BERRIA, 2011-04 - Wikispaces
BERRIA, 2011-04 - Wikispaces
BERRIA, 2011-04 - Wikispaces
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
24 berria <strong>2011</strong>ko apirilaren 17a, igandea<br />
Kirola ›<br />
Marco Banic, Esteban Batistari txapela jartzen, Espainiako Kopako final-laurdenetan. JUAN CARLOS HIDALGO / EFE<br />
Boterea dago jokoan<br />
Azken urteetako derbirik parekatuenetakoa<br />
jokatuko dute Baskoniak eta Bilbo Basketek;<br />
garaipen baten aldea dago soilik bien artean<br />
Bizkaitarren defentsa ligako onenetakoa da,<br />
eta Baskoniaren talentua itotzeko gai da<br />
A. Urbistondo<br />
Batzuk onenak izan dira, eta<br />
aurrerantzean ere onenak izan<br />
nahi dute. Besteek onenak izateko<br />
erronka dute eta onenak izateko<br />
modua ikusten dute. Euskal<br />
Herriko saskibaloiaren boterea,<br />
aginte makila dago jokoan eguerdian<br />
Gasteizen: nor izan onena,<br />
nork agindu, nor igo aldarera edo<br />
mantendu han. Laburbilduz,<br />
dena. Laugarren da Baskonia.<br />
Baliabidez urri dabilen talde handia.<br />
Bosgarren iparraldeko bizilaguna:<br />
Bilbo Basket. Baliabidez,<br />
grinaz eta intentsitatez aberats<br />
den taldea. Baskoniaren lekua<br />
nahi du Katsikarisen taldeak.<br />
Denborak ez dauka garrantzirik.<br />
Behin-behinean edo luzerako<br />
izan, bigarren mailakoa da. Hierarkiako<br />
nagusiari boterea kentzea<br />
da kontua. Boterean egonda<br />
zer sentitzen den jakin, ezagutu,<br />
eta botere horri esker hobetzen<br />
jarraitu.<br />
Posible al da halakorik gertatzea?<br />
Bai, eta pronostikoetan oreka<br />
handia dago gaur-gaurkoz. Bilbo<br />
Basket Gasteizen irabazteko<br />
moduan ikusten da. Bilbokoak bi-<br />
garren itzulian ondo ari dira. Hamabi<br />
partida jokatu eta zortzi irabazi<br />
dituzte, eta horietatik hiru,<br />
etxetik urrun. Azkena, plaza gaiztoan:<br />
Bartzelonan. Emaitza hutsetatik<br />
harago joanda, Bilbo Basketen<br />
defentsa ligako onenetakoa<br />
dela esan behar da zintzo, beldurtzeko<br />
beldurrik gabe. Bizitasun<br />
handiarekin jokatzen dute, pase<br />
lerroetan presio handia eginez,<br />
eta haien pibotei erreboteren bat<br />
lapurtzea lantegi zaila da, borrokalari<br />
handiak direlako.<br />
Defentsa bikainari esker, konfiantza<br />
irabazi dute erasoan. Kontraerasoak,<br />
trantsizio azkarrak<br />
dira bizkaitarren lehen aukera<br />
defentsan baloia harrapatzen dutenean<br />
edo errebotean gailetzen<br />
direnean. Baloia Aaron Jackson<br />
antolatzaileari eman eta estatubatuarrak<br />
nahierara egitea eta<br />
desegitea, jokaldia berak bukatuta,<br />
edo ertz batean libre dagoen<br />
taldekideren bati asistentzia bat<br />
emanda, hark hiruko edo biko<br />
erraz bat saskira dezan.<br />
Hor hasten da borroka psikologikoa.<br />
Baskoniari saskirako bidea<br />
zailtzea, arabarren konfiantzari<br />
kalte egitea eta kolpe txikiak<br />
ematea. Dusko Ivanovicen taldea<br />
pausoan aritu delako Euroligatik<br />
kanporatua izan osteko bi norgehiagokatan,<br />
Estudiantes eta<br />
Manresaren aurka. Erasoan portzentaje<br />
bikainak lortu zituen Estudiantesen<br />
aurka, eta erraz irabazi,<br />
baina Manresaren aurka<br />
majo sufritu zuen, lehen zatian<br />
hamasei punturen aldea lortu<br />
arren. Zergatik? Baskonia itzalaldian<br />
murgiltzen delako hirukoen<br />
bitartez saskiratzea lortzen ez<br />
duenean. Barac eta Batista ez<br />
dira herrenak, baina Baskoniak<br />
kanpoko jokoaren bitartez lortzen<br />
ditu puntuen %70. Asko da,<br />
eta horren jakitun da Bilbo Basket.<br />
Katsikarisen zuhurtzia<br />
Defentsa onena ere, ordea, alferrikakoa<br />
izan liteke Baskoniak<br />
hirukoen arloan daukan eraginkortasuna<br />
txikitzeko. «Oso lehiakorrak<br />
dira. Teletovic edo Loganek<br />
bolada ona hartzen badute,<br />
ezinezkoa da haien talentuari<br />
aurre egitea. Jaurtitzen duten<br />
