Naparroako Euskal ar.. - Euskerazaintza

Gizon oien eskuetan dago antziñako Naparroa'ren izen aundia
ta gaurko agintaritza.
Gaiñera gai batzuentzat ba daukate konseju bat aolkoa emateko,
gauza zaillak obeto zuzendu nai diranean.
Naparro'ko etorkizunari buruz Diputazioa 1964 urtean asi zan
Industriaren erakunde berexia egiten. 28.200 lantoki eratu zituan
ta oiategi berriei errestasunak eman zien Naparro'ra etortzeko. Danetara
292 olaberri sortu ziran zazpi urte oietan.
Orain datoztean iru urtetan, beste 17.500 lantoki berri eratu
nai dituzte. Egitarau edo programa onekin ikusten deguna da, Naparroa
argi dabillela; olategiak, errege bideak, egazkin tokiak,
ikastetxeak eta eskolak, urrutizkiña eta abar, gero ta geiago ugaritzen
dijoaz.
Erakunde ontan Iruña ez dago lo. Lenengo urratsak ematen ari
dira, iriaren egoaldera, 90.000 biztanlentzat, auzo berriak egiteko.
Iruña'ko Diputazioaren etxean Naparro osoko semeak lana
egiten dute. Baillara ta erri guztietakoak Iruña'n biltzen direla, beren
etxean ba lira bezela alkartzen dira. Beren errietan nagusi daudela
agertzen zaizkigu berriz. Diputazioak egiten du Iruña'n Naparro'ko
batasuna. Napar senaren galbaia Iruña degu.
Gaiñera Diputazioak Iruña'n Naparro'ko kulturari, egitura bat
eta lenengo oñarriak eman dizkio.
Gerra aurretik aipatzen ditugu beste atal batean Iturraldek
egindako lanak; euskalzale jator au asi zitzaigun Naparro'ko edergalluei
balioa ematen. Gure anai arteko gerra ondorean, 1940'garren
urtean Diputazioko buru Rodezno'ko kondea zegoen ta orduan
sortu zuan Principe de Viana kultura ekintza. Urte ortan bertan
atera zan izen orren aldizkariaren lenengo zenbakia. Principe de
Viana autapen orren bidez, lana ugari egin da Naparro'ko kulturaren
alde. Ia asieratik orain arte buru bezela J. E. Uranga dago.
Geroztik edergallu ugari berritu dituzte; Noain, Eunate, Leire,
Ironzu, Muskaria'ko eliza nagusia, Aralar'ko San Migel, Iruña'ko
katedrala, Olite, Artajona, Fitero eta abar.
Liburu ederrak ere argitaratzen ari dira.
130