ERREGISTRATU SARTU BAJA EMAN - AVPD - Euskadi.net

3. JARDUERA
FOTOKOPIA EGIN
IKASLEAK
72
AZTERTZEKO KASUA
AZTERTZEKO KASUA 5
Duela urte batzuk mutil gazte bat kondenatu zuten
lehen auzialdian munta txikiko delitu batengatik.
Epaiaren aurkako errekurtsoa aurkeztu zuen eta
absolbitu egin zuten. Egun batean beste herrialde
batera emigratzea erabaki zuen, eta, horretarako,
polizia-aurrekaririk ez zuela egiaztatzen zuen agiri
bat eskatu behar zion poliziari. Atzipen-eskabide
bat aurkeztu zion poliziari, Datu Pertsonalak
Babesteari buruzko Legeari jarraiki. Poliziaren
erantzuna jaso zuenean, beldurtu egin zen, ikusi
baitzuen poliziaren eginbideak oraindik datubasean
agertzen zirela. Orduan gizona Datuak
Babesteko Agentziarekin jarri zen harremanetan,
oso kezkatuta zegoelako hasierako salaketa
oraindik poliziaren datu-basean ageri zelako.
Azkenean, poliziak egiaztagiri bat eman zion
aurrekariak ezeztatu zituela adieraziz.
AZTERTZEKO KASUA 6
Emakume bat ospitale publiko bateko larrialdietako
zerbitzura joan zen. Hilabete batzuk geroago,
ikerketa bat egiten ari zen enpresa bat berarekin
harremanetan jarri zen. Ikertzaileek bazekiten noiz
eta zergatik egon zen ospitalean, eta galdera batzuk
erantzuteko eskatu zioten. Emakumea haserretu
egin zen, ospitaleak ikerlariei bere berri eman
zielako, eta ospitalera joan zen kontua argitzera.
Baina ez zen gustura geratu ospitaleak emandako
erantzunarekin eta Datuak Babesteko Agentziara
jo zuen kexa bat aurkezteko. Ospitaleak esan zuen
larrialdietako itxarongelan ohar bat jarri zutela
pazienteei ohartarazteko ospitaleak haiei buruzko
informazioa emango ziela ikertzaile batzuei, eta
ez bazuten nahi, harrera-gunean esateko. Datuak
Babesteko Agentziak ebatzi zuen ospitaleak
banan-banan galdetu behar ziela pazienteei ea
ikerketan parte hartu nahi zuten.