Gabino: Ez dakit gutun hau bidaliko dizudan ala ez. Baina ... - Elkar

zaitez haietako batean, ea euskara behar bezala ikasten duzunbehingoz…Komunitateko poeta lagun handi batez mintzatu natzaizu—frai B. Handiaga deitzen diot nik txantxetan—: bada, jakizuhura izan dudala neure ahaleginaren animatzaile; are gehiago:estutu ere, estutu izan nau noizbait; guztiaz ere, iaz atera zuenliburu bat, non bere psikiatrarekin dituen harremanak erakustendituen —seminarioak husten hasi zirenetik, psikologoaketa psikiatrak bihurtu zaizkigu aita espiritual, Damaso!—, psikiatrarenaholku edo gomendio bat tartean: denbora galtzenikasi behar duela, zeren galtzea irabaztea den; “Nik aspaldi ikasinian hori” esan nion; “Sinesten diat, erle alfer bat baino alferragohabil-eta heure idazki horrekin. Beste munduan amaitubeharko duk azkenean, ikusiko duk…”.Ez, bada!, behin baino gehiagotan beldur izan banaiz erekomentuko poeta lagunaren hitzak beteko ez ote ziren…; izanere, behin galdu nuen osasuna, eta noiznahi gal nezake berriro,betiko galdu ere; izan ere, geroaren trenak halabeharrareneskua du makinista eta, helmugara bidean, geltoki bat lehenagojaitsiaraz gaitzake; izan ere, hamabost bat urte daramatzatlan honetan, eta urte asko dira… are gehiago nire adinarekin;baina zer, gauzak juxtu alderantziz balira?; zeren, idazkiarenepea luzatu eta luzatuz gero, motibo bat gehiago bainuke bizitzenjarraitzeko…Behin galdu nuen osasuna, bai, eta berriro ere galduko dutnoizbait: guztiaz ere, Jainkoari eskerrak emateko moduan nago,alde horretatik; aita Barandiaran antropologoak kontatzen duenez,gaztetako ultzera batek behartu zuen bere burua zaintzera,horregatik omen doa urteetan aurrera eta aurrera…: bada, niriere, halako zerbait gertatzen ote zaidan…; nork esango zuen,izan ere, nerabezaroan birika bat galdu nuenean, tuberkulosiakjota —aurten 76 urte bete ditut, kontuak ongi badaramatzat—,osasunez hain ongi sentituko nintzenik gaur egun?;Zapiain estimatuak esaten dit nire gorputzak gogor borrokatubehar izan zuela gaitzaren aurka, eta, borroka horien ondorioz,immunizatuta geratu nintzela: arrazoi ote duen, katarroak ere38