You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Vol. XVIII Issue No.<strong>36</strong> HNEHNA ENG Phek 3-na<br />
HENGTE AI HIAN NANGIN KEI MI<br />
HMANGAIH ZAWK EM - John 21:15<br />
- Lalbiaktluanga Royte, CG<br />
Tisa leh thlarau indona ramah hian tisa chuan thlarau dona lam a chak thin a, thlarau pawhin<br />
tisa dona lam a chak thin. Thlarau in tisa dona a hneh theih nan kan duhthlanna hian thlarau chu<br />
thlang fo sela, Pathian hmangaihna lamah I thang lian zel ang u. He thu hi Lal Isuan Petera hnenah a<br />
sawi mai ni lovin nangma hnenah pawh a zawhna che a ni tih hria ang che.<br />
Petera hian Isua a thlang tawh a, Sangha<br />
man tawh lova, mihring man tawh tura tih a ni.<br />
Mahse sangha man bawkin a kal leh ani. He mi<br />
zan hian engmah an man lo. Isua an zingah a rawn<br />
in lar a. Lawng sir dinglamah khan len deng rawh<br />
u a ti. An han den chuan Sangha tam tak avangin<br />
an len an hnuk chhuak zo ta lo. Peteran ‘Lalpa a<br />
nih saw’ a ti. An sangha man chu Za leh sawmnga<br />
leh pathum lai a ni. Isuan Petera hnenah he thu hi<br />
a sawi ta.” Hengte ai hian nangin kei mi hmangaih<br />
zawk em” tih hi. Tunah chuan a hma a mi anga<br />
Lalpa ka hmangaih che, ka duh che, ka thlang ber<br />
che tih satliah mai mai hun a nit a lo. Vawithum<br />
ngawt a phatsan avang khan em ni ang, vawi<br />
thum ngawt zawhna a zawh let ve ni.Lalpa ka<br />
ngaina che ti chauhin a chhang a, Marin Lal Isua<br />
ka ngaina, a bula awm nuam a ti hle, mahse a ring<br />
zo tak tak lova. Marin a rin loh avangin Isua pawh<br />
a tap tawp a nih kha. Ngainat ringawt ni lovin a<br />
hmangaih bur a ngai. A chhiat a that pawh a nawm<br />
leh hrehawm, hauhsak leh retheih pawh a a<br />
hmangaih tlat a ngai. Lal Isua aia min hmangaihtu<br />
an awm lo. Kan hrehawm tawh ai, kan nat ai, kan<br />
lungngaih ai, kan phurrit phurh ai kan thih ai a<br />
thi a. Thi a kan tana tuartu a ni. I zu in chakna lo<br />
kal thinte, I drugs tih chakna lo awm leh thinte,<br />
khawvel thil I ngainat rukna zawng zawng kha<br />
Lal Isua hmangaihna zawkin lan vek rawh se.<br />
Awle, hengte ai hian a tih chu…<br />
1) A ei zawnna LEN aiin a thlan a ngai. Len<br />
chu a ei zawnna, a sawrkar hna, a chhungkaw<br />
chawmna a ni. Mahse a Len aiin Isua chu a<br />
hmangaih a, a thlan a ngai a ni. Tirhkohte Thiltih<br />
16:16 ah Nula a hming tih lan loh, Ramhuai<br />
aienthiam, a pute tan a sum tamtak la lut tu kha<br />
Paula tan a ramhuai aienthiamna chuan<br />
hnawhchhuah sak ta si a. A pute an thinrim hle<br />
tih kan hria. Hebrai 11:24 ah Mosia chuan Pharoa<br />
fanua fapa vuah duh lovin reilote atana sual<br />
nawmna hlimpui ai chuan Pathian mite nena<br />
tihduhdah tuar a thlang ta zawk a. Hmuh theih<br />
lova chu a hmuh avangin a tuar tan tan a a ti. A va<br />
ropui em! Hmuh theih lova I hmuh avangin heng<br />
I tuarna te hi chu I chan ngam zel a ngai. I channa<br />
zelah Lal a lo mawi ang. I eizawnna I kalsan thei<br />
lo anih pawhin, hla siam tu chuan, kal chhuak thei<br />
