khudoni - preliminary environmental and social screening

საქართველოს ენერგეტიკის სამინისტრო
34
4. დიაგნოსტიკისა და ზეგავლენის წინასწარი
შეფასების მეთოდოლოგია
4.1 გეოგრაფიული ინფორმაციის სისტემა (გის)
წინამდებარე წინასწარ ფაზაში იგეგმება გეოგრაფიული ინფორმაციის სისტემის შემუშავება ხუდონის
პროექტის ეკოლოგიური შეფასების მიზნით, რაც მეტად სასარგებლო იქნება უსაფრთხოების კვლევების
შემდგომ ეტაპებზე და საშუალებას მოგვცემს, შევადგინოთ თემატური რუკები, სადაც აისახება ბიო-
ფიზიკური, სოციოლოგიური და კულტურული გარემოს ძირითადი მახასიათებლები.
ამ ეტაპზე სხვადასხვა ადგილას მოპოვებული იქნა არსებული სივრცული მონაცემები საკვლევი ტერიტორიის
ბუნებრივი გარემოსა და რესურსების შესახებ: (1) გარემოს დაცვისა და ბუნებრივი რესურსების სამინისტროს
სივრცული ინფორმაციის ცენტრსა და სატყეო დეპარტამენტის ზედამხედველობის სამსახურში; (2)
საქართველოს სეისმური მონიტორინგის ცენტრში; (3) კერძო ორგანიზაციაში GIS Lab.
წინამდებარე ანგარიშში გამოყენებულია სხვადასხვა რუკა:
მთელი საკვლევი ტერიტორიის ტოპოგრაფიული რუკები, რომლებიც შეიქმნა ენერგეტიკის სამინისტროს (და
სხვა წყაროების) მიერ მოწოდებული ტოპოგრაფიული რუკების (1/50,000) გეო-რეფერირებით.
ძირითადი საკვლევი ტერიტორიის ტოპოგრაფიული რუკები (1/25,000, ეფუძნება 60-იანი წლების ძველ
მონაცემებს) მოგვაწოდა ენერგეტიკის სამინისტრომ.
ვინაიდან წინასწარ ფაზაში ძნელი იყო საკვლევი ტერიტორიის კონტექსტში გამოსაყენებელი მასშტაბის
მონაცემების მოპოვება, უსაფრთხოების კვლევების ამ პირველ ნაწილში ძირითადად წარმოდგენილია
რუკების ატლასზე დაფუძნებული ინფორმაცია.
შემდეგ ეტაპებზე გის-ის უზრუნველსაყოფად გამოყენებული იქნება ე.ს. კოლენკო-სტაკის მიერ მოწოდებული,
მისაღები რეზოლუციის ტოპოგრაფიული რუკები (1/1,000) და საჰაერო ფოტოები. ისინი განსაკუთრებით
სასარგებლო იქნება მიწის ნაკვეთების დონეზე მცენარეულის საფარისა და სოციალური საკითხების
შესწავლის პროცესში.
4.2 ბიო-ფიზიკური გარემო
ბუნებრივი გარემოს შემთხვევაში ჩვენი მეთოდიკა მოიცავს შემდეგ ელემენტებს: (1) არსებული მონაცემების
სიღრმისეულ იდენტიფიცირებას, რომელიც მოხდება (2) საკვლევი ტერიტორიის წინასწარი კვლევისა და
შერჩეულ პუნქტებზე საველე დაკვირვებების გზით; (3) საკვლევი ტერიტორიის გლობალურ აღწერასა და
ძირითადი ბიოფიზიკური მახასიათებლების რუკაზე დატანას; (4) ძირითადი საკითხების ანალიზსა და
გარემოზე ზეგავლენის ფაქტორების პირველად შეფასებას, აგრეთვე რისკის შემცირების
ზომების/მონიტორინგის პროცესის დასახვას.
4.2.1 არსებული ინფორმაციის სიღრმისეული იდენტიფიკაცია
გამოვლინდა და გასაანალიზებლად, აგრეთვე არარსებული მონაცემების დასადგენად შეგროვდა არსებული
გარემოსდაცვითი მონაცემები, კვლევები და პროექტის გარემოზე სპეციალიზებული დოკუმენტები, კერძოდ:
• ფიზიკური მონაცემები (მეტეოროლოგია, გეოლოგია და ნიადაგები, მორფოლოგია, ჰიდროლოგია,
სედიმენტოლოგია და მდინარის დინამიკა, მოტივტივე ნივთიერებები, წყლის ხარისხი, სეისმური
რისკი, ა.შ.);
ხუდონი - წინასწარი ეკოლოგიურ-სოციალური შეფასება - საბოლოო ანგარიში