Hnehna Eng 22 - Blog.com

2012 THUPUI “KA THLARAU ZAWKIN LE” (BUT BY MY SPIRIT) ZAKARIA 4:6
Vol.XVIII Issue No.22, 27 May 2012 (PATHIANNI), THE SALVATION ARMY YOUTH, BETHLEHEM CORPS KARTIN CHHUAK
PENTECOST SUNDAY
ROPUINAA
KAISANG
P u
Lalthasanga, Kum
31, 22 May
(Thawhlehni) khan
Accident in a boral
a, khawhar
chhungte kan
tuarpui hle.
Pu Lalthansanga Ralte,
Kum 48, 25 May
(Zirtawpni) chhun
dar 12:30pm khan
van kohna
c h h a n g i n
‘Chawkawng Cancer’
natnain a boral
a ni. 26 May
(Inrinni) khan ropui takin Maj.
Lalsawmliana, CO-in a vui liam a
ni. Khawhar chhungte tan Sipai ten
i \awng\aipui ang u.
NURSE ZIR DUHTE TANA
HRIATTIRNA
The Salvation Army Evangeline
Booth Hospital, Ahmednagar,
Lady Colville School of Nursing:
Course Offered - RGNM
Course Affiliated INC & MNC
Qualification Required - 10 +2 Or
Equivalent, 40% (all streams), 5%
relaxation for S.T / S.C
Contact Detail -
Administration, E.B Hospital,
Ahmednagar, 0241 - 2340016,
2345059, 9764758700.
SAY MI VANDUAITE TAN
Bethlehem Corps &
Chanmari Corps SAY OB, Council
Member leh member-te chuan Pu
Lalnghakliana, Saikhamakawn ami
chu tanpuina pein ralna hun 20 May
Pathianni tlai khan hun an hmang.
Member engemawzat kalin, kar
hmasa lama Charity Sport atanga
pawisa tlingkhawm Rs. 3580.00 chu
Pu Lalnghakliana ral nan hian hman
a ni. Pu Lalnghakliana hi a kawng
a hnuailam zeng a ni a, amah
enkawltu ber a nupui chuan a boral
san tak avangin a vanduai hle a,
SAY thilpek pawh lawm takin a lo
dawng a ni.
MUSIC NITE 2012
27 May 2012 : Hun rei tak ata rel tawh, \awng\aina leh inbuatsaihna nasa tak nena
hmathlir tawh chu Bethlehem Corps SAY buatsaihin Music Nite hlawhtling tak 24
May (Ningani) zan khan Bethlehem Corps Biak Inah neih a ni.
Music Nite hi Bethlehem Corps SAY Council chuan ngun takin vawi
tam a lo ngaihtuah tawh a, hetiang hun danglam hi neih a la nih ngai loh
avang pawh hian inbuatsaihna nasa tak nen he hun hi urlawk a ni a, SAY
Music i/c. hmalaknain programme changkang leh zawngchhang tlak tak chu
hman a ni ta.
Music Nite-ah hian Corps chhunga thalai engemawzatte chuan zaiin
Pathian fakna hla an rem a, music pawh live veka tih a ni. Sipai Pawl uniform
ha lovin zahawm leh felfai taka inchei chung siin thalaite an pungkhawm a,
hun hlimawm tak an hmang a ni. College Veng Corps SAY-te pawhin rawn
chhimin, Female Voice mawi tak mai an neih bakah College Veng Corps
SAY Leader - HT.Mawia chuan thuchah tawi ngaihnawm tak a sawi bawk.
Thusawi tawi bakah hla comment tura ruat engemawzat an awm
bawk a ni. Zaina hun hmangtute :- Lalrammawia, C.Lalliansiama,
H.Lalrinsanga, T.Malsawmzuala, C.Laltlanmawia, F.Vanlalhlimpuia, William
Lalchhanchhuaha, Mary Lalnunmawii, Lalhruaizeli, T.Lalrinzuali-te an ni.
