ERREGISTRATU SARTU BAJA EMAN - AVPD - Euskadi.net

4.2. UNITATEA
FOTOKOPIA EGIN
IKASLEAK
83
16:00 Helena lehenago atera da lanetik ospitalera joan behar delako espezialistarengana. Duela hiru urte, familiaren
baserrian istripu bat izan zuen eta tiro bat jaso zuen hankan. Oraindik orain, mina du zaurian. Ospitalera heldu da
eta bere datu pertsonalak eman ditu. Espezialistak bere espediente osoa du eta Helena konturatzen da bere mediku
historial osoa ospitaleko sistema elektronikoan dagoela jasota. Ez dio inporta. Azken finean, informazio hori bera
tratatu behar dutenek baino ez dutela ikusiko pentsatzen du.
19:00 Helenak New Yorkeko klinika pribatu batera joan nahi du, kirurgia estetikoko operazio txiki bat egiteko. Afaldu
ostean, Interneten sartu da hegaldia erreserbatzeko. Erreserba egiteko, Helenak datu pertsonal piloa eman behar izan du.
Bidaia egin baino lehen, Estatu Batuetako gobernuak jaso eta aztertu egingo ditu datuak, terrorismoaren aurkako neurria
dela aitzakiatuta, eta erabakiko du ea Helena arriskutsua den Estatu Batuen segurtasunerako. Hegazkin konpainiaren
web orriak guzti horren gaineko informazioa ematen du, baina Helenak ez du horrelako informaziorik irakurtzen eta ez
da ondo jabetzen kontu horretaz.
20:00 Helenak dei bat jaso du telefono mugikor batetik. Ez daki norena den zenbakia, baina erantzun egin du. Deitu
duen pertsonak, ordea, telefonoa eseki du eta Helenak deia ahaztu egin du. Helenak ez daki pertsona horrek nahi gabe
markatu duela bere telefono zenbakia, eta gainera poliziak susmopean duela ustez delituzko jardueretan nahasita
dabilelako. Polizak pertsona horrek egindako telefono erregistroak eskatu beharko ditu eta Helenaren telefono zenbakia
ere bertan agertuko da. Ondorioz, poliziak Helenaren telefono mugikorrari buruzko azken hiru hilabeteetako xehetasunak
ere eskatuko ditu, argitzeko ea ikerketarako garrantzitsua den ala ez.
Helenak telebista ikusten bukatzen du eguna. Gaur ez zaio inori gehiago emango Helenaren datu pertsonalik.