BERRIA, 2011-04 - Wikispaces
BERRIA, 2011-04 - Wikispaces
BERRIA, 2011-04 - Wikispaces
Create successful ePaper yourself
Turn your PDF publications into a flip-book with our unique Google optimized e-Paper software.
26 berria <strong>2011</strong>ko apirilaren 17a, igandea<br />
Kirola ›<br />
Heineken<br />
koparekin amets<br />
egiten segitzen<br />
dute Miarritzek<br />
eta Baionak<br />
Bi euskal taldeek<br />
irabazi egin dute:<br />
miarriztarrek 52-26<br />
Briveri, eta baionarrek<br />
17-22 Montpellierri<br />
Erredakzioa Baiona<br />
Jardunaldi bikaina izan da<br />
Top14ko 24.a euskal taldeentzat.<br />
Biek irabazi egin zuten atzo, eta<br />
garaipen horiei esker, aurreneko<br />
sei taldeen artean sailkatu eta datorren<br />
sasoian Heineken kopa jokatzeko<br />
aukerari eusten diote<br />
liga erregularra amaitzeko bi jardunaldi<br />
eskas falta direla. Miarritzek<br />
astindu ederra eman zion<br />
Briveri Aguileran (52-26), eta postu<br />
bat egin du gora sailkapenean.<br />
Bosgarren da orain, eta bi puntu<br />
eskasera du bigarren sailkatua:<br />
Racing. Baionak ere garaipen bikaina<br />
lortu zuen, Montpellier<br />
atzo arte hirugarren sailkatua zenari<br />
irabazi baitzion, haren zelaian<br />
(17-22). Baiona bederatzigarren<br />
da orain, eta lau puntura du<br />
seigarren sailkatua.<br />
San Antoniok<br />
astindu ederra<br />
eman dio<br />
Antequerari<br />
(16-38)<br />
Etxekoak jubenilekin<br />
aritu dira, lehen taldeko<br />
jokalariak greban<br />
baitira, klubak ez baitie<br />
soldata ordaintzen<br />
Erredakzioa Iruñea<br />
Aspaldiko garaipenik errazena<br />
lortu zuen atzo San Antoniok Antequeran<br />
(16-38). Emaitzak azalpen<br />
sinplea du: etxekoak zazpi jokalarirekin<br />
bakarrik aritu ziren,<br />
jubenilak guztiak, lehen taldeko<br />
jokalariak greban baitira, klubak<br />
ez baitie soldata ordaintzen. Horrela,<br />
San Antonioko jokalariak<br />
nahierara aritu ziren. Datu bat:<br />
atsedenaldian hamar goleko aldea<br />
zuten jada bisitariek (11-21).<br />
Atzoko garaipenak on egingo dio<br />
San Antoniori Europako Errekopako<br />
finalerdiei begira. Larunbatean<br />
jokatuko du joaneko partida,<br />
Tremblayren aurka, etxean. Aurretik,<br />
baina, Asobal ligako lehia<br />
jokatuko du, asteartean, etxean<br />
hori ere, Torrevellaren aurka.<br />
Itxakoko jokalari eta entrenatzaileak, bilduta, atzo, Gyorren egindako entrenamenduan. ITXAKO<br />
Astea biribildu nahi du<br />
Itxakok bost goleko<br />
aldeari eutsi behar dio<br />
gaur Hungarian,<br />
Txapeldunen Ligako<br />
finalerako sailkatzeko<br />
Edurne Elizondo Iruñea<br />
Donostian irabazitako ABF ligako<br />
hirugarren txapela ospatzeko<br />
denborarik ez du izan Itxakok. Ez<br />
baitu lana amaitu, oraindik. Txapeldunen<br />
Ligako finalerdietako<br />
itzulikoa jokatuko du gaur, Hungarian,<br />
finalerako txartela eskuratzeko<br />
helburu bakarrarekin.<br />
Joanekoan kanporaketa alde jarri<br />
zitzaien nafarrei; hobeki<br />
erranda, jokalariek jarri zuten<br />
alde, 26-21 irabazi baitzuten Gyoriren<br />
aurka. Lehen urrats horri<br />
segida ematea da kontua, orain.<br />
Hau da, ongi hasitakoa ongi bukatzea.<br />
Txapeldunen Ligako finalerako<br />
sailkatu ahal izateko. Sasoiari<br />
amaiera biribila emateko.<br />