lo te pawh in mawhphurhna lian tak an nei. Thil<br />
pekah rawngbawl turin Lalpan min ko, a ti.<br />
2) A malsawm dawn SANGHA aiin a<br />
hmangaih a ngai. An sangha man a tam tehlul nen.<br />
An han hlawhtling ve bawk a, a sangha man aia<br />
amah Lal Isua a thlan, a hmangaih a lo ngai leh si.<br />
Malsawmna kan dil a, mal min sawm rawh kan ti<br />
reng a, mal min sawm ta chenga a malsawmtu lam<br />
aiin a malsawmna ah kan buai leh a, a malsawmtu<br />
hre lek lo hian hun kan hmang ral leh thin.<br />
Malsawm dawn chu a tha e. Mahse, I zirnaah I lo<br />
hlawtlinga hei hian Thiltithei i lo nih in chipui te<br />
theihnghilh suh. Lalnu Estheri hre reng rawh. I<br />
sumdawnna ah malsawmna i dawn chu Lalpa<br />
hnenah lawmthu sawila, sawma pakhat pe rawh.<br />
Nun thar neia I hun I hman chhoh mek lai hian I<br />
hmelma I lo hneh zel theih nan a Biak Inah kal<br />
thin la, Bible chhiar la, Tawngtai in thlah dah suh.<br />
Tin, kan hriat tur chu Luka 10:17ah zirtirte<br />
tirhchhuah an nih khan, ramhuaite an thu thua an<br />
awm avang khan an lawm a, Isua hnena an rawn<br />
thlen pawh khan an sawi hmasakber a ni. Isuan,<br />
ramhuaite in thu thua an awm avangin lawm suh<br />
u, Vanah in hming ziak a nih avangin lawm zawk<br />
rawh u a ti.<br />
3) Amah Petera aiin a thlan/hmangaih<br />
angai. Luka 5:8 ah Lalpa min kalsan rawh misual<br />
ka nih hi a ti zet a, mahse a nun hman chhoh zel<br />
enin, Petera chu nun humhim duh mi, ropui chak<br />
mi a ni. Hmel danglamna tlang te, Tui chunga ke<br />
a a kalna te, Puithiam Lalber kawt zawla a nun<br />
humhim nana a Lalpa vawithum a phat nate.<br />
Matt.10:38 ah tupawh a kraws pua mi zui ho chu,<br />
ka mi ni tlak a ni lo. Tupawh a nunna humhim<br />
duh apiangin a chan anga, keimah avanga nun<br />
chan apiangin chu mi ngei chuan a humhim ang a<br />
tih lain Petera nun chu nun nghet lo ani. Tunah<br />
chuan Peteran Petera a in man ta. A Lalpa an<br />
khenbeh ang pawh ni lovin a letling zawnga<br />
khenbeh tlak anih zia a lo sawi chhuak ta. A<br />
naupan lai chuan a duh duh in a taiah a in hreng<br />
a, a kal thin. Tunah chuan midangin an hren saka,<br />
a duh lohna lamah a kal a ngai ta. I tih thin I chak<br />
zawng tih a rem tawh lo. I tih ngai loh te tih a tul<br />
tawh zawk a ni. A tha lo a ni tih I hriat, sipai pawlin<br />
a duh loh thil te pawh I tih loh ngam a ngai ta.<br />
Lalpa I hmangaih takzet zet chuan.<br />
Lalpan malsawm rawh se.<br />
JCB FOR HIRE<br />
JCB hire duh tan JCB<br />
3XD thar hlak hire tur ka<br />
nei e. Man tlawm leh<br />
chak taka hnathawh<br />
duhte tan koh theih reng<br />
kan ni e. Contact :- Robert, 09862559400<br />
VEE CEE CHICKEN TADOORI<br />
Arsa tuihnai leh thianghlim, uluk taka hem hmin,<br />
a hrisel leh tui em vanga zawngchhang hlawh tak,<br />
hun pawimawh a hmaih theih loh Chicken<br />
Tandoori kan nei reng e. Home Delivery kan tih<br />
nghal avangin i duhna hmunah kan dah sak thlap<br />
thei che ania.<br />
Contact :- 9862413777 / 9615821450