Music Nite a zai zawng zawngte, YP Sound bungrua, Corps Band
ten an hla zir hun phal taka Music Nite an kian avangte leh Tv William
Vanlalpeka video coverage avangin SAY hruaitu ten lawm thu an sawi a,
Gospel Icon 2011 star Hlim Hlim-i pawhin hla mawi tak remin chawpchilh
taka sawmna a tihhlawhtlin avangin SAY hruaitute an lawm hle
SAY COUNCIL
19 May 2012 khan SAY Office-ah SAY Council vawi 8-na neih a ni a. SAY Leader
K.Lalremsiama chuan a chair a, SAY OB leh Council Member 15 an kal a ni. An
thurel langsar zualte chu hengte hi an ni:-
1. Lehkha lo lut :- Bethlehem CO Bial SAY atanga lehkha lo lut angin 27 May
hian Sihlui-ah mualinkhawm neih tur chungchang ngaihtuahin member a
tam thei ang ber kal tha an ti a, Sound System bultum tura Bethlehem Corps
SAY-te an ngenna pawh tihhlawhtlin nise tiin an rel.
2. Retreat :- Retreat neih chungchang sawiho niin 21-23 June hian Beraw
tlang-ah neih an rel a, Speaker atan Maj.Vanlalthlanga sawm nise, ani a rem
loh chuan Maj.Lalhlimpuii, DDWM sawm nise tiin a rel bawk. SAY OB,
Council Member leh Brigade OB-te chu kim taka kal tur a ni ang.
3. SAY Sunday :- SAY Sunday lo awm tur thlir lawkin ngun taka ngaihtuah
anih hnuah programme duan a ni.
4. Quarterly Review :- 2012 First Quarterly Review neih a ni a, SAY hnuaia
incharge hrang hrangte hmalakna thlir let a ni a, siamthat ngai ni a an hriat
laite ngaihtuah hovin hmalak dan tur ngaihtuah ho a ni.

Vol. XVIII Issue No.22 HNEHNA ENG Phek 2-na
Associate Editor : Lalremtluanga
Chief Manager
: F.Vanlalhlimpuia
Joint Editor
: Lalrammawia
News Reporters : PC.Lalhmingchhuanga
: Albert Lalruatkima
: Lalthazuala Tlau
: C.Lalbiaktluanga
Pentikost ka tan...
Thlarau Thianghlim, Pathianin a tiam tawh
anga a lo thlenna ni champha kan lo thlen hian Bethlehem
Corps Sipaite leh Hnehna Eng chhiartu zawng zawngte
Lalpan malsawm rawh se.
Vawiin hi mi tam tak tan chuan ni lawmawm,
Lalpa nena hlimna nasa zawk channa ni a ni ngei anga;
thenkhat erawh chuan Pathian a awm tih pawh hre lo
niawm fahranin an damlai ni hlu tak leh tangkai tak tur
chu an khawhral liam leh puat anga. He kan damlai
chhung la la hian thlarau lamah kan inhausak hleih hle
dawn a lo nih hi.
Kar khata ni pawimawh ber Pathianni a Sipai
Pawlin ‘Ni Bik’ a dah thin hian awmzia thui tak a nei a,
thlarau lama kan hlawkna turin vawiin ‘Pentecost
Sunday’ pawh hi mahni theuhah urhsun taka kan
sengluh a tha ang.
Pathian malsawmna kan dil fo thin a, inkhawma
kan kalin Biak In chhung thutna hmuna thut pahin kan
inhlan thin a, mi tam zawk hi chuan ‘Malsawmna’ kan
dil tlangpui. Kan Pathian erawh chuan malsawmna
dawng turin ama biakbuk thianghlimah min sawm lut a
lo ni zawk reng mai. Kan neih loh emaw kan tih, a dila
kan dik laiin Ani erawh chuan kan tan a lo buatsaih
diam tawh zawk thin tih hriat hi a va manhla em!
Vawiinah pawh hian kan tana malsawmna min ruat sak
avanga lawmthu sawi chungin Pathian aw ngaithla
chungin kan hun kan hman a fuh ber ang.