Etxeko lanak eginda abiatu ziren<br />
herenegun Itxakoko kideak<br />
Hungariarantz. Liga poltsikoratuta<br />
alegia. Ondorioz, gaur Txapeldunen<br />
Liga baino ez dute izanen<br />
buruan. Hala beharko luke,<br />
behintzat, Gyoriri haren pistan<br />
aurre egin ahal izateko. Eraso eta<br />
defentsa on bat bezain garrantzitsua<br />
izanen da gaur jarrera. Eta<br />
Itxakoko kideek ederki dakite.<br />
Asteartean Bera Beraren aurka<br />
jokatutako derbian erakutsi zuten<br />
hori. Norgehiagokan erabat<br />
sartuta atera ziren pistara jokalari<br />
nafarrak. Bertze deus existituko<br />
ez balitz bezala. Eta emaitza bikaina<br />
izan zen. Hasi eta bukatu<br />
nagusitu ziren donostiarren etxean.<br />
Hori beharko dute gaur ere,<br />
Gyoriren aurkako kanporaketa<br />
gainditzeko.<br />
Txapeldunen Liga, dena den, ez<br />
da ABF liga bezalakoa. Europan,<br />
epaileek eta zaleek itzal luzea<br />
izan dezakete. Eta horrek kezkatzen<br />
duela onartu du Itxakoko entrenatzaile<br />
Ambros Martinek.<br />
Bere jokalariengan konfiantza<br />
badu. Erabatekoa, gainera. Baina<br />
kanpoko faktoreek izan dezaketen<br />
pisuaren beldur da. Lehendabizikoz<br />
ailegatu da sasoi honetan<br />
Itxako Txapeldunen Ligako finalerdietara,<br />
eta egoera horrek sor<br />
diezaiokeen presioari ere aurre<br />
egin beharko dio Lizarrako taldeak.<br />
Joaneko partidan, hain zuzen<br />
ere, ezin hobeki egin zion aurre<br />
taldeak egoera horri. Gertatu<br />
izan zaie Ambrosek zuzendutako<br />
jokalariei urduritasuna kudeatzen<br />
ez asmatzea beren pistan,<br />
baina finalerdietako joanekoan<br />
lehen minutuetan baino ez zitzaien<br />
sumatu nerbioek jota zirela.<br />
Berehala hartu zuten partidaren<br />
kontrola . Hungarian ere, gauza<br />
bera egin beharko dute.<br />
Europan, etxetik at jokatutako<br />
partidetan bere maila erakutsi du<br />
taldeak, orain arte, eta gaur bide<br />
beretik aritzen badira nafarrak,<br />
anitz izanen dute alde.<br />
Ospatzeko modukoa<br />
Ambrosek, azken orduko okerrik<br />
gertatzen ez bada, gaur jokalari<br />
guztiak izanen ditu jokatzeko<br />
prest. Bera Beraren aurka Sandy<br />
Barbosak atseden hartu zuen.<br />
Gaur, zalantzarik gabe, Itxakoko<br />
jokalari garrantzitsuenetako bat<br />
izanen da. Giltza, hala ere, ohi bezala,<br />
talde lana izanen da. Defentsa<br />
sendoa, eta kontraeraso eraginkorra.<br />
Jokalariek, gainera,<br />
Europan ezustekoa emateko duten<br />
gogoa izanen dute pistan lagun,<br />
zalantzarik gabe.<br />
Denboraldia biribila izan da<br />
orain arte. Espainiako Kopa, Su-<br />
perkopa eta Liga irabazi ditu jada<br />
Lizarrako taldeak. Europako bidea<br />
oraindik ez dute amaitu nafarrek.<br />
Finala eskura dute, eta, ondorioz,<br />
kolpea izanen litzateke Lizarrakoentzat<br />
ez sailkatzea. Hala<br />
ere, orain arte lortutakoa ospatzeko<br />
modukoa da. Sekulako marka<br />
da finalerdietarako sailkatu izana<br />
Txapeldunen Ligan aritu den<br />
bigarren aldian. Finalerdietan<br />
egonda, noski, helburua finala<br />
da. Eta Itxako gogor saiatuko da<br />
azken urrats hori egiten. Horixe<br />
azpimarratu zuten jokalari guztiek<br />
asteartean Liga amaitu eta<br />
gero. Bertze txapel bat nahi dute<br />
nafarrek. Finalean sartzeko azken<br />
