Komunitate baten herrigintza. Anoetaren ... - Anoetako Udala
Komunitate baten herrigintza. Anoetaren ... - Anoetako Udala
Komunitate baten herrigintza. Anoetaren ... - Anoetako Udala
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
eraikitzeko prozesuan lan handia eskatzen dutenak. Honen guztiaren erakusgarri<br />
ditugu ongi diseinatutako babes-sistemen trazatuak, taldearen beharren arabera<br />
Basagainen kasuan 2,8 hektareako eremuan mugatzen dena. Eta, kokagunea<br />
aukeratu ondoren, mota honetako talde-lanak egiteko beharrezko diren lan<br />
guztiak koordinatzeak gizarte-garapen maila handia eskatzen badu, are nabarmenago<br />
ageri zaigu garapen hori herri hauen barnealdean.» 26<br />
Garai hauetako herrixkak muino txikietako goialdeetan estrategikoki<br />
kokatzen ziren (Basagain 295 m), ongi babestuta egotez gain, bide natural<br />
garrantzitsuen gainean egon ohi zirelarik; bertakoek lur-eremu zabalak<br />
kontrolatzen zituzten herritik bertatik. Basagaindik Buruntza eta Intxurreko<br />
espazioen kontrolak burutzen zituzten. Basagainen harresi edo babes-egitura<br />
batzuk eraiki zituzten, etxebizitzak altxatuko zituzten ingurua<br />
eta soroak eta abereentzako larreak egongo ziren eremuak babesteko. Aldi<br />
honetako biztanleen elikagai iturri nagusi nekazaritza zen, hala erakusten<br />
digute Basagainen aurkitutako hainbat piezek (errota-zirkularra, goldearen<br />
nabarra, eskuz zein tornuz egindako ale-gordailuak…) edo une<br />
horietan landutako espezien aztarnek (kiskalitako zereal-ale ugari topatu<br />
dira; esate baterako gari, garagar azaldun zein gabea, artatxikia, edo lekale<br />
espezieak) . Behiak, ardiak, ahuntzak eta txerriak ziren Historiaurreko<br />
amaierako aldi hartan zituzten espezierik ugarienak. Espezie horietakoak<br />
ziren Basagainen aurkitutako animalia-aztarnak. Hau guztirako gizarte<br />
antolakuntza ezinbestekoa zen.<br />
Nekazaritza eta abelazkuntzan izandako eraldaketa garrantzitsuak,<br />
teknologia berrien sarrera, esate baterako burdina fabrikatzea edo kalitate<br />
handiagoko zeramika lantzea ahalbidetuko zutenena, eraikuntzatekniketako<br />
aurrerapenak, harreman komertzialak biziagotzea... hauek<br />
guztiak ongi antolaturik eta garapen bidean erabat sartutako gizarte<br />
batzuen lekuko ditugu<br />
Burdin Aroa eta Berant Erdi Aroaren arteko trantsizio aldiaz oso<br />
dokumentazio eta aztarna gutxi dago. Zera esan daiteke, erromanizazio<br />
garaian gaur egungo Gipuzkoan errealitate sozial eta kultural bikoitza<br />
bereizten zela: erromatarrekin lotura zuzenagoa zutenak eta bestetik<br />
indigenak. Hala ere, interes komunen gabezia zela-eta, ez zuten elkar jo;<br />
bakoitzak baliabide ezberdinetan eta gutxi gorabehera modu baketsuan<br />
26 Peñalver, Xabier eta San Jose, Sonia. Burdin Aroko herri harresituak Gipuzkoan. Gipuzkoako Foru<br />
Aldundia.<br />
168
Change language