Thlaraubo kan vei tur a ni, Kristiante tih tur
pawimawh ber a ni, amaherawhchu, mahni invei hi a
pawimawh hmasa a ni. Midang tana malsawmna ni tur
chuan, thlaraubo man tur chuan mahni inman a ngai
reng a ni. Mahni inman ila midang chu kan man thei
mai dawn hi a lo ni zawk a, Pathian lehkhabu thianghlima
chanchin inziakte pawh hi chutiang mi chu an lo ni zel
mai zawk a ni.
Mawhphurhna ho te hlentu chungah chuan
mawhphurhna sang zawk leh malsawmna nasa zawk a
thleng thin a malsawmna kan dawng duh anih chuan
kan mawhphurhna a lian emaw a te emaw kan hlen hi a
ngai thin. Mite rin ngam ni tur chuan chhuanlam siam
mai lova kan hmaa tla apiang kan hlen hi a tul a, kan
theih bak aliam anih chuan kawng dang a awm mai ang.
Mi rinawmte hnenah lo chuan Pathian Thlarau hi a
inpuang tam theilo.
Rinawmna hian inremna a pai a, Pentekost
hmasa bera mite kha an rinawmin, inrem takin an awm
a Thlarau Thianghlim thlenna hmun an nih phah ta.
Thlarau Thianghlim khawih harhna kan dil a, a chenna
turin kan inpek phal leh si loh cuan awmzia a nei dawn
lo a ni. Thlarau Thianghlim i thleng ngam em le
Managers
: Lalrohlupuii
: Jonathan Lalchhanmawia
: Nicky Lalhmangaihzuala
: Stephen Lalmawipuia
: Laldinsanga
: Vanlalchhandama
HUN RUATNA
SENIOR CORPS
THIANGHLIMNA INKHAWM (27 th MAY 2012)
HRUAITU : Saichhingpuii, HLWS
BIBLE ADD : Maj.C.Vawra
BIBLE SCHOOL (27 th MAY 2012)
HRUAITU : C.Malsawmtluangi
CHHANDAMNA INKHAWM (27 th MAY 2012)
HRUAITU : Rothangpuii
BIBLE ADD : R.Thanchhunga
SIPAI INKHAWM (30 th MAY 2012)
HRUAITU : Sapchhawni, YPCG
ZIRLAI : Lalremtluanga
TAWNGTAI INKHAWM (2 nd JUNE 2012)
HRUAITU : Lalrohlupuii, YPCG
BIBLE ADD : Vanlalbela
HOME LEAGUE
HL MEETING (29 th MAY 2012)
HRUAITU : Lalthanmawii
ZIRLAI : C.Rohmingthangi, HLVS
,SALVATION ARMY YOUTH
SAY MEETING (28 th MAY 2012)
HRUAITU : R.Vanlalremi, Literature i/c.
BIBLE ADD : Lalthazuala Tlau
FELLOWSHIP (27 th MAY 2012)
Sihlui-ah Mual Inkhawm neih tur a ni a, SAY Member
zawng zawngte chu kal vek tur a ni. SAY Member nilo
tan pawh a duh apiang a kal theih e.
ZING TAWNGTAI INKHAWM (27 th MAY 2012)
A HMUN : Pu Lalrindika(Khawhar In)6:45Am
HRUAITU : Lalawmpuia, Councillor
BIBLE ADD : Robert Lalrinawma
YOUNG PEOPLE
SUNDAY CHAWHMA (27 th MAY 2012)
HRUAITU : Albert Lalruatkima, YPCG
|ANTU : H.Vanlalhriati, Inter Girls III
THURIN SAWIRUAL: Alphonsus Lalena, Inter Boys II
CG TAWNGTAIRUAL: Sapchhawni, YPCG
|ANTU
SUNDAY CHAWHNU
: H.Lalrintluangi, Junior Girls I
CORPS CADET (1 st June 2012)
HRUAITU : Hunlawmawma, CC.Sgt.
