BERRIA, 2011-04 - Wikispaces
BERRIA, 2011-04 - Wikispaces
BERRIA, 2011-04 - Wikispaces
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
<strong>2011</strong>ko apirilaren 17a • Egitura<br />
JON HERNAEZ / ARGAZKI PRESS<br />
Carlos Oses · Ipar Kutxako zuzendaria<br />
«Sistema osoa egokitzen ari<br />
da, eta ezin gara irla bat izan»<br />
Beste finantza erakunde batzuekin bateratzeko prest dago Ipar<br />
Kutxa, baina bi baldintza jarri ditu Carlos Oses zuzendariak:<br />
eraginkortasuna hobetzeko balio izatea eta gaur egun duten<br />
kaudimenari, likideziari eta proiektuari eutsi ahal izatea.<br />
I.S.<br />
Bankuen eta aurrezki kutxa<br />
bateratuen lehia «biziak» kreditu<br />
kooperatibak mugitzera «behartu»<br />
dituela uste du Carlos Oses<br />
Ipar Kutxako zuzendariak. Aliantza<br />
posibleak aztertuko ditu<br />
orain, baina argi du Ipar Kutxa<br />
desagertzea dakarren proiekturik<br />
ez duela onartuko.<br />
G Finantza sektorea moldatzen ari<br />
da, eta Ipar Kutxak adierazi du aliantzak<br />
bilatzeko prest dagoela. Zer<br />
nahiko zenukete?<br />
E Kreditu kooperatibetan edo<br />
rural kutxetan izan daitezkeen<br />
aukerak aztertzen ari gara, baita<br />
geure inguru gertukoan sor daitezkeenak<br />
ere. Eroso egongo<br />
gara geure efizientzia hobetzeko<br />
modua ematen digun aliantza<br />
batean, aldi berean geure kaudimen<br />
eta likidezia ratioei eusteko<br />
aukera ematen badigu. Hori<br />
aldez aurreko baldintza da. Bestalde,<br />
geure proiektuak aurrera<br />
egin ahal izatea ezinbestekoa da.<br />
Ez dugu nahi gu desagertzea eragingo<br />
lukeen bateratzerik.<br />
G Espainiako beste rural kutxa<br />
batzuekin bateratze hotza egitea<br />
aztertu zenuten, baina prozedurak<br />
ez zuen jaso Espainiako Bankuen<br />
onespena. Bide hori itxita dago?<br />
E Espainiako Bankuak erabakia<br />
hartu baino lehen baztertu<br />
genuen. Antolatzen ari zen<br />
moduan argi ikusi genuen ez<br />
zigula eraginkortasuna handitzen<br />
lagunduko, eta ez zigun ziurtatzen<br />
gaur egungo kaudimen<br />
eta likidezia mailari eustea.<br />
G Beste rural kutxekin aliantza<br />
izango da, ezinbestean?<br />
E Ez du zertan hala izan; aukera<br />
oro dago zabalik.<br />
G Kutxarekin bateratzeko aukera<br />
ere zabaldu zen, Ipar Kutxaren osagarria<br />
zelakoan. BBKren, Kutxaren<br />
eta Vitalen bateratzeak aukera hori<br />
behin betiko zapuztu du?<br />
E Ez dakigu nondik atera zen<br />
ideia hori; ez dugu ezta minutu<br />
erdi bat hitz egin Kutxarekin.<br />
Gainera, parte hartze instituzionala<br />
duten kutxekin zailagoa<br />
litzateke, gu erakunde pribatua<br />
gara eta.<br />
G Hori gainditzeko bidea aktiboak<br />
banku batera bideratzea litzateke.<br />
E Eredua hori litzateke, baina ez<br />
dugu inoiz esku artean izan.<br />
G Beste aukera bat bakarrik jarraitzea<br />
da. Duen neurri eta egiturarekin<br />
etorkizuna du Ipar Kutxak?<br />
E Sistema osoa egokitzen ari da,<br />
eta ezin gara irla bat izan. Abiapuntu<br />
ona dugu, baina merkatua<br />
ari da etorkizuna baldintzatzen,<br />
eta ez dakigu zer etorriko den.<br />
Sortu diren bateratze guztiek<br />
bankuen eta kutxen efizientzia<br />
hobetuko dute. Gu alor horretan<br />
asko dugu hobetzeko, eta, ez<br />
badugu ezer egiten, lehia askoz<br />
ere sakonagoa izango dugu.<br />
G Kreditu kooperatibek kudeaketa<br />
ona agerian utzi duzue. Europako<br />
azterketak nahiz Espainiako Bankuaren<br />