guztia saskiratuko dute eta kito.<br />
Eroso jaurtitzen ez uztea da gure<br />
lana, baina, halere, litekeena da<br />
nahikoa ez izatea». Fotis Katsikarisek<br />
arabarrek kontraerasoan<br />
duten eraginkortasuna ere<br />
nabarmendu du: «Ez dituzte asko<br />
egiten, baina egiten dituzten<br />
gehienak oso ondo bukatzen<br />
dituzte. Arreta berezia, beraz,<br />
emandako baloiekin».<br />
Entrenatzaile greziarrarentzat,<br />
ordea, gakoa izen bat da, defentsa<br />
edo jaurtiketa portzentajea<br />
baino gehiago: «Marcelinho<br />
Huertas. Oso jokalari arriskutsua<br />
da pista erdian eroso sentitzen denean.<br />
Bai blokeo eta jarraipena<br />
egiten duenean, bai barneraldia<br />
egitea erabakitzen duenean». Aaron<br />
Jackson ere makala ez dela<br />
ihardetsi zioten kazetariek Katsikarisi,<br />
eta Kopan gertatutakoa<br />
gogorarazi zuen Katsikarisek:<br />
«Orduan, Huertasek irabazi zuen<br />
partida Baskoniarentzat, ahaztu<br />
al zaizue dagoeneko?».<br />
BASKONIA-BILBO BASKET<br />
pTxapelketa. ACB ligako<br />
30. jardunaldia.<br />
pBaskonia. Huertas, Pau Ribas,<br />
Logan, Oleson, Ander Gartzia,<br />
San Emeterio, Teletovic, Batista<br />
eta Barac.<br />
pBizkaia Bilbo Basket. Aaron<br />
Jackson, Josh Fischer, Blums,<br />
Paco Vazquez, Vasileiadis, Warren,<br />
Mumbru, Hervelle, Banic,<br />
Mavroeidis eta Hernandez-<br />
Sonseca.<br />
pSailkapena. Baskonia 4. postuan<br />
dago: 19-10; Bilbo Basket,<br />
5. postuan: 18-11.<br />
pLekua. Buesa Arena (9.753<br />
ikusle).<br />
pOrdua. 12:30 (ETB1).<br />
Bi garaipenek<br />
emandako poza<br />
zapuztu liteke<br />
Kanaria Handiko<br />
partidan<br />
Lagun Arok sasoia<br />
itxuroso bukatu<br />
beste asmorik ez dauka<br />
gaur, ligako plaza<br />
zailenetakoan<br />
A. U.<br />
Illunben irabazitako azken bi partidek<br />
halako patxada ekarri dute<br />
Donostiara. Iraganeko zurrunbiloan<br />
itsatsita geratu da taldeak<br />
urtarrilaz geroztik egindako lan<br />
eskasa, baina iragana egoskorra<br />
da, eta Kanaria Handiko emaitzak<br />
orain dela hamar egun zegoen<br />
egoera triste bera ekar dezake<br />
taldera. Ez harritu hala gertatzea,<br />
gainera, Kanaria Handia ACB ligako<br />
plaza zailenetakoa baita.<br />
Han irabaztea onenen eskura bakarrik<br />
dago, eta lortu dutenek ere<br />
majo sufrituta lortu dute.<br />
Hori horrela, zaila da Lagun<br />
Arok Kanaria Handian uztarik<br />
lortzea. Las Palmasko taldea titulua<br />
lortzeko kanporaketetan sartzeko<br />
borrokan murgildua dago<br />
erabat. Seigarren dira, 16-13ko balantzearekin,<br />
baina garaipen bakarrera<br />
dute bederatzigarren<br />
postua, oporrak, eta jakitun dira<br />
zortzi onenen artean sartzen badira<br />
etxean dituzten partidak irabazita<br />
sartuko direla. Kanaria<br />
Handiak jokalari garrantzitsu<br />
bat faltako du. Taurean Green<br />
joko antolatzaileak ezker oineko<br />
hatz bat hautsi du, eta bi hilabete<br />
egin beharko ditu osatzen.<br />
Green gabe, baina Jaycee Carrollekin.<br />
Ligako saskiratzaile<br />
onena da estatubatuarra, partidako<br />
19,7 puntu saskiratuz, eta<br />
Lagun Arok azken hilabeteetako<br />
defentsa epela egiten badu, taldea<br />
txikituko du. Aurreko jardunaldian<br />
Joventutekin egin bezala,<br />
Carrollek 35 puntu saskiratu baitzituen.<br />
KANARIA H.-LAGUN ARO<br />
pTxapelketa. ACB ligako<br />
30. jardunaldia.<br />
pKanaria Handia. Bellas, Alvarado,<br />
Jaycee Carroll, Spencer<br />
Nelson, Bramos, Beiran, Jim<br />
Moran, Dorovnjak, C. J. Wallace<br />
eta Xavi Rey.<br />
pLagun Aro GBC. Salgado, Ritxi<br />
Uriz, Lander Lasa, Jimmy Baron<br />
Jr., Alfonso Sanchez, Domen<br />
Lorbek, Panko, Doblas, Miralles<br />
eta Kone.<br />
pSailkapena. Kanaria Handia<br />
6. postuan dago: 16-13. Lagun<br />
Aro 14. da: 10-19.<br />
pLekua. Las Palmasko CID<br />
kantxa (5.500 ikusle).<br />
pOrdua. 18:00 (Teledeporte).