TANTU : Laltlanhlua, L/G
THURIN SAWIRUAL : Ramdinmawia, L/G
THTIAM SAWIRUAL : K.Vanlalfakawmi, L/G
BANNA : K.Remhlupuii, L/G
ZIRLAI : Vanlalchhandama, ACCG
(Thla 6-na, Kar 1-na)
Bible Chang byheart tur : II Korinth 6:14; 7:1
Inkhawm banah Lesson chhan tur anih avangin pen ken
vek tur a ni.
PANGPAR KHAWI-TUTE (27 th MAY 2012)
Lalchhandami (Ch.D-i) & Kawli

Vol. XVIII Issue No.22 HNEHNA ENG Phek 3-na
Naupang Pual
HANSON-A TE CHHUNGKUA
- Miss, Mahlimi, YPCG
Indopui II-na hunlai vel kha a ni ta, Juda
Kristian Hanson-a te chhung pawh Hitler-a kut tuar
Juda mi sang tam tak zingah an tel ve a, Warsaw a
an in nuam tak chu an chan tawh a, an pi leh pu
kum 60 chuang tawhte chuan riltam manganna tuar
lovin an boralsan tawh bawk a.
Hanson-te chhung chu an fate 3 nen an panga
in an la dam ve naw naw a. An hmabak erawh a la
thim ngang mai. Tunah hian rel tawt em em maiah
an in ekbeng a. Conentration Camp lamah
tihduhdah, riltam leh thihna hmachhawn turin an
kal mek a ni.
Hansona chuan a nupui fanaute chu a’n
hnem ngial tak nanga amah ber pawh chuan beiseina
a nei chau tawh hle a ni. Thil mak a lo thleng anih
ngawt loh chuan an tan damkhawchhuah chu
abeiseiawm fahran tawh lo a ni.
Hansona chu a’n hawikual a, a chipuite,
beiseina nei tawh lo ngui ngiai maite chu, “A va
rapthlak tam em! Lalpa, hei hi i thlentir phal tak tak
maw!”, a ti hial a. Tawngtai pawh harsa a ti a,
chutih lai chuan a fapa naupang zawk kum 8 chuan
a rawn en a, “Ka Pa, hetianga awm rngawt chu a va
ninawm ve, kan zai thei lovem ni Zinkawngah chuan
kan zai thin kha”, a ti a.
Thil awmzia a la hrethiam chiah lo a ni. A nu
leh pate chuan engkim hrilh chiah an la ngai lo a ni.
Anu pawh chuan a rawn mitmei takah chuan phurlo
fahranin Pu Hansona chu a zai tan ta a, “Isua hnenah
ka him ang, a angchhung nuamah chuan”, tiin
zawitein a rawn tan a, an nuin a rawn zawm ve a, a
fate nen an zai ta tham tham a. Mak tak maiin Pathian
hnathawh a lo thleng ta a.
Beiseina nei tawhlo, an nu leh pa leh an fate,
an chhungte chan beidawng tawh, an mahni pawh
thihnain a lem mekte zingah ngei chuan, Juda mi,
Isua ringtu ni ve lote pawh chu an tuiral zo ta a. An
thinlung tih enin a lo awm a. Chu lungngaihna
darkarah ngei chuan Pathian chhandamna an lo
chang ta a ni.
An hmabaka thil lo thleng tur hlauhna an nei
tawh lo. An taksa chu thi mek mahse an thlarau
erawh hlimna, mak tihna, lawmna leh thlamuanna
avangin a zuanin a zuang a ni.
Chu rela chuangte chu a then, a hnu reiloteah,
a then kar khat hnuah, a then erawh thla
engemawzat hnuah tih hlum an ni a.
Amaherawhchu, anmahni a chi nung erawh a thi
ve lo. Hitlera’n Judi mi a thah sang tam takte zingah
rawngbawlna chu thi mai lovin a alh hlep hlep ta
reng mai a ni.