koxka da Gyori. Sufritu beharko<br />
dute nafarrek hungariarrak<br />
lehiaketatik at uzteko. Eta<br />
sufritzeko prest da Itxako.<br />
GYORI-ITXAKO<br />
pLehiaketa. Txapeldunen Ligako<br />
finalerdietako itzulikoa.<br />
pGyori. Haraldsen, Palinger,<br />
Pasztor, Amorim, Bradeanu,<br />
Barany, Goerbicz, Gros, Hornyak,<br />
Kovacs-Pelczeder, Kovacsics,<br />
Kurucz, Mayer, Mravikova,<br />
Orban, Palko, Planeta, Schatzl,<br />
Spiridon, Szegedi, Szoeloesi,<br />
Toth eta Verten.<br />
pItxako. Navarro, Stefani, Barno,<br />
Egozkue, Jessica Alonso, Patri<br />
Pinedo, Nerea Pena, Macarena<br />
Aguilar, Carmen Martin, Soit,<br />
Turey, Bea Fernandez, Kurbanova,<br />
Barbosa, Tervel eta Zugarrondo.<br />
pEpaileak. Krstic eta Ljubic<br />
(Eslovenia).<br />
pLekua. Magvassy Mihaly pabiloia<br />
(2.800 ikusle).<br />
pOrdua. 17:30 (Canal 6).<br />
pBeste finalerdia. Larvik-Buducnost<br />
(gaur, 19:30ean). Larvikek<br />
25-21 irabazi zuen joanekoan.<br />
DLaburrak<br />
Athletic gaur sailka<br />
daiteke finalerako<br />
FUTBOLA ›Athleticek Bartzelonaren<br />
aurka jokatuko du gaur,<br />
etxean, Superligako bigarren<br />
faseko azken jardunaldia<br />
(12:00), eta irabazita, finalera<br />
sailkatuko da. Berdinduz edo<br />
galduz gero, berriz, Rayo Vallecanoren<br />
emaitzaren zain geratu<br />
beharko du. Beraz, zuri-gorriek<br />
ezin dute hutsik egin, denboraldiko<br />
partidarik garrantzitsuenetako<br />
bat baita.<br />
Amstel Gold Race proba<br />
jokatuko da gaur<br />
TXIRRINDULARITZA ›46. Amstel<br />
Gold Race proba jokatuko<br />
da gaur Herbereetan, eta hainbat<br />
dira irabazteko hautagai<br />
nagusiak, besteak beste, Oscar<br />
Freire (Rabobank), Philippe Gilbert<br />
iazko garailea (Omega),<br />
eta Alexandre Vinokurov (Astana).<br />
Samuel Sanchez Euskaltel-Euskadiko<br />
txirrindulariak ere<br />
aurrean behar luke.<br />
Sebastien Ogier garaile<br />
Jordaniako proban<br />
RALLYAK ›Sebastien Ogierrek<br />
(Citroen) irabazi zuen atzo Jordaniako<br />
proba, Munduko Txapelketako<br />
laugarrena. Bi hamarren<br />
soilik atera zizkion<br />
Jari-Matti Latvalari (Ford).<br />
Lehia estua eduki zuten bi pilotuek,<br />
baina azkenean Ogier izan<br />
zen nagusi. Sebastien Loebek<br />
(Citroen) jarraitzen du lider<br />
Munduko Txapelketan.<br />
Vettel ‘pole’-tik irtengo da<br />
gaur Txinako Sari Nagusian<br />
1 FORMULA ›Sebastien Vettel<br />
(Red Bull) irtengo da pole-tik<br />
gaur Txinako Sari Nagusian<br />
(09:00), sasoi honetan hirugarren<br />
aldiz, McLaren Mercedeseko<br />
Jenson Buttonen eta Lewis<br />
Hamiltonen aurretik, hurrenez<br />
hurren. Alemaniarra alde handiagatik<br />
izan zen nagusi atzoko<br />
entrenamendu ofizialetan, eta<br />
bera da gaur irabazteko faborito<br />
nagusia.<br />
Contador nagusi Gaztela<br />
eta Leongo erlojupekoan<br />
TXIRRINDULARITZA ›Alberto<br />
Contadorrek (Saxo Bank) irabazi<br />
zuen atzo Gaztela eta<br />
Leongo erlojupekoa, 13.41eko<br />
denborarekin. Lidergoa, berriz,<br />
Xavier Tondok (Movistar) hartu<br />
zuen, denbora jan baitzion<br />
Rabobank taldeko Bauke<br />
Mollemari, eta, okerrik ezean,<br />
kataluniarrak eramango du<br />
gaur itzulia. Igor Anton (Euskaltel-Euskadi)<br />
hirugarren dago<br />
sailkapenean.