probak ondo gainditu dituzue.<br />
Horrek zeuen sinesgarritasuna<br />
handitu du?<br />
E Bertute bat dugu: kooperatiba<br />
gisa dugun jatorriko filosofiarekin<br />
jarraitu dugu. Geure lana<br />
bazkideen eta bezeroen dirua<br />
jasotzea da, eta zuhurtziarekin<br />
maileguan ematea. Horri esker,<br />
ez gara ur handietan sartu.<br />
G Ezberdinak izan arren, jende<br />
gehienak aurrezki kutxekin nahasten<br />
ditu kreditu kooperatibak. Zuen<br />
irudiari kalte egiten dio horrek?<br />
E Oso ezezagunak gara, eta<br />
kutxa izena hartzeak nahasmena<br />
handitzen du. Esaterako, euskal<br />
aurrezki kutxen bateratzean sartuko<br />
ote garen galdetzen digute<br />
sarritan, eta ez du zerikusirik<br />
gure ereduarekin. Geure finantza<br />
irmotasuna azaltzeaz gain, eredu<br />
kooperatiboaren onurak gehiago<br />
zabaltzea falta zaigu.<br />
G Orain dela bi urte, Espainiako<br />
finantza sistema kontinenteko<br />
onena zela esaten zen. Orain, ezinbestekoa<br />
da azkar moldatzea<br />
Finantzak23<br />
Espainiako Bankuak hala nahi duelako?<br />
E Merkatuek Espainia markarekin<br />
zerikusia duen ororekin ikuspuntu<br />
ezkorra dute. Likidezia eskasagoa<br />
izango da; ordaintzen diren<br />
tasak handiagoak, eta horrek<br />
enpresei eta familiei ematen zaizkien<br />
maileguak gutxituko ditu.<br />
Finantzaketa hori normalizatzea<br />
nahi badugu, ezinbestekoa da<br />
merkatuen ikuspuntua aldatzea.<br />
«Kutxarekin bat<br />
egingo genueneko<br />
ideia ez dakit non<br />
sortu zen; ez dugu<br />
inoiz aztertu»<br />
«Txikizkako<br />
finantzak dira geure<br />
lana; zuhurtziaz<br />
aritu gara: ez gara<br />
abenturetan sartu»<br />
G Kreditu kooperatiben kasuan ere<br />
horren premiazkoa da?<br />
E Bankuetatik eta aurrezki kutxetatik<br />
izango dugun lehia biziak<br />
mugitzera behartzen gaitu.<br />
Kreditu kooperatibak eta rural<br />
kutxak oso gutxi integratu gara,<br />
eta, Europako beste toki askotan<br />
—Frantziako Credit Agricole,<br />
esaterako—, eredu oso garatuak<br />
daude. Halako prozesuak oparoaldian<br />
egin behar ziren, baina<br />
gauzak ondo daudenean inork ez<br />
du aldatu nahi izaten.<br />
G Rural Kutxa taldeak egin ahal<br />
zuen integrazio hori?<br />
E Baliteke, baina gaur egun egoera<br />
oso nahasia da. Ez dago garbi<br />
rural kutxak norantz mugituko<br />
diren, hainbat proiektu ari dira<br />
egiten, eta ziurgabetasun handia<br />
dago. Bateratzeak hasi dira esparru<br />
geografiko zehatzetan, erakunde<br />
handiagoak sortzeko, baina,<br />
hortik aurrera, inork ez daki<br />
zer gertatuko den.<br />
G Aurkeztu dituzuen emaitzak ikusita,ongi<br />
ari zarete gainditzen krisiaren<br />
ekaitza. Zer du Ipar Kutxak beste<br />
erakundeek ez dutena?<br />
E Txikizkako finantzak —orain<br />
aldarrikatzen den hori— izan<br />
dira geure lana, gordailu eta mailegu<br />
zuhurrekin, eta ez gara abenturetan<br />
sartu. Meritu guztia ere<br />
ez da geurea. Geure esparruan<br />
langabezia txikiagoa da, eta baldintza<br />
ekonomiko hobeak ditugu,<br />
eta horrek geure emaitzei lagundu<br />
die.<br />
G Eraikuntzari lotutako arriskua da<br />
askoren buruhauste nagusia. Zein<br />
da Ipar Kutxaren egoera?<br />
E Eraikuntzaren pisua %15 inguru<br />
da, bankuen antzekoa eta<br />
aurrezki kutxen azpitik, nabarmen.<br />
Zalantzazko aktibo guztiak<br />
hartuta, arriskuen %6 baino gutxiago<br />
da; aurrezki kutxen batez<br />
bestekoa %10etik gora dago.