HAPPY
BIRTHDAY
SAY Member zingah 27 May - 2 June inkara piangte
lawmpuina leh duhsakna kan hlan e.
Hming Birthday
1. Malsawmdawngzeli, H/S Veng 27-May
2. Samuel CVL Sawma, H/S Veng 27-May
3. B.Lalchhanchhuaha, Rimawi Veng 29-May
4. K.Lalbiaksanga 31-May
HEADQUARTER / WORLD NEWS
MAWHPHUR LO
Chawlhkar hmasa 3rd week of May 2012 a chhuak Wales
& England rama Missionary dil theih tih chungchangah
khan, Salvation Army thil a ni lova, chhuah tura ngenna
avanga chhuah kan ni a, IET Headquarters in
mawhphurhna a neilo tih min lo hriat sak dawn nia.
LT.COL.THANHLIRA TE NUPA CHAWL TAWH
DAWN
Lieut.Col Thanhlira leh a nupui Lieut.Col.Thantluangi
te chu Sipai pawl Officer Active Service an nihna atangin
an chawl dawn ta a, 10th June 2012 (Sunday) hian Aizawl
Temple-ah anmahni thlahna hun hman a ni ang.
Col.Thanhlira hi Officer a tan hma in Cachar
ramthimah hlawh neilova mahni intodelhin hun reife
rawngbawla lo thawk tawh a ni a, 1971 kumah Officer
ah Commissioned a ni a, kum 41 & thla 7 a thawk a ni.
Col Thantluangi erawhchu 1975 ah Salvation Army Officer-a
nemngheh a ni a, kum 37& thla 2 a thawk bawk a
ni. Senior an tin zel a, Officer thar an chhuak zel a,
“Chhandamna Sipai Pawl chu a kal zel e”.
JULIE AFTAB - PAKISTAN RAMAH
Pakistan rama Pathian a Rinna avanga
hrehawmna nasa tak a tawrh hnuah Julie Aftab
chuan nun thar kawng zawh leh turin United States
ah a awm ta.
Kum 16 a nih laia Pathian phatsan tura an
tih pawh a a duh loh avangin nasataka sawisak leh
tihduhdah a tawk a. “Ha ka nei lo a, Biang mumal
pawh ka nei lo, ka mit a chhe bawk a” Aftab chuan
a ti.
A hmaiah battery acid an theh a, a hrawkah
an leih lut bawk a. Aftab chu a la dam a, mahse a la
tawp mai lo. Damdawiinah a awm dam lamah tura
hrai a ni leh a, silaiin an kap bawk a ni.
A hnuah phei chuan Kristian a nih avangin a
lu man an siam hial a ni.
“Chu chu alawm anni leh kei kan danglamna
chu, Kristian ka nih angin, ka thil zir hmasak ber chu
ngaihdamna hi a ni” Aftab chuan a ti.
United States a an lak hnu chuan battery acid
in a tihchhiat tawh chu nasa taka siam that tum a
beih a ni a. Catholic Charities, mi hrang hrang,
kohhran hrang, chhenna hrang leh rethei leh hauhsa
pawh thliar lo a tanpui tu leh Aftab chu an intawng
ta a.
“Poisa ka nei lo a, tanpui ka ngai a ni”ka ti a.
Kum 19 liam ta atang khan Catholic Charities ho hian
raltan 3000 chuang US citizenship an lo hmuh sak
tawh a ni. Tunah chuan Aftab chu nunbul tan leh
in, taksa lamah harsatna la nei mahse, Pathianin a
tana kawng a buatsaih leh a hruainaah hian a
lawmzia a sawi a ni.
“Mi thenkhat chuan angel an awm lo, Pathian
pawh a awmlo an ti a. Mahse kei chuan heath hian
tunah ngei hian ka hmu a ni” a ti.
Aftab hian University of Houston-ah
accounting degree a nei mai dawn bakah Pasal tur
tha tak nen an in hual mek bawk a ni.
