khudoni - preliminary environmental and social screening

საქართველოს ენერგეტიკის სამინისტრო
16
არსებობს სახელმწიფო ტყეების ფონდი, რომელიც იმართება რეესტრის სისტემით, რაც მოიცავს სახელმწიფო
ტყეების ფონდის მონიტორინგს, საკადასტრო და სატყეო ინვენტარიზაციას/აღრიცხვას (მუხლები 23-25)
მართვის ათწლიანი გეგმების მიხედვით.
საქართველოს ტყის კოდექსი და ტყის დაცვა
სახელმწიფო ტყეების ფონდი შედგება შემდეგი კომპონენტებისგან: (1) ტერიტორიები, რომლებიც უკვე
კლასიფიცირდება, როგორც ”დაცული ტერიტორია” (ზოგიერთს ეს კატეგორია მინიჭებული აქვს 1999
წლამდე) და იმართება დაცული ტერიტორიების დეპარტამენტის მიერ (მუხლები 14-15), და (2) ”სახელმწიფო
სამეურნეო ტყეები”, რომელთაც, მათი ფუნქციებიდან გამომდინარე, კოდექსი უწესებს 3 საგანგებო დაცვის
რეჟიმს: ”საკურორტო ზონა”, ”მწვანე ზონა” და ”ნიადაგდაცვითი და წყალმარეგულირებელი ტყეები” (მუხლი
20).
ამ კატეგორიათა მინიჭება ხდება გარემოს დაცვისა და ბუნებრივი რესურსების სამინისტროს მიერ შეტანილი
თხოვნის საფუძველზე, რომელიც უნდა მოიცავდეს მეტყევეობისა და დაცული ტერიტორიების
დეპარტამენტის მიერ მომზადებულ რეგულირებისა და მართვის წესებს (მუხლი 43).
ნიადაგის დაცვისა და წყლის რესურსების რეგულირების თვალსაზრისით ხის მოჭრა იკრძალება ტყეთა
შემდეგ კატეგორიებში:
• სანაპირო ტყეები;
• ტყის საზღვრიდან 300 მ რადიუსში მდებარე ტყეები (ე.წ. სუბალპური ზონები);
• 100 ჰა ფართობის ტყეები ღია ადგილებში;
• ტყეები ზვავებისა და ადიდებული წყლის მოძრაობის კალაპოტიდან 200 მ რადიუსში;
• ტყეები, სადაც დომინირებს რელიქტური, ენდემური, ძვირფასი ხის სახეობები ან სასარგებლო (მაგ.
თაფლის, სათესლე) სახეობები;
• ტყეები >35 0 დაქანების ფერდობებზე;
• კურორტებიდან ან მინერალური წყაროებიდან 1 კმ რადიუსში მდებარე ტყეები (ეს მანძილი
შემოფარგლულია აუზის საზღვრით);
• ნაპირის დამცავი ტყეები მდინარეებიდან, ტბებიდან, წყალსაცავებიდან და არხებიდან 300 მ
რადიუსში;
• ტყეები კლდეებიდან, რიყიდან, მეწყერსაშიში ზონებიდან და კარსტებიდან 100 მ რადიუსში;
• ტყეები რკინიგზებიდან და საავტომობილო გზებიდან 100 მ რადიუსში.
3.1.5.3 აბსოლუტური სახელმწიფო აუცილებლობისათვის კერძო საკუთრების
ექსპროპრიაციის საქართველოში მოქმედი პროცედურა
ექსპროპრიაციის საქართველოში მოქმედი პროცედურა
პროცედურა ეყრდნობა საქართველოს კანონს აბსოლუტური სახელმწიფო აუცილებლობისათვის კერძო
საკუთრების ექსპროპრიაციის პროცედურის შესახებ (მიღებულია 1999 წლის 23 ივლისს, ცვლილებები შევიდა
2006 წლის 12 დეკემბერს).
ექსპროპრიაცია ხდება საქართველოს პრეზიდენტის ბრძანებულებისა და სასამართლოს გადაწყვეტილების
საფუძველზე.
ხუდონის ჰიდროელექტრო სადგურის პროექტი მოიცავს სამუშოებს, რომელთათვისაც შესაძლოა საჭირო
გახდეს ქონების ექსპროპრიაცია (კანონის მოთხოვნების შესაბამისად):
• გზის და/ან საჩქაროსნო გზის მშენებლობა;
• ელექტროგადამცემი და/ან სადისტრიბუციო ინფრასტრუქტურის მოწყობა;
• სატელეფონო ხაზების გაყვანა;
• საზოგადოებრივი დანიშნულების შენობებისა და/ან ობიექტების მშენებლობა;
• სამთო ობიექტების დამუშავება.
ხუდონი - წინასწარი ეკოლოგიურ-სოციალური შეფასება - საბოლოო ანგარიში