Hnehna Eng 36

More documents

Recommendations

Info

$H:\Hnehn Eng 45.pmd - Hnehna Eng$

$C:\Documents and Settings\Ot@kU - Hnehna Eng$

$I:\Hnehna Eng 24.pmd$

$H:\Hnehna Eng 38.pmd$

Vol. XVIII Issue No.36 HNEHNA ENG Phek 2-na Associate Editor : Lalremtluanga Chief Manager : F.Vanlalhlimpuia Joint Editor : Lalrammawia News Reporters : PC.Lalhmingchhuanga : Albert Lalruatkima : Lalthazuala Tlau : C.Lalbiaktluanga Harsatna - Part III... Mahni leh mahni hi a indodal theih ve khawp mai, Bible in a sawi ang deuh hian tisa duhzawng leh thlarau duhzawng hi a inhal tlat a; kawng tam takah kan duh dan leh Bible min zirtirna a inkalh chang hian her rem tumin he thu ziaktu pawh hi a buai fo thin a, a hahthlak ngei mai! Zuk leh hmuam kawngah hian mi tam zawk chu her rem tumin harsatna kan tawk hnem ber awm e Mizoram-ah chuan. “Thlarau zawngin a peih naa tisa erawh a chak si lo” tih te hi tawngkam mawi takah kan ngaiin zak hauh lovin kan sawi zuah zuah a, kan tih dik theih reng kan tih peih loh vanga inthiam chawp nan, tlanchhiat nan kan hmang thin. Thianghlim fakim Krista nun kan neih chuan Krista nun kan tawmpui anga, thianghlima min puanna hmun ngeiah chuan thianghlimna nun kan nei tawh ang. Thianghlim fakim theilo ti reng chunga thianghlim tum ve bawk si chu saltang a ni. Krista thianghlimna tawmpuitu tan anchhe dawng famkim lohna kalsanin van mi a nih tawh avangin hmalam an pan zel a, Krista thisena insufaite chuan anmahni taksa ngei intithianghlimin ‘Krista ah chuan engkim ka ti thei’ tih an vawng nun reng a ni, ka main Lalpa an chawimawi tawh lova, thiltih leh taksa ah ngei Krista chhinchhiahna eng chu an lantir a ni. Up bettu chu pawn lam mi a ni. Min tlanchhiat tir thintu hi hmelmapa thang a ni tih man a tha khawp mai. Zuk leh hmuam pawh nghei theilo chuan engtin nge Zu ngawlvei, Drugs addictte an thiltih bansan turin a zirtir theih ang ni! Zuk leh hmuam vang hian harsatna kan tawk hnem tlang a ni tir’u. Mi an changkang tawlh tawlh a vantlang hmunah mei a zuk ngam tawh si lova, kuhva ei sen huam ai chuan nui var sar a zahawm zawk bawk si. Fresh taka awm hi mi hausa leh hausa lo tan pawh a theih vek a ni. Engpawh chu nise, zuk leh hmuam bansan vanga inchhir hi an tam lo hle a, hriselna tha awlsam tein a neih theih a, hriselna tha chuan rilru fim leh sum a lei sen loh hriselna malsawmna a keng a ni. Zuk leh hmuam vang hian kan nih tur ang kan ni zo lo thin, min ti \awp a, min ti hrisel lo a ni. Mahni tan kan nghei theilo anih pawhin kan Pathian tan hian nghei in tum nawn leh teh ang u. Kan dinna tur hmun dik tak, kan rochan tur dik tak kan luah theih nan kan taksa ngei hi i hlan ngam zel ang u kan rilru mai ni lovin. Lalpa tanpuinain he harsatna hi chu mitin ten kan hneh ngei ang. “Kangfai thianghlimtu Mei rawn tir ang che, vawiin ngeiah hian.” Managers : Lalrohlupuii : Jonathan Lalchhanmawia : Nicky Lalhmangaihzuala : Stephen Lalmawipuia : Laldinsanga : Vanlalchhandama HUN RUATNA SENIOR CORPS THIANGHLIMNA INKHAWM (2 nd SEPTEMBER 2012) HRUAITU : Rohmingthangi, HLVS THUSAWITU : K.Lianluaia, WS BIBLE SCHOOL (2 nd SEPTEMBER 2012) HRUAITU : Chhingnghilhlovi CHHANDAMNA INKHAWM (2 nd SEPTEMBER 2012) HRUAITU : Rinpuii THUSAWITU : C.Vanlalnghaki, YPSM SALVATION ARMY YOUTH SAY FELLOWSHIP (2 nd SEPTEMBER 2012) HRUAITU : Malsawmdawngzeli TANTU : H.Lalrinsanga SAY MEETING (3 rd SEPTEMBER 2012) BEIHRUAL THUPUI : LAL ISUA MISSION HRUAITU : Vanlaltlani ZIRLAI : Joseph Laldailova TAWNGTAIRUAL : Lalhruaizeli YOUNG PEOPLE SUNDAY CHAWHMA (2 nd SEPTEMBER 2012) HRUAITU : PC Lalhmingchhuanga, YPCG TANTU : C.Lalruatpuii, Inter Girls I BIBLE : C.Vanlalnghaki, YPSM SOLO : Vanlalhlimpuii, YPL CG TAWNGTAIRUAL : Lalhmingchhuangi, YPRS SUNDAY CHAWHNU (2 nd SEPTEMBER 2012) TANTU : Jacob Vanlalruata, Inter Boys I HOME LEAGUE HOME LEAGUE MEETING (4 th SEPTEMBER 2012) BEIHRUAL THUPUI : CHANCHIN THA HRIL GROUP 1 : PU LALTHAVUNGA-TE INAH HRUAITU ZIRLAI GROUP 2 HRUAITU ZIRLAI : Saichhingpuii, HLWS : R.Thangpuii, HLS : PU CHAWNGPARA-TE INAH : Rohmingthangi, HLVS : Maj.Roziki PANGPAR KHAWI-TUTE 2 nd SEPTEMBER 2012 Rothangi & Rothuami SEPTEMBER USHERS C.Vanlalhlimpuii F.Laltanpuii Lalhmunmawii Cindy Lalhmingsangi C.Laltlanmawia R.Lalnunmawia BEIHRUAL HUNRUATNA HRUAITU THUPUI CHANGTU 5 th AUGUST 2012 KRISTIAN RINNA TAKZIA C Lallawmsangi (Ate-i) T. Remsangliana 6 th AUGUST 2012 INDIA RAM KRISTIAN MISSION C.Vanlalruati R.Thangpuii, HLS 7 th AUGUST 2012 TUNLAI INDIA RAM KRISTIAN MISSSION Corps Cader Inkhawm 8 th AUGUST 2012 CHANCHIN THA HRIL HNA KALPUI MEK DAN Thangpuii Sanghlira
Vol. XVIII Issue No.36 HNEHNA ENG Phek 3-na HENGTE AI HIAN NANGIN KEI MI HMANGAIH ZAWK EM - John 21:15 - Lalbiaktluanga Royte, CG Tisa leh thlarau indona ramah hian tisa chuan thlarau dona lam a chak thin a, thlarau pawhin tisa dona lam a chak thin. Thlarau in tisa dona a hneh theih nan kan duhthlanna hian thlarau chu thlang fo sela, Pathian hmangaihna lamah I thang lian zel ang u. He thu hi Lal Isuan Petera hnenah a sawi mai ni lovin nangma hnenah pawh a zawhna che a ni tih hria ang che. Petera hian Isua a thlang tawh a, Sangha man tawh lova, mihring man tawh tura tih a ni. Mahse sangha man bawkin a kal leh ani. He mi zan hian engmah an man lo. Isua an zingah a rawn in lar a. Lawng sir dinglamah khan len deng rawh u a ti. An han den chuan Sangha tam tak avangin an len an hnuk chhuak zo ta lo. Peteran ‘Lalpa a nih saw’ a ti. An sangha man chu Za leh sawmnga leh pathum lai a ni. Isuan Petera hnenah he thu hi a sawi ta.” Hengte ai hian nangin kei mi hmangaih zawk em” tih hi. Tunah chuan a hma a mi anga Lalpa ka hmangaih che, ka duh che, ka thlang ber che tih satliah mai mai hun a nit a lo. Vawithum ngawt a phatsan avang khan em ni ang, vawi thum ngawt zawhna a zawh let ve ni.Lalpa ka ngaina che ti chauhin a chhang a, Marin Lal Isua ka ngaina, a bula awm nuam a ti hle, mahse a ring zo tak tak lova. Marin a rin loh avangin Isua pawh a tap tawp a nih kha. Ngainat ringawt ni lovin a hmangaih bur a ngai. A chhiat a that pawh a nawm leh hrehawm, hauhsak leh retheih pawh a a hmangaih tlat a ngai. Lal Isua aia min hmangaihtu an awm lo. Kan hrehawm tawh ai, kan nat ai, kan lungngaih ai, kan phurrit phurh ai kan thih ai a thi a. Thi a kan tana tuartu a ni. I zu in chakna lo kal thinte, I drugs tih chakna lo awm leh thinte, khawvel thil I ngainat rukna zawng zawng kha Lal Isua hmangaihna zawkin lan vek rawh se. Awle, hengte ai hian a tih chu… 1) A ei zawnna LEN aiin a thlan a ngai. Len chu a ei zawnna, a sawrkar hna, a chhungkaw chawmna a ni. Mahse a Len aiin Isua chu a hmangaih a, a thlan a ngai a ni. Tirhkohte Thiltih 16:16 ah Nula a hming tih lan loh, Ramhuai aienthiam, a pute tan a sum tamtak la lut tu kha Paula tan a ramhuai aienthiamna chuan hnawhchhuah sak ta si a. A pute an thinrim hle tih kan hria. Hebrai 11:24 ah Mosia chuan Pharoa fanua fapa vuah duh lovin reilote atana sual nawmna hlimpui ai chuan Pathian mite nena tihduhdah tuar a thlang ta zawk a. Hmuh theih lova chu a hmuh avangin a tuar tan tan a a ti. A va ropui em! Hmuh theih lova I hmuh avangin heng I tuarna te hi chu I chan ngam zel a ngai. I channa zelah Lal a lo mawi ang. I eizawnna I kalsan thei lo anih pawhin, hla siam tu chuan, kal chhuak thei lo te pawh in mawhphurhna lian tak an nei. Thil pekah rawngbawl turin Lalpan min ko, a ti. 2) A malsawm dawn SANGHA aiin a hmangaih a ngai. An sangha man a tam tehlul nen. An han hlawhtling ve bawk a, a sangha man aia amah Lal Isua a thlan, a hmangaih a lo ngai leh si. Malsawmna kan dil a, mal min sawm rawh kan ti reng a, mal min sawm ta chenga a malsawmtu lam aiin a malsawmna ah kan buai leh a, a malsawmtu hre lek lo hian hun kan hmang ral leh thin. Malsawm dawn chu a tha e. Mahse, I zirnaah I lo hlawtlinga hei hian Thiltithei i lo nih in chipui te theihnghilh suh. Lalnu Estheri hre reng rawh. I sumdawnna ah malsawmna i dawn chu Lalpa hnenah lawmthu sawila, sawma pakhat pe rawh. Nun thar neia I hun I hman chhoh mek lai hian I hmelma I lo hneh zel theih nan a Biak Inah kal thin la, Bible chhiar la, Tawngtai in thlah dah suh. Tin, kan hriat tur chu Luka 10:17ah zirtirte tirhchhuah an nih khan, ramhuaite an thu thua an awm avang khan an lawm a, Isua hnena an rawn thlen pawh khan an sawi hmasakber a ni. Isuan, ramhuaite in thu thua an awm avangin lawm suh u, Vanah in hming ziak a nih avangin lawm zawk rawh u a ti. 3) Amah Petera aiin a thlan/hmangaih angai. Luka 5:8 ah Lalpa min kalsan rawh misual ka nih hi a ti zet a, mahse a nun hman chhoh zel enin, Petera chu nun humhim duh mi, ropui chak mi a ni. Hmel danglamna tlang te, Tui chunga ke a a kalna te, Puithiam Lalber kawt zawla a nun humhim nana a Lalpa vawithum a phat nate. Matt.10:38 ah tupawh a kraws pua mi zui ho chu, ka mi ni tlak a ni lo. Tupawh a nunna humhim duh apiangin a chan anga, keimah avanga nun chan apiangin chu mi ngei chuan a humhim ang a tih lain Petera nun chu nun nghet lo ani. Tunah chuan Peteran Petera a in man ta. A Lalpa an khenbeh ang pawh ni lovin a letling zawnga khenbeh tlak anih zia a lo sawi chhuak ta. A naupan lai chuan a duh duh in a taiah a in hreng a, a kal thin. Tunah chuan midangin an hren saka, a duh lohna lamah a kal a ngai ta. I tih thin I chak zawng tih a rem tawh lo. I tih ngai loh te tih a tul tawh zawk a ni. A tha lo a ni tih I hriat, sipai pawlin a duh loh thil te pawh I tih loh ngam a ngai ta. Lalpa I hmangaih takzet zet chuan. Lalpan malsawm rawh se. JCB FOR HIRE JCB hire duh tan JCB 3XD thar hlak hire tur ka nei e. Man tlawm leh chak taka hnathawh duhte tan koh theih reng kan ni e. Contact :- Robert, 09862559400 VEE CEE CHICKEN TADOORI Arsa tuihnai leh thianghlim, uluk taka hem hmin, a hrisel leh tui em vanga zawngchhang hlawh tak, hun pawimawh a hmaih theih loh Chicken Tandoori kan nei reng e. Home Delivery kan tih nghal avangin i duhna hmunah kan dah sak thlap thei che ania. Contact :- 9862413777 / 9615821450
Page 1: 2012 THUPUI “KA THLARAU ZAWKIN LE

Hnehna Eng 36

Create successful ePaper yourself

Delete template?

Save as template?