KEIMAHNI
Tun kar issue tur Sermon peihfel hman anih loh
avangin sermon telh a ni lova, chhiartute hriatthiamna
kan CORPS dil tak HNATLANG meuh a ni. : 24 MARCH (ZIRTAWP) ZAN
(0

Vol. XVIII Issue No.22 HNEHNA ENG Phek 4-na
THI TURA AN HRUAI TE CHU CHHANCHHUAK LA,
THAH MAI TURTE CHU CHHANCHHUAK THUAI RAWH.
HEADQUARTER NEWS
NI PAWIMAWH
20 May 2012 (Sunday) Anti-Gambling & Anti-
Corruption Sunday chu Corps tinah tluang taka hman a
ni a, rah tha tak a chhuah zui zel beisei a ni
27 May 2012 (Sunday) hi Penticost Sunday a ni
a, he hun atan hian Corps tam takin Thlarau Thianghlim
malsawmna thar a thlen theih nan tawngtainain an lo
hmuak a, an beisei ang ngeia Thlarau Thianghlim
malsawmna tamtak nena hun hmang turin Territorial
Headquarters chuan duhsakna a hlan a ni.
Lt.Colonel Lalramhluna C.S chuan Penticost
Sunday-ah hian Durtlang North Corps-ah hun a hmang
anga, T.C leh THQ Staff Officer tamber chuan Aizawl
Temple Corps-ah hun an hmang dawn a ni.
CENSUS CHUNGCHANGAH INHMUKHAWM
Central North Division huamchhunga Officerte
chuan Census chungchangah inhmuhkhawmna hun
an nei a, he hun hi Booth Mansion-ah hman a ni a, Major
Zothanmawia DC in inkhawm kaihruaiin, Major
Sangchhunga Secretary Statistics THQ chuan Census
pawimawhna leh kan mite hriatchianna kawnga
thahnemngaihna thute a sawi zawhah Census zirhona
atana Paper a buatsaih chu semin zirhona hun an hmang.
C.O-te leh DHQ Officer-te bakah Cadet Field Training-a
awm mekte pawh kim takin an tel a ni.
NI 12 CHHUNG CRUSADE A TIAK TA
Chaltlang Corps SAY hote buatsaih Crusade chu
9 May 2012 atanga tanin 20 May 2012 (Sunday) zanah a
tiak ta. Crusade hi thalaite buatsaih a ni na a, mipui an
thahnem thei hle a, thalai leh upa lamte pawh an kim
thei hle a ni; a tantirh zan atangin Biakin an khat nghal
a, a tawp thlenga inkhawm kiam chuang lovin, hlim
lamna lamah thawk em em lovin, sual simna leh thuk
zawka nun siamthatna lamhawiin boruak a kal nasa hle
a, heng Thlarau Thianghlimin a khawihte hi puitling
tak takte an ni.
Speaker, Major Vanlalthanga Territorial Spiritual
Development Secretary hi tunhma atang tawhin
Pathianin nasa takin a hmang tawh a, tunlai pawh hian
chawlh awm lovin rawngbawlna a kalpui reng a ni.
Thuhril bakah tihdam rawngbawlna Pathianin a pe a,
mi tamtakin tisa leh thlarauvah malsawmna amah
kaltlangin an dawng thin. A chenna Quarters - DHQ
Central North Division chung, Dawrpui-ah mi tamtakin
an pan thin a, damlo khumbette pawh anmahni In lamah
an ngenna angin a pan ve bawk a, natna khirh tak tak
tuarten damna an chang bawk thin. Tin, nun tuihalna
leh harsatna nei mi hrang hrangin an pan bakah, phone
kaltlanga sawipuina leh tawngtai sakna a nei bawk thin.
