Behin
teknologia txertatuta, kirolariak
sentitzen duena zenbakietara
pasa dute. Era horretan, sentsore
batzuek surflari bakoitzak non
zapaltzen duen gehien jakinarazten
diete oholen egileei, eta datu
horiekin taula berezia egiten zaio
bakoitzari.
6. Zoru garbitzailea
Etxeetako zoruak garbitzeko robotetan
oinarrituta, TRIk teknologia
hori eremu zabalago batera
eraman du. Industrialdeak, lantegiak
edo kaleak garbitzeko makina
bat diseinatu dute, eta dagoeneko
martxan daukate. Sentsore
batzuen bidez, makinak oztopoak
topatzen ditu, eta oztoporik gabeko
guneak garbitzen ditu. TRIko
ordezkarien esanetan, ez dira garbitzaileak
beharko.
7. Intsektizida garbia
Hirietako intsektuen izurriteei
aurre egiteko, intsektizida ekologikoak
merkaturatuta dauzka
TRIko Cidemco enpresak. Produktu
kimikoak erabili beharrean,
landare hondakinetatik ateratako
substantzietan oinarritzen
dira. Ingurumenaren errespetuan
eta herritarren osasunarekiko
begirunean oinarritutako
proiektu bat da.