CROSS QUATERS
Nl Lalchhandami CT, Ebenezer Corps-te chhungkua
chuan, Waigati South Tripura ah Soldier of Cross Quarters
tha tak an sa a, 8th May 2012 khan bialtu CO Captain
K.Rohlupuia’n Pathian hnenah hlanin a hawng ta a,
luah theih in a lo awm ta. WAIGATI khua hi Mualthuam
hnam chenna a ni a, an zinga mi thenkhat Kristian lo ni
sa an awm a, adangte chu ringthar an ni. Zodinpuii SC
in a enkawl a, ani hi Bungkawn Corps Aizawl atanga
he hmuna thawk tura inpe a ni. He thu ziak lai hian
Zodinpuii SC hi Malaria P.V avangin a dam lova, in
enkawl turin Aizawl ah alo chhuak a, enkawl mek ani.
A tan leh a enkawl mipuite tan tawngtai ila.
PROPERTY BOARD THU THAR
22 May 2012 (Thawhlehni) a THQ Property
Board thutlukna angin, Booth Mansion Conference Hall
leh Tawngtaina tlang hmang duhte chuan Territorial
Commander hnenah dilna ziakin Major Lalhriatpuia
Property Secretary hnenah ngaihven tur a ni.
COUNCIL NEI
18 May 2012 khan RM Hall, Bazar Corps-ah Central
North Division Women’s Ministries Council neih a ni a,
member 66 zingah member 51 an kala 2012 Action plan
bawhzui zel dantur leh 2013 Home League Rally
chugchangte an sawiho a ni.
TC & DC IN AN HLAN
Central North Division Women’s Ministris Council 2012
– 2014 member tharte chu 20 May 2012 (Sunday)
Thianghlimna Inkhawm ah Colonel Lalngaihawmi T.C
chuan Pathian hnenah a hlan a, hemi ni vek Fakna
inkhawmah Central North Division Home League
Zaipawl member tharte pawh Maj.Zothanmawia DC in
a hlan bawk.
THAWKTU QUARTERS SA
Central North Division Home League-ho chuan Home
League Sunday thawhlawm tlingkhawm hmangin
Lungphun Society, South Tripura ah Soldier of Cross
Quarters an sak sak a, an In sak hi a chung Rangva, a
bang ah dap hmanga sak a ni.
CENTRAL NORTH DIVISION WOMEN’S MINIS-
TRIES HMALAKNA THENKHATTE :
25 May 2012 khan, Central North Division
Women Ministry chuan Sakawrdai Corps-ah Seminar on
Administrative Leadership a buatsaih a, hei hian Ratu
CO bial- Sakawrdai CO, Senvawn CO bial a huap anga,
Seminar hi Major Vanlalnungi DDWM leh Major
Lallawmpuii DSWM ten an kaihruai anga, Major
Lalngilneii Ramhlun CO bial, Major Remchhungi
Chaltlang CO bial leh Pi K.Laldawngliani HLS Ramhlun
V.T Corps ten an tawiawm ang.
Central Norh Division Women Ministry hian tunhma
deuh pawhin heng bial 3 :
1. 16 April 2012 - Behliangchhip Corps
2. 26 April 2012 - Tuidam Corps
3. 11 May 2012 - Suangpuilawn Corps-ah te hian Seminar
anlo huaihawt tawh thin a, an lo hlawkpui hle tawh
thin a ni.
NEICC PLATINUM JUBILI LAWMNAAH TEL
North Eastern India Christian Council Platinum Jubili
lawmna Shillong-a neih zawh takah Salvation Army
aiawhin ahnuaia mite hi an tel :
Pi Vanlalmuani (W/o Rev.David Whitener,
Guwahati, Pu Zoramthanga CSM Shillong
Pu Vanlalruata Col/Sergt Shillong, Maj.K.Lalbiaktluanga
CO, Shillong CO bial.
Salvation Army aiawha rawngbawlna
pawimawh a kalte avangin Headquarter chuan lawmthu
a sawi e.
Published by THE SALVATION ARMY YOUTH, Bethlehem Corps : 2012
Editor : William Lalchhanchhuaha (: 8014343637 , Website: www.hnehnaeng.blog.com
Email : hnehna.eng@gmail.com || Printed @ Zorin Compugraphics Treasury Square. Private Circulation Only